Manugtudlu 1:2 - Hanunuu

² Unman may pulus! Unman gid may pulus ti tanan!

Manugtudlu 1:2 Iomraidhean Croise

Hub 11:12

Ga balaw mahimu ti usa ka unman may intindi bumaliw madunung, katunda diman balaw mahimu ti talun asnu manganak tawu.

Kanta 144:4

Parihu diman siya sa durus maglawuy ag kay manga sirang ga aninu mabisug lang magkadura.

Kanta 89:47

Alalahana duy nu kabitay ka dag-ud ti buhi tawu; alalahana binwat nimu ti tawu may kamatayan.

Manugtudlu 11:10

Danga kamu magkaarimputu ngatay magkaruku dahil ti panahun kalay-awan maglawuy lang.

Manugtudlu 11:8

Nu malawig kanmu buhi, pagbaya kawu. Alalahana nimu, rumas-ug ti malawig pag udas kamatayan. Inda tanan ti magpangyari unman may kabuluhan.

Manugtudlu 12:8

Aku ti manugtudlu magkumun, “Unman gid may pulus! Unman gid may pulus ti tanan!”

Manugtudlu 2:11

Dapat pagka inisip niku mayad ti tanan niku manga binuwat, naisip niku inda tanan unman may pulus; ga parihu lang sa maglagas aku durus. Unman gid may pulus ti tanan niku binudlayan sitay sa kalibutan.

Manugtudlu 2:15

Nakan magkumun aku sa kang sadili, “Nu hintay ti mangyari sa unman may intindi imaw diman ti mangyari sa kangku. Nakan unu ti mab-ul niku pag kaayadan sa kang pagkamadunung? Unman diman inda may pulus!

Manugtudlu 2:17

Nakan pagkadat-an niku ti buhi, dahil ti manga buruwatun sitay sa kalibutan magdara lang sa kangku kakurian. Inda tanan unman may pulus; ga parihu lang sa maglagas aku durus.

Manugtudlu 2:19

Ag si unu ti nakaalam nu madunung inda pag tawu ngatay unman may intindi? Dapat una unu waya siya, siya diman ti mangapu sa tanan niku binudlayan sa buu niku kabisugan ag kadunungan. Unman diman inda may pulus!

Manugtudlu 2:21

Dahil una waya mamudlay kawu sa buu nimu kadunungan ag kakayahan, tayakan diman waydi nimu ti tanan binudlayan sa tawu balaw nagbudlay para sa inda. Unman diman inda may pulus, ag balaw makatadlungan.

Manugtudlu 2:23

Ti tanan pagbuwatun niya sa buu niya buhi magpadaut lang sa kay nalub-anan. Nakan una sa yabi unman makapahari kay naisipan. Unman diman inda may pulus!

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 2:8

Mayamu kang natipun manga gintu, manga pilak ag tuhay waya pag manga kayamanan ginan sa manga hari hanggan sa kang nasakupan pag manga rugar. Mayamu kang manga manugkanta lalaki ag babayi, ag mayamu diman kang asawa — imaw ti kabayaan manga lalaki.

Manugtudlu 3:19

Parihu lang ti patabgan tawu ag hayup; parihu sida mamatay. Parihu lang diman sida may arup, nakan ti tawu unman may ilangbaw sa hayup. Tutuu gid waydi ti tanan unman may pulus.

Manugtudlu 4:16

ag unman mabilang kay manga tawu dumarahan, mahimu balaw makabaya sa kanya ti uryan pag manga sinulput. Inda unman diman may pulus; ga parihu lang sa maglagas kawu durus.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Manugtudlu 4:8

May usa ka tawu usa-usa magpangabuhi. Unman siya may anak ngatay patar-ari, dapat unman may apas kay magpangabudlay, ag unman siya magbaya sa kay kayamanan. Magbagaw siya sa kay sadili, “Udyi aku makabaya dahil sa masyadu pagpangabudlay. Dapat unman diman aku may matayakan kang pinamudlayan.” Unman inda may pulus! Maruku inda pag kalasi magpangabuhi!

Manugtudlu 5:10

Una si unu ti maraibgun sa kuwarta ag sa tuhay waya pag kayamanan, balaw gid ikabaya. Inda unman diman may pulus.

Manugtudlu 6:11

Nu pirmi kita magriklamu, magdugang waya gid kanta baragawun unman may pulus, ag unman inda makapakaun kaayadan sa kanta.

Ruma 8:20

Dahil ti tanan linalang Diyus pinaunman yi may pulus, balaw buluntad nu unman sa kagustuhan Diyus. Madi katida may pag-asa waya,