Manugtudlu 1:14 - Hanunuu

¹⁴ Nakitan niku ti tanan manga pagbuwatun tawu sitay sa kalibutan, ag inda tanan unman may pulus; ga parihu lang sa maglagas aku durus.

Manugtudlu 1:14 Iomraidhean Croise

Manugtudlu 12:8

Aku ti manugtudlu magkumun, “Unman gid may pulus! Unman gid may pulus ti tanan!”

Manugtudlu 2:11

Dapat pagka inisip niku mayad ti tanan niku manga binuwat, naisip niku inda tanan unman may pulus; ga parihu lang sa maglagas aku durus. Unman gid may pulus ti tanan niku binudlayan sitay sa kalibutan.

Manugtudlu 2:17

Nakan pagkadat-an niku ti buhi, dahil ti manga buruwatun sitay sa kalibutan magdara lang sa kangku kakurian. Inda tanan unman may pulus; ga parihu lang sa maglagas aku durus.

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 3:19

Parihu lang ti patabgan tawu ag hayup; parihu sida mamatay. Parihu lang diman sida may arup, nakan ti tawu unman may ilangbaw sa hayup. Tutuu gid waydi ti tanan unman may pulus.

Manugtudlu 4:16

ag unman mabilang kay manga tawu dumarahan, mahimu balaw makabaya sa kanya ti uryan pag manga sinulput. Inda unman diman may pulus; ga parihu lang sa maglagas kawu durus.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Manugtudlu 4:6

Mas mayad waya diit lang kanmu karan-unun dapat may kahusayan kaysa mayamu kanmu karan-unun dapat magkakurian gid kawu sa pagpangabudlay, unman diman waydi may pulus. Ga parihu lang sa maglagas kawu durus.

Manugtudlu 6:9

Unman inda may pulus; ga parihu lang sa maglagas kawu durus. Nakan mas mayad waya pagbaya yi lang kawu nu hintay ti asan sa kanmu kaysa magpakahangad kawu manga bagay unman sa kanmu.

Manugtudlu 8:16

Sirang yabi unman aku magkaturug pagsikapun niku makab-ul kadunungan hampay masalman niku ti manga magpangyari sa kalibutan.