Manugtudlu 1:13 - Hanunuu

¹³ Sa kang kadunungan, inadalan gid niku mayad ti tanan manga magpangyari sitay sa kalibutan. Usa inda ka makaburudlay pag buruwatun ti ipinakaun Diyus irisipun tawu.

Manugtudlu 1:13 Iomraidhean Croise

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

Hub 28:3

Maggamit ti manga tawu sulu hampay balaw madlum nu magkali sida sa basad daga. Magkali sida manga batu sa arabasad.

Kanta 111:2

Makadululaw ti manga binwat Panginuun; pag-isipun gid inda tanan magkaibug sa kay binwat.

Kabagawan 18:1

Ti tawu makasadili magpablag sa kayamuan ag magsalumpang sa tanan mayad pag kaisipan.

Kabagawan 18:15

Ti tawu madunung ag may intindi maghingbut waya umamat kay kadunungan.

Kabagawan 23:26

Anak, patingihi aku kaayad ag sunda kang pagpangabuhi.

Kabagawan 25:2

Pagparangalan nita ti Diyus dahil sa manga bagay balaw niya ibinarita sa kanta; dapat pagparangalan nita ti manga hari dahil sa manga bagay pag-ipahayag nida sa kanta.

Kabagawan 4:7

Ti kadunungan ngatay ti pan-intindi imaw ti pinakamahalaga sa tanan, nakan hingabta gid nimu magkaimaw inda una matabu waya ti tanan nimu kasiyunan.

Manugtudlu 1:17

Inadalan gid niku mayad ti pagkaiba kadunungan ag kalukuhan, dapat naisip niku inda unman diman may pulus; ga parihu lang sa maglagas aku durus.

Manugtudlu 11:5

Nu kabitay balaw nimu magkaalaman ti palakaw durus ngatay nu kabitay kay magdaka ti lapsag sa tiyan niya ina, katunda diman ti pagbuwatun Diyus, ti nagbuwat tanan pag bagay, balaw diman nimu inda masalman.

Manugtudlu 12:12

Anak, pag-aman kawu inda waya pag usa ka bagay: Ti magsurat manga ribru unman may katapusan, ag ti subra pag adal makabudlay.

Manugtudlu 2:23

Ti tanan pagbuwatun niya sa buu niya buhi magpadaut lang sa kay nalub-anan. Nakan una sa yabi unman makapahari kay naisipan. Unman diman inda may pulus!

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 3:10

Nakitan niku ti manga buruwatun itinagka Diyus para sa tawu.

Manugtudlu 3:11

Ag inda tanan itinagka Diyus mangyari sa kang-ud pag udas. Pinakan-an niya kita kagustuhan maalaman ti aratubangun, dapat unman gid nita masalman kay manga binuwat ginan sa kabag-u hanggan sa katapusan.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Manugtudlu 4:8

May usa ka tawu usa-usa magpangabuhi. Unman siya may anak ngatay patar-ari, dapat unman may apas kay magpangabudlay, ag unman siya magbaya sa kay kayamanan. Magbagaw siya sa kay sadili, “Udyi aku makabaya dahil sa masyadu pagpangabudlay. Dapat unman diman aku may matayakan kang pinamudlayan.” Unman inda may pulus! Maruku inda pag kalasi magpangabuhi!

Manugtudlu 7:25

Dapat parargu niku pag-adalan ag pag-usisaun, hampay matanggap niku ti kadunungan ag masagut kang manga paingana, ag hampay maalaman niku nu kabitay ka bagul ti tawu magbuwat daut ag nu kabitay ka daut ti naisipan tawu magbuwat kalukuhan.

Manugtudlu 8:9

Binantayan niku ti tanan bagay magpangyari sitay sa kalibutan, nakitan niku ti manga tawu may kapangyarihan manakit sa kay kaparihu.

1 Timutiyu 4:15

Tupada gid nimu tunda, lubus ialistu nimu kanmu sadili sa inda pag buruwatun hampay makitan tanan tawu mag-amat kanmu kakang-udan.