Malakyas 4:2 - Hanunuu

² Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Malakyas 4:2 Iomraidhean Croise

2 Samwil 23:4

parihu sa rayaw sirang magbutlak sa surip balaw magal-um, magpasinay sa manga ilamnun nauranan!’

Kanta 103:3

Pagpatawadun niya ti tanan niku kasalanan, ag pagpaayadun niya ti tanan niku mag-adnugan.

Kanta 147:3

Pagpaayadun niya ti manga tagipusuun nibuyu; pagbulungun niya kanda manga biyag.

Kanta 61:5

Dahil nasaydan nimu, Diyus, kang manga taratu sa kanmu ag pinakan-an nimu aku manga bagay ipinakaun nimu sa manga magsunud sa kanmu.

Kanta 67:1

Diyus, kaawa-i ag papaladi duy kami. Pakakitan sa kanmi kanmu kaayadan

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Kanta 85:9

Tutuu gid iribri niya ti manga maggalang sa kanya, hampay ipakakit kay kamaskihan pumirmaminti sa kanta daga.

Kabagawan 4:18

Ti pangabuhi tawu matadlung parihu sa pagbutlak init mag-amat di magrayaw habang magdugay.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Isayas 35:6

Mangutbaw ga karasyaw ti manga pilay, ag manringgit sa kabayaan ti buyun. Mamulus ti danum sa tigangan ag bumulus ti danum sa manga sapa sa pangawakawaan.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 53:5

Ti tutuu, biniyagan siya dahil sa kanta manga paglabag; hinampak siya dahil sa kanta kadautan. Ti inagwanta niya pag parusa imaw ti nagpauli sa kanta sa mayad pag kahamtangan. Dahil sa kay manga biyag naayadan kita.

Isayas 9:2

Ti manga tawu sa kadudulman makakit masyadu gid pagkarayawan, ag marayawan ti may manga kakurian.

Hirimyas 17:14

Panginuun, paayada duy nimu aku hampay maayadan; iribri duy nimu aku ag maribri aku. Kawu lang gid kang dayawun.

Hirimyas 30:17

Dapat bulungun ag paayadun niku kanyu manga biyag una yi pagsabihun iba kuntay kamu pag manga taga Hirusalim dinayu ag pinabay-anan. Aku, ti Panginuun, ti magsabi inda.”

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Isikil 47:12

Tumubu sa baliw-baliw saruy sapa ti tuhay-tuhay pag manga kayu magburak. Balaw malayung kanda manga labung ag balaw matabu kanda manga burak. Manburak inda kada bulan dahil pagbulusan danum ginan sa Balay Diyus. Kanda manga burak para karan-unun ag kanda manga labung para pamulung.”

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Husyas 6:3

Hingabtun nita makilala ti Panginuun. Pihu gid rumas-ug siya, parihu sa pagbutlak init. Rumas-ug siya parihu sa uran maghurum sa daga.”

Malakyas 3:16

Bag-u ti manga maggalang sa Panginuun nanharampangan. Namatingi sa kanda ti Panginuun ag nasaydan niya kanda paghampangan. Isinurat kanda manga ngaran sa ribru ati sa atubangan Panginuun, hampay maalaala niya sida maggalang maaw ag mag-alaala pirmi sa kanya.

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Lukas 1:50

Kay pagkaawaan ti manga maggalang sa kanya, hanggan waya may sinulput.

Lukas 1:78

Sa mahal pangaawa Diyus nita, ipadara niya sa kanta ti Manugribri, parihu sa pagsinggit init.

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 1:4

Ti Bagaw ti gimpuunan buhi. Inda pag buhi ti sulu tigpakaun karayawan sa manga tawu.

Huwan 1:8

Bukun si Huwan tigpakaun karayawan sa manga tawu, nu unman nagsitay siya hampay ipagbarita niya ti sulu.

Huwan 12:40

“Binuta Diyus kanda manga mata agud unman sida makakit. Pinaganit Diyus kanda tagipusuun agud unman sida makaintindi. Sinabi Diyus magkun, nakan katida kang binwat sa kanda hampay sida unman bumalik tag sa kangku. Dayu waydi paayadun niku sida.”

Huwan 8:12

Nagbagaw maan si Hisus sa manga Parisiyu magkun, “Aku ti sulu sa kalibutan. Nu ti tawu magpasakup sa kangku, sa kanya yi ti karayawan tigpakaun buhi ag balaw yi siya lumakaw sa madlum.”

Huwan 9:4

Ti Ama ti nagsugu sa kangku, nakan hanggan may sirang waya kailangan tupadun nita ti buruwatun niya. Nu bay yabi yi aban, udyi may makabuwat una si unu pag tawu.

Binwat 13:26

Magkun si Pablu, “Manga kaparihu niku Hudiyu, manga linahi ni Abraham hanggan kamu pag manga balaw Hudiyu manga niabay sa surundanun Hudiyu, kita yi duy ti pinadakitan barita tungkul sa inda pag karibrihan.

Binwat 13:47

Dahil kainda kay isinugu Panginuun sa kanmi magkun, ‘Ipinakana niku kawu ga sulu sa manga balaw Hudiyu hampay ibarita nimu ti karibrihan sa tanan tawu sa bilug kalibutan.’”

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

2 Tisalunika 1:3

Kailangan kami pirmi magpasalamat gid sa Diyus tungkul sa kanyu, manga patar-ari. Nakan tama gid nu pirmi kami magpasalamat, dahil mag-amat magrig-un kanyu pagsarig sa kan Kiristu. Hanggan paman kanyu pagmahal sa usa kag sa usa mag-amat waydi magdaka.

2 Pidru 1:19

Lalu waya pagpaniwalaan nimi ti sinabi manga purupita. Kailangan kanyu intindihun mayad-mayad ti sinabi manga purupita dahil tunda pag bagaw parihu ga sulu marayaw sa basad madulum hanggan sa udwaya magkasurip ag suminggit ti kuramnag sa kanyu manga tagipusuun.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.

1 Huwan 2:8

Dapat ay bag-u diman waydi pag sugu kang pag-isurat sa kanyu. Kay katutuuhanan mag-akitan sa kan Kiristu hanggan sa kanyu diman. Dahil ti dulum maglawuy yi ag ti tutuu pag karayawan magrayaw yi.

Ipinakakit 11:18

Magkagalit ti manga unman magsarig sa Diyus, dahil nagras-ug yi ti kaudasan nimu pangagalit. Pihuun yi nimu ti manga namatay nu daut nu mayad. Kanmu diman kaudasan pamakaun pirimyu sa manga suruguun nimu, sa manga purupita. Pakan-an diman nimu pirimyu ti manga napasakup sa kanmu hanggan ti tanan maggalang sa kanmu ngaran, una mayaman una pugri. Udas yi hampay dautun nimu ti manga nagpakaun kakurian sa kalibutan.”

Ipinakakit 22:16

“Aku si Hisus ti nagsugu sa kang anghil hampay ipakilala inda pag manga bagay sa kanyu sa ikarig-un manga iglisya. Aku ginan sa linahi ni Dabid, aku ti masnag pag kuramnag.”

Ipinakakit 22:2

Baliw-baliw dipay sapa may puun kayu, kay burak makapakaun tutuu pag buhi sa tawu. Bulan-bulan magburak. Kay manga labung magpaayad sa sakit manga nasyun tawu.

Rut 2:12

Nakan papaladan mana kawu Panginuun dahil sa kanmu binwat. Mana laun pag pirimyu kanmu matanggap ginan sa Panginuun, ti Diyus Israil, kanmu darangpan.”