Malakyas 4:1 - Hanunuu

¹ Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Malakyas 4:1 Iomraidhean Croise

Hub 18:16

Bumaliw siya parihu sa kayu malayung kay manga gamut ag manga sanga.

Kanta 119:119

Pag-isipun nimu parihu sa panguyangan ti daut pag manga tawu sitay sa kalibutan. Dahil sa katida pagmahalun niku kanmu tudlu.

Kanta 37:9

Dahil ti daut pag manga tawu palayasun sa daga Israil, dapat ti magsarig sa Panginuun parargu mangulian sa inda pag daga.

Pag-ighit 15:7

Sa kanmu kamaskihan rinuris nimu ti maglaban sa kanmu. Pag-iparanas nimu sa kanda kanmu pangagalit, parihu sida sa uhut magkasunug.

Isayas 40:24

Parihu sida sa manga tanum bag-u di waya magtubu harus unman waya nakagamut. Inyup sida Panginuun ag kadaka lang narubay ag ipinayag buhawi ga upa.

Isayas 41:2

Si unu ti nagpadara usa ka tawu ginan sa butlakan ag nagpakaun sa kanya panalu sa labanan, una naan siya pag umatag? Si unu ti nagpasakup sa kanya sa manga hari ag manga nasyun? Winayak niya ti manga nasyun ag pinanmatay ti manga hari sa panab-anan baladaw ag ugyung. Ag inda nagbaliw ga taypuk pag ipayag durus.

Isayas 47:14

Kay tutuu, parihu sida sa manga dayami madali magkairub. Unman nida mairibri kanda sadili sa apuy. Inda pag apuy unman may baga nakan madali magkapsa. Nakan unman mapanarangan.

Isayas 5:24

Nakan miparihu kamu sa dayami ngatay sa layung ilamnun mairub apuy. Miparihu diman kamu sa tanum kay manga gamut magkaluu ngatay busang pag-ipayag durus ga taypuk, dahil ipinurya niyu ti Kasuguan Panginuun Makamaskihan, ti Banal pag Diyus Israil.

Isayas 9:18

Dahil kanda kadautan parihu sa apuy maghirut sa ilamnun madugi. Maglangyaban ga apuy maghirut sa kayu, ag ti madamul pag anus magpanalikuub.

Isayas 9:19

Dahil sa pangagalit Panginuun Makamaskihan, magkarairub kanda daga, ag bumaliw sida ga pamagba kan-un apuy. Dayu nida kaawaan una kanda kaparihu Israilita.

Isikil 20:38

Ipasaman niku sa kanyu ti manga naglaban sa kangku. Una ipalwas waya niku sida sa nasyun nu naan sida nabihag, unman diman sida makabalik sa daga Israil. Bag-u maalaman niyu aku ti Panginuun.’ ”

Isikil 21:32

Bumaliw pamagba kamu, ag kanyu dugu mabuhus sa kanyu daga. Unman may makaalala sa kanyu. Mangyari gid inda, dahil aku, ti Panginuun, ti magbagaw inda.”

Isikil 24:11

Bag-u padnaan sa baga ti kardiru unman may sukad tugka sa bumaga diman. Sa panab-anan inda, malinisan ti kardiru ag masunug ti manga kalawang.

Isikil 34:17

“Manga nasakupan Israil kamu kang manga karanidu, aku, ti Panginuun Diyus, magkun sa kanyu, parusahan niku kamu. Ipasaman niku ti mayad sa daut, ti manga karanidu sa manga kambing.

Isikil 7:10

“Arani yi gid ti sirang kadamhakan! Masyadu yi gid ti kadautan hanggan ti magpadayaw manga tawu.

Huwil 2:1

Uypun niyu ti budyung hampay pasandaman ti manga tawu sa Siun, ti banal pag bantud Panginuun. Tanan kamu pag mag-uli sa Huda, takigan kamu sa dala, dahil arani yi gid ti sirang parusahan kamu Panginuun.

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Amus 2:9

Dapat kang binwat para sa kanda sa manga taga Israil, rinuris niku ti manga Amuriyu una parihu sida sa puun kayu sidru kay abwat ag mapag-un ga puun kayu insina. Rinuris niku sida tanan tugka sa unman may nasawad buhi.

Ubadyas 1:18

Ti manga linahi nida ni Hakub ni Husi bumaliw ga apuy maghirut sa linahi ni Isaw, parihu sa mag-irub sa dayami. Udyi may masawad sa linahi ni Isaw.” Pihu gid matupad inda, dahil aku, ti Panginuun, ti magbagaw inda.

Nahum 1:10

Parihu kamu sa manga langu masabudan sa dugihan pag halaman. Rurisun gid kamu parihu sa magtutud dayami.

Sipanyas 1:14

Arani yi ti pinakamadala pag sirang kay pagparusa Panginuun. Inda madali rumas-ug. Makuri masyadu ati katpung pag sirang, dahil una ti maisug pag sundalu manringgit manhagad awat.

Sipanyas 1:18

Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”

Sakaryas 14:1

Rumas-ug ti sirang pagparusa Panginuun. Ayaw-ayawun niyu manga kalaban ti manga naagaw nida pag kasiyunan ginan sa kanyu manga taga Hirusalim ag kamu mamantay lang sa kanda.

Malakyas 3:15

Masabi waya ngani nita mapalad ti mayabang pag manga tawu. Sa kay tutuu, sida ti manga magbuwat daut mag-unlad. Una pagsubukan nida ti Diyus unman diman sida pagparusahan.’ ”

Malakyas 3:18

Ag makitan maan manga tawu ti pinagkaiba matadlung ag daut, ti pinagkaiba magsunud sa kangku ag ti balaw magsunud.”

Malakyas 3:2

Dapat si unu lugud ti umagwanta sa sirang niya pagras-ug? Si unu lugud ti umagwanta nu manpakakit yi siya? Dahil parihu siya sa apuy magtunaw sa baul ngatay parihu sa sabun magpalagti. Lumpiyuhun niya ti manga manughandug manga lahi ni Libi parihu sa magtunaw pilak ag gintu, hampay bumaliw matadlung kanda buhi sa kanda maghandug sa Panginuun.

Malakyas 4:5

“Pagpatingi kamu! Bag-u rumas-ug ti madala gid pag sirang niku pagparusa, ipadara niku sa kanyu si Purupita Ilyas.

Matiyu 3:12

Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”

Lukas 19:43

Dahil aban pag manga udas sangputun gid kawu nimu manga kalaban. Kulungun yi kawu, apikihun kawu sa baliw-baliw.

Lukas 21:20

Magkun waya si Hisus, “Nu makitan niyu aban ti Hirusalim linibut yi kayamuan sundalu, pagkilala gid kamu arani yi wasakun ti Hirusalim.

Lukas 6:23

Pagbaya kamu nu katida ti mangyari sa kanyu, pag-utbaw waya sa kanyu kabayaan, dahil daka pag pirimyu aban sa kanyu ati sa langit. Katida diman waydi ti binwat nida manga ginurang sa manga purupita.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

2 Pidru 3:7

Sa kay kapangyarihan diman niya bagaw iningatan inda pag langit hanggan daga hampay sunugun aban sa apuy pagka udas yi sintinsiyahan sa kadamhakan ti manga makasalanan pag tawu.