Malakyas 3:8 - Hanunuu

⁸ Mamaingana waydi aku sa kanyu, mahimu aw lugud ti tawu manakaw sa kangku? Unman mahimu! Dapat kamu, pagtakawan niyu aku. Ag kainda magpaingana waya kamu, ‘Kabitay nimi kawu tinakawan?’ Pagtakawan niyu aku dahil unman kamu mag-ayaw kanyu manga ikasampulu ag manga handug.

Malakyas 3:8 Iomraidhean Croise

Kanta 29:2

Dayawun niyu kay pagkamakamaskihan. Sambaha niyu siya sa kay pagpakakit sa kay banal pag kadayawan.

Kabagawan 11:24

Ti maraayaw pag tawu lalu di magyamu kanda kayamanan, dapat ti manga makasadili lalu di magkuri.

Isayas 43:23

Udyi kawu maghandug karanidu sa kangku bilang handug pagsunugun. Balaw yi nimu aku pagkilalan-un sa panab-anan manga handug una balaw niku kawu pinakurianan ngatay pinabudlay sa paghagad manga handug pasalamat hanggan manga kamangyan.

Libitiku 19:25

Dapat sa ikalima pag timpu makakaun yi kamu manga burak. Ag nu tupadun niyu inda pag manga surundanun, umabunda gid kay manga burak kanyu manga tanum. Aku ti Panginuun kanyu Diyus.

Sakaryas 5:3

Magkun ti anghil sa kangku, “Nakasurat sa tunda pag kasuratan ti saad rumas-ug sa buu daga Israil. Pagsabihun sa usa ka bahagi kasuratan ti tanan manugtakaw duraun sa Israil, ag sa baliw bahagi waydi kasuratan pagsabihun ti kada usa manumpa may kapudilan duraun diman.

Malakyas 1:13

Magkun waya kamu magsuku yi kamu sa kanyu maghandug sa kangku, ag pag-ipasipala niyu kang harandugan. Nakan maaw pagsagdahan niyu aku manga hayup may garis, pilay ngatay may sakit. Kanyu aw isip tanggapun niku tunda?

Malakyas 1:8

Nakan ngani maghandug kamu sa kangku manga hayup buta, pilay, ngatay may sakit. Balaw tida mayad! Subuki lang niyu ayawi kanyu gubirnadur katida pag kalasi manga hayup. Pihu gid balaw siya makabaya sa kanyu ag balaw niya kamu pakakitan kaayadan.” Inda ti pagsabihun Panginuun Makamaskihan.

Matiyu 22:21

Sinmagut sida sa kanya magkun, “Sa Pangulu Hari duy inda.” Bag-u magkun si Hisus sa kanda, “Nakan ngani ipakaun lang sa Pangulu Hari ti para sa kanya. Dapat ay ipakaun niyu sa Diyus ti para sa Diyus.”

Markus 12:17

Bag-u magkun si Hisus, “Nakan ngani ipakaun lang sa Pangulu Hari ti para sa kanya. Dapat ay ipakaun niyu sa Diyus ti para sa Diyus.” Pagka nadnugan nida kay sagut ni Hisus, naglingut gid masyadu sida sa kanya.

Lukas 20:25

Bag-u sinabi ni Hisus sa kanda magkun, “Nakan ipakaun lang sa Pangulu Hari ti para sa kanya. Dapat ay ipakaun niyu sa Diyus ti para sa Diyus.”

Ruma 13:7

Ipakaun niyu sa kada usa ti dapat sa kanya. Pagbayad buhis hanggan manga lisinsiya sa manughiyaput buhis. Paggalang sa may karampatan galangun, pahalgai niyu ti dapat pahalgaan.

Ruma 2:22

Kanmu pagsabihun magkun, “Danga mag-uragin”, dapat bati kawu diman magpanguragin? Magkadaut kawu sa manga diyus-diyusan, bati kawu magsaka sa manga balay diyus-diyusan hampay manakaw?

Huswi 7:11

Nagsalan ti Israil; linabag nida kang kasunduan. Namuul sida manga bagay ihinandug yi buu sa kangku. Tinakaw nida inda, nagpudil sida tungkul sa inda, ag ipinaamut nida inda sa kanda manga kasiyunan.