Malakyas 3:7 - Hanunuu

⁷ Parihu kamu sa kanyu manga ginurang; unman kamu nagsunud ag nagtupad sa kang manga surundanun. Kainda, pagbalik kamu sa kangku, sa Panginuun Makamaskihan, ag bumalik aku sa kanyu. Dapat magpaingana waya kamu, ‘Kabitay kami makabalik sa kanmu?’

Malakyas 3:7 Iomraidhean Croise

Nihimyas 9:26

“Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

Isayas 65:2

“Magpakaalagad aku sa kang manga nasakupan maganit kay ulu ag unman magsunud sa mayad pag-ugali. Kanda pagsundun kanda lang sadili naisipan.

Hirimyas 16:11

Sabihun nimu sa kanda inda kang sagut: ‘Binwat niku inda dahil dinayu aku niyu manga kaumputan. Nagsirbi ag nagsamba sida sa manga diyus-diyusan. Dinayu nida aku balaw nida sinunud kang bilin.

Hirimyas 16:12

Mas subra waya kamu daut kaysa manga kaumputan niyu. Ti kadautan ag kaganitan niyu manga tagipusuun ti sinunud niyu, bagkus aku mana di kanyu sundun.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 7:25

Ginan sa pag-ighit manga ginurang niyu sa Ihiptu taynguna tugka, parargu aku magpadara sa kanyu manga manugsirbi pag manga purupita niku.

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Isikil 2:3

Magkun siya, “Anak tawu, ipadara niku kawu sa nasakupan Israil, sa nasyun maglaban sa kangku. Kanda manga ginurang naglaban sa kangku kaybi, ag tugka kainda maglaban waya sida sa kangku.

Isikil 20:13

“ ‘Dapat naglaban di maan sida sa kangku ati sa pangawakawaan. Unman nida sinunud kang manga sugu hanggan manga surundanun, nu tupadun mana nida mangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku sa kanda kang pangagalit hampay midamhak sida lubus ati sa pangawakawaan.

Isikil 20:21

“ ‘Dapat kanda manga anak naglaban diman sa kangku. Unman nida sinunud kang manga sugu hanggan manga surundanun, nu tupadun mana nida magpangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku kang masyadu pag pangagalit sa kanda ati sa pangawakawaan.

Isikil 20:28

Dahil katpung dinara niku sida sa daga kang itinaratu ipakaun sa kanda, naghandug sida manga handug, manga kamangyan, ag manga irinmun sa abwat pag manga rugar ag sa maraybung pag manga kayu kanda makitan. Nakan nagalit gid aku sa kanda.

Isikil 20:8

“ ‘Dapat naglaban sida sa kangku, ag unman sida namatingi. Unman nida binugyahan ti mayagting pag manga diyus-diyusan Ihiptu. Nakan magkun aku ipaagum niku sa kanda kang masyadu pag pangagalit ati sa Ihiptu.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Malakyas 3:13

Magkun waya sa kanda ti Panginuun, “Marasakit kanyu pinamagaw tungkul sa kangku. Dapat magpaingana waya kamu, ‘Unu lugud ti pagsabihun nimi tungkul sa kanmu?’

Matiyu 23:27

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Kamu ga manga lubung pininturahan malagti, marinu mana sa luwas dapat ti sa sulud punu ngap but-ul manga namatay hanggan kayagtingan.

Lukas 15:16

Kay gustu mana mabsug kay tiyan manga burak kayu pamahug babuy. Dapat unman may namakaun sa kanya.

Ruma 10:21

Dapat sinabi niya tungkul sa Israil magkun, “Ginan surip hanggan malambung aku magpakapatigagad sa usa ka nasyun tawu maganit kay ulu ag maglaban sa kangku.”

Ruma 10:3

Dahil unman naintindihan nida kay paraan Diyus hampay kay pagkilalan-un niya ti manga tawu kuntay manga matadlung. Unman nida sinunud ti paraan Diyus. Bagkus ngap nanipag sida sa kanda sadili paraan hampay pagkilalan-un sida Diyus kuntay manga matadlung.

Ruma 7:9

Nu kabag-u di waya, nabuhi aku bukud sa Kasuguan. Dapat pagka naalaman niku ti bilin, nabuhi ngap ti kasalanan,

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Santiyagu 4:8

Pagpakarani kamu sa Diyus, bag-u pumakarani waydi ti Diyus sa kanyu. Lumpiyuha kanyu manga kamang, kamu pag manga makasalanan. Lumpiyuha kanyu tagipusuun, kamu pag manga tawu magkauman-uman kanyu naisipan.