Malakyas 3:5 - Hanunuu

⁵ Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Malakyas 3:5 Iomraidhean Croise

Gimpuunan 20:11

Nagsagut si Abraham, “Kang isip duy unman gid una di usa atay ti maggalang sa Diyus, nakan nag-isip aku barang matyun niyu aku hampay mab-ul niyu kang asawa.

Gimpuunan 42:18

Sa ikatlu pag sirang, magkun si Husi sa kanda, “Maggalang aku sa Diyus, nakan pakan-an niku kamu panahun hampay mabuhi nu sundun niyu kang pag-isugu sa kanyu.

Nihimyas 5:15

Dapat ti manga gubirnadur nag-una nagbaliw pabuyat sa manga tawu, dahil maghagad gid sida sa kanda sirang-sirang pagkaun hanggan irinmun purya waya sa 40 ka pulud pilak. Hanggan kanda manga may kangaranan nagpakuri sa manga tawu. Dapat unman gid niku tunda binwat, dahil magkadala aku sa Diyus.

Hub 31:12

Parihu inda sa mag-irub pag apuy dumura sa tanan niku kasiyunan.

Hub 7:2

ngatay ga usa ka panawuhun mag-alagad malambung hampay makapahari yi, ngatay parihu diman sa usa ka manugtarabahu mag-alagad kay kaupahan.

Kanta 36:1

Inda pag tultulanun paghamnuun niku sa kang tagipusuun tungkul sa pagkamakasalanan daut pag tawu: Ti daut pag tawu balaw magkadala sa Diyus.

Kanta 81:8

Manga nasakupan niku Israilita, patingihi niyu inda kang paandam sa kanyu. Pagpatingi mana kamu sa kangku!

Kanta 96:13

sa atubangan Panginuun. Dahil pihu yi rumas-ug siya agud intindihun ti manga tawu sa kalibutan. Intindihun niya sida may katadlungan ag angay sa kay katutuuhanan.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Pag-ighit 1:17

Dapat dahil magkadala sa Diyus ti manga manugpaanak, balaw nida sinunud ti sugu hari, bagkus ngap pinabay-anan nida mabuhi ti manga lapsag lalaki.

Pag-ighit 18:21

Dapat pagpili kawu manga tawu makaawat sa kanmu. Kailangan may imaw sida kakayahan maghusay, may dala sa Diyus, makatiwalaan, ag unman magtanggap suhul. Buwatun nimu sida tagahusay sa kada gurupu sa tig 1,000, 100, 50 ag 10 ka tawu.

Pag-ighit 20:7

“Danga niyu paggamita kang ngaran sa unman may pulus. Aku, ti Panginuun niyu Diyus, ti pumarusa una si unu ti gumamit kang ngaran sa unman may pulus.

Pag-ighit 22:20

“Una si unu ti manhandug sa tuhay pag diyus purya sa kangku kailangan matyun.

Kabagawan 16:6

Nu pagmahalun nita tapat ti Panginuun, patawadun niya kanta manga kasalanan. Nu paggalangun nita siya, makaaman kita sa kadautan.

Kabagawan 8:13

Ti maggalang sa Panginuun magkadaut sa daut. Pagkadat-an niku ti marapadayaw-dayaw, ti marapalabilabihun, ti daut pag-ugali, hanggan ti marapudil.

Isayas 57:3

Dapat kamu pag manga linahi panhirian, ag manug-uragin, hanggan manga babayi baraydan, pagpakarani kamu hampay kamu sintinsiyahan.

Hirimyas 23:10

Napnu ti daga manga tawu magsamba sa manga diyus-diyusan, dahil magbuwat kadautan ti manga purupita ag pagsamantalahun kanda kapangyarihan. Ag dahil siyun sinaadan Panginuun ti daga, nakan nauga ag narubay ti manga tanum.

Hirimyas 27:10

Kapudilan ti pagsabihun nida sa kanyu. Ag nu maniwala kamu sa kanda paighitun niku kamu sa kanyu daga. Palayasun ag rurisun niku kamu.

Hirimyas 27:9

Nakan danga kamu magpaniwala sa kanyu manga purupita hanggan manga manughula, ag manga manugpaliwanag tungkul sa manga tagin-up, una sa manga panhirian ngatay manga tihulan magkumun balaw kamu sakupun hari Babilunya.

Hirimyas 29:23

Mangyari inda sa kanda dahil nagbuwat sida manga mayagting pag bagay sa Israil. Nanguragin sida sa asawa nida kaparihu ag nagbagaw kapudilan sa ngaran niku balaw kang pag-isugu kuntay buwatun nida. Magkaalaman niku kanda manga pagbuwatun, bag-u makapatutuu aku laban sa kanda. Aku, ti Panginuun, ti magsabi inda.”

Hirimyas 42:5

Magkun waya sida sa kan Hirimyas, “Ti Panginuun nimu Diyus ti tutuu ag matinupadun nita pag kastigus, nu balaw nimi buwatun ti tanan sabihun niya sa panab-anan nimu.

Hirimyas 5:2

Una paggamitun niyu kang ngaran sa kanyu magtaratu, magpudil diman kamu.”

Hirimyas 5:29

Aku, ti Panginuun magsabi: Unman aw dapat niku sida parusahan dahil sitay? Unman aw dapat niku balusan ti manga kainda pag nasyun?

Libitiku 19:13

Danga niyu pagdayaa aw ngatay pagtakawi kanyu kaparihu. Danga yi niyu pagpaaldawan ti pagpakaun upa sa tawu pinatarabahu niyu.

Libitiku 20:10

Nu ti usa ka lalaki mangulid sa asawa iba, siya hanggan ti babayi kailangan matyun.

Libitiku 20:27

Nu may imaw sa kanyu pandaniwan maghampang sa karadwa manga namatay, kailangan gid bintukun siya tugka sa mamatay. Siya di waydi ti dahilan niya kamatayan.

Libitiku 20:6

Saadan diman niku ti manga magdangup ag magsunud sa manga pandaniwan maghampang sa karadwa manga namatay. Balaw niku sida kilalan-un nasakupan niyu.

Mikas 1:2

“Pagpatingi kamu kaayad, kamu tanan pag manga tawu mag-uli sa babaw daga. Dahil kumastigus ti Panginuun Diyus laban sa kanyu ginan sa kay banal pag Balay.”

Habakuk 1:12

Magkun si Habakuk, “Panginuun, kawu ti Diyus ginan sa kabag-u. Kawu kang banal pag Diyus ag unman kawu may kamatayan. Panginuun, palalan-iban pag batu, pinili nimu ti manga taga Babilunya hampay pumarusa sa kanmi.

Sakaryas 11:12

Magkun aku sa kanda, “Nu sa kanyu isip pakan-an niyu aku kaupahan, ipakaun niyu ti kaupahan niku. Dapat nu unman, kanyu yi lang inda.” Nakan inupahan nida aku 30 ka bilug pilak bilang kabaydanan niku.

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Malakyas 2:14

Magpaingana kamu nu hayga udyi niya pagpansinun kanyu manga handug. Dahil maghiling ti Panginuun nandaya kamu sa kanyu asawa, kanyu pinaminsanan katpung kan-akan waya kamu. Linabag niyu kanyu kasunduan sa kanyu asawa, balaw kamu matinupadun sa kanda.

Malakyas 2:17

Magkun waya gid si Malakyas sa manga Israilita, “Magbugya yi ti Panginuun sa kanyu manga pagbagawun. Dapat magpaingana waya kamu, ‘Hayga, unu kanmi pagbagawun nakan magbugya yi siya?’ Magbagaw kamu ti tanan magbuwat daut mayad sa magbantay Panginuun ag magbaya siya sa kanda. Magpuya waya kamu magkun, ‘Naan yi ti Diyus katadlungan?’ ”

Lukas 23:40

Dapat sinmungyaw kay usa ka tulisan magkun, “Unman aw waya lugud kawu maggalang sa Diyus? Parihu kita nasintinsiyahan.

Ruma 3:8

Hayga unman nita masabi magkun, “Pagbuwat yi lang kita daut hampay lalu miburayhaw ti kaayadan?” Magkun ti manga magpuya sa kangku, katunda kunu kang pag-itudlu. Parusahan sida aban Diyus, tunda yi ngani ti kailangan sa kanda.

Diyuturunumiyu 15:13

Ag nu palpasan yi nimu siya, danga siya pagpaulia unman may dara.

Diyuturunumiyu 18:10

Kailangan unman may una di usa sa kanyu ti magsunug kay anak bilang handug. Ag danga diman kamu maghula, magtultul kahulugan manga tanda, maghiri, magsalumangka, magbuwat manga buruwatun manga pandaniwan ngatay tihulan ag magpaingana sa karadwa manga namatay.

Diyuturunumiyu 24:17

“Pakan-an niyu matarung ti manga ilu hanggan ti manga balaw Israilita mag-ulian kaibahan niyu. Danga niyu pag bul-a ti kulimpay buranday babayi bilang pilinda sa kay utang.

Diyuturunumiyu 27:19

“Saadan ti balaw magpakaun matarung sa manga balaw Israilita, sa manga ilu hanggan sa manga buranday babayi.” Bag-u sumagut ti tanan tawu, “Amin!”

Diyuturunumiyu 5:11

“ ‘Danga niyu gamitun kang ngaran sa unman may pulus, dahil aku, ti Panginuun niyu Diyus, ti pumarusa una sa kantapu ti gumamit sa ngaran niku sa unman may pulus.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.

Hibriyu 13:4

Kailangan galangun tanan tawu ti pag asawa. Kailangan magtupad ti mag-asawa sa usa kag sa usa. Dahil ti manga mahalay hanggan ti magpanguragin pasay sintinsiyahan Diyus.

Santiyagu 5:12

Dapat lalu waya manga patar-ari niku, danga kamu magpanumpa nu kamu magtaratu, danga paghinangbita ti langit hanggan ti daga, una lang hintay. Kang-ud yi waydi nu sabihun niyu, “Hu ngani”, nu hu. Sabihun niyu “Unman”, nu unman waydi, barang pihuun kamu Diyus kanyu daut kanyu mayad.

Santiyagu 5:4

Magtawag magpatutuu laban sa kanyu ti patabig unman ipinakaun niyu sa manga manug-ani sa kanyu tanman. Kay dangup manga manug-ani kanyu inapi aput yi sa langit, nadnugan yi Panginuun Makamaskihan sa tanan.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.