Malakyas 3:2 - Hanunuu

^2-3 Dapat si unu lugud ti umagwanta sa sirang niya pagras-ug? Si unu lugud ti umagwanta nu manpakakit yi siya? Dahil parihu siya sa apuy magtunaw sa baul ngatay parihu sa sabun magpalagti. Lumpiyuhun niya ti manga manughandug manga lahi ni Libi parihu sa magtunaw pilak ag gintu, hampay bumaliw matadlung kanda buhi sa kanda maghandug sa Panginuun.

Malakyas 3:2 Iomraidhean Croise

Gimpuunan 19:28

Binantayan niya ti Suduma ag Gumura, hanggan ti buu karatagan. Nakitan niya ti anus mag-atabug tungud ginan sa daga bilang ga anus ginan sa usa ka daka pag hurnu.

Hub 28:1

“May manga mirinahan nu naan makitan ti manga pilak, ag may manga rugar nu naan pag tunawun ti manga gintu.

Kanta 130:3

Panginuun, nu pag-ilista nimu kanmi manga kasalanan, si unu nguna ti masawad sa kanmu atubangan?

Kanta 2:7

Magkun ti pinili Diyus pag hari, “Itultul niku ti sinabi sa kangku Panginuun magkumun, ‘Kawu kang anak. Taynguna pag sirang pag ipakilala niku aku kanmu ama.

Kanta 76:7

Diyus, pagkadalaan kawu. Si unu nguna ti makaagwanta sa kanmu nu magalit kawu?

Kabagawan 25:4

Kailangan bul-un dapu ti manga huput sa pilak bag-u di hulmahun manugpanday.

Isayas 1:18

Magkun waya ti Panginuun, “Abala kamu paghampangan nita inda. Una waya kabitay kay kauring kanyu manga kasalanan, lumpiyuhun di niku tunda hampay malumpiyu kamu.

Isayas 33:14

Pagtakigan sa dala ti manga makasalanan sa Siun. Magkun sida, “Ti Diyus parihu sa maglabdaban apuy unman magkapsa. Si unu sa kanta ti makapadugay sa atubangan Diyus?”

Isayas 4:4

Sa panab-anan kamaskihan ag maglabdab pag parusa Panginuun, pihuun niya ag lumpiyuhun ti kadautan manga babayi sa Hirusalim hanggan ti manga maratyan ati.

Hirimyas 2:22

Una marigus kamu ag manpakasabun, makitan diman niku ti uring manga kasalanan niyu. Aku, ti Panginuun Diyus ti magsabi inda.

Isikil 22:14

Unu, pumarargu aw nguna kanyu isug ag bisug kamang sa udas parusahan niku kamu? Aku, ti Panginuun, ti magbagaw parusahan gid niku kamu, ag buwatun gid niku inda.

Danyil 11:35

Unu-unuhun ti iba ka nakaintindi sa katutuuhanan hampay bumaliw lunsay ag malumpiyu kanda buhi tugka sa rumas-ug ti katugkaan itinagka pag panahun.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Nahum 1:6

Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 25:10

Nakan linmakaw yi ngani ti lima ka daraga kurang kay intindi. Sa kanda magbili di waya, rinmas-ug yi ngap ti lalaki ipasaru. Tunda pag lima ka daraga alistu yi kaibahan niya nagsaka sa balay pamasaruhan. Bag-u siniradu waya kay sabian.

Markus 9:3

Kay manga rutay pasay marakintab, malagti gid masyadu. Una hintay tigpalagti sa rutay sitay sa babaw daga udyi may humuwad katida kay kalagti.

Lukas 2:34

Nandarangin si Simyun sa kanda hampay sida papaladan Diyus, bag-u sinabi niya sa kay ina sa kan Marya, magkun, “Inda pag anak ihinanda Diyus sa ikadamhak ag sa ikaribri mayamu tawu taga Israil. Madi siya ti tanda ginan sa Diyus, labanan di ngap siya aban,

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Lukas 3:17

Sa kay yi kamang ti pangayat paruk hampay rayawan niya kay girik-an. Tipunun ti tirigu sa kay balay haramnuan. Dapat ti dayami isawug niya sa unman nagkapsa pag apuy.”

Lukas 3:9

Kaati nakahanda yi ti wasay sa puun kayu. Ti kada puun kayu nu unman magburak marinu, pukanun yi lang bag-u iyamut sa apuy.”

Lukas 7:23

Magkun si Hisus, “Papaladan Diyus ti tawu nu unman mag-alinlangan siya sa kangku.”

Huwan 8:55

Unman nakilala duy niyu siya, dapat kilala ngap niku siya. Nu abi sabihun niku unman kilala niku siya, aku parihu ga kanyu pudilun. Dapat kilala gid niku siya, ag pagtupadun niku kay bagaw.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Ipinakakit 19:8

Alistu yi kay aguman babayi. Ipinakaun Diyus sa kanya ti karampatan hampay makasulung rutay unman may uring, malagti gid masyadu.” Tunda pag rutay malagti kay ibug sabihun ti matadlung pag buwat manga tawu napasakup sa Diyus.

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.

Ipinakakit 6:17

Dahil nagras-ug yi ti madala gid pag kaudasan, pinahinukdan yi kanda galit. Hintay waya ti umabanti?”

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.

1 Samwil 6:20

Nagpaingana sida, “Si unu lugud ti makaatubang sa kadayawan Panginuun, ti banal pag Diyus? Naan nguna nita pag ipadara ti Kaban Panginuun hampay maipakarayu sa kanta?”