Malakyas 3:16 - Hanunuu

¹⁶ Bag-u ti manga maggalang sa Panginuun nanharampangan. Namatingi sa kanda ti Panginuun ag nasaydan niya kanda paghampangan. Isinurat kanda manga ngaran sa ribru ati sa atubangan Panginuun, hampay maalaala niya sida maggalang maaw ag mag-alaala pirmi sa kanya.

Malakyas 3:16 Iomraidhean Croise

Gimpuunan 22:12

Magkun ti anghil, “Danga duy pagmatya kanmu anak! Taynguna, napatutuuhanan yi niku may dala kawu sa Diyus dahil balaw nimu inirangan kanmu bugtung pag anak.”

2 Samwil 7:1

Pagka nangulian si Hari Dabid sa kay balay hari, pinakan-an kahusayan Panginuun kay kaharian; unman siya paggirahun niya manga kalaban.

1 Hari 18:12

Kabitay nangus nu sa pag-ighit niku daran-un kawu Ispiritu Panginuun sa rugar balaw niku alam? Nu rumas-ug si Akab sitay unman lagan kawu, matyun niya aku. Ilyas, daan di ginan sa anak waya aku magsirbi yi aku sa Panginuun.

1 Hari 18:3

Nakan ipinatawag ni Akab si Ubadyas, imaw ti manug-asikasu sa balay hari niya. (Si Ubadyas lubus maggalang sa Panginuun.

2 Krunika 6:7

“Sa tagipusuun gid niku ama ni Dabid ti mamatindug Balay Diyus para sa kadayawan Panginuun, ti Diyus Israil.

Nihimyas 1:11

Panginuun, patingihi kang darangin, kanmu manugsirbi, hanggan ti darangin iba waya nimu manga manugsirbi magbaya sa maggalang sa kanmu. Pakan-i aku taynguna panalu sa kang turunu sa hari. Ag kaayadan mana kay ipakakit niya sa kangku.” Ati katpung, aku ti tagatunghul intus sa hari.

Istir 2:23

Ipinausisa tunda hari. Pagka napatutuuhanan tutuu ngani, ipinatuhug niya sida duwa ni Bigtan ni Tiris. Inda pag nangyari ipinasurat hari sa ribru tultulanun kaharian.

Istir 6:1

Igu yabi, unman makaturug si Hari Aswiru, nakan ipinab-ul niya ti ribru tungkul sa tultulanun niya kaharian ag ipinabasa habang magpatingi siya.

Hub 28:28

Bag-u magkun siya sa manga tawu, ‘May kadunungan kamu ag pag-intindi nu maggalang kamu sa Panginuun ag mag-aman sa kadautan.’ ”

Kanta 10:4

Dahil sa kayabangan manga daut pag tawu, unman sida magdangup sa kanmu. Unman gid sida mag-isip tungkul sa kanmu.

Kanta 104:33

Manganta aku sa Panginuun sa buu niku buhi. Manganta aku sa pagdayaw sa kang Diyus hanggan magkabuhi aku.

Kanta 111:10

Nu ti usa ka tawu magkaibug sa kadunungan, kailangan maggalang siya sa Panginuun. Ti tanan magsunud sa kay manga sugu may kang-ud pag pan-intindi. Pagdayawun siya sa unman may katapusan.

Kanta 115:13

Papaladan niya ti manga maggalang sa kanya, kilala man ngatay unman.

Kanta 119:63

Kakilala aku tanan maggalang sa kanmu ag magsunud sa kanmu manga surundanun.

Kanta 139:4

Panginuun, una unman waya aku makabagaw, alam yi nimu kang sarabihun.

Kanta 147:11

kay kabayaan sa manga maggalang di sa kanya ag magsarig sa kay pagmahal.

Kanta 16:3

Nu tungkul sa kanmu marig-un pag nasakupan sa daga Israil manga kadayaw-dayaw gid sida. Daka gid kang kabayaan sa kanda.

Kanta 20:7

Ti iba magsarig sa kanda manga kalisa, ti iba sa kanda manga kabayu, dapat kami magsarig sa Panginuun nimi Diyus.

Kanta 33:18

Dapat ti Panginuun magbantay sa manga maggalang ag magsarig sa kay pagmahal.

Kanta 34:15

Pagbantayan Panginuun ti manga matadlung, ag pagpatingihan niya kanda magtawag.

Kanta 56:8

Alam nimu kang magkabung-anan. Pagtandaan nimu kang manga maglumi. Unman aw ilinista nimu inda sa kanmu libru?

Kanta 56:9

Diyus, nu magdangup aku sa kanmu, manpalalagiwan kang manga kalaban. Inda nalakawan niku, dahil kawu, Diyus, mag-alaga sa kangku.

Kanta 66:16

Abala kamu ag pagpatingi, tanan kamu pag maggalang sa Diyus, dahil sabihan niku kamu nu unu kay binuwat sa kangku.

Kanta 94:19

Pagka nataranta aku, pinabisug ag pinasulung nimu aku.

Pag-ighit 32:32

Dapat taynguna, patawada duy nimu sida sa kanda kasalanan. Nu balaw nimu sida patawadun panasa yi lang nimu kang ngaran sa ribru kanmu sinuratan sa ngaran nimu nasakupan.”

Kabagawan 13:20

Nu magpaminsan kawu sa manga madunung, dumunung diman kawu, dapat nu magkuyug kawu sa manga kurang kay intindi, midamhak kawu.

Isayas 26:3

Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 26:8

Panginuun, kanmi sinunud kanmu manga sugu ag nagsarig kami sa kanmu. Hingbut nimi kawu kanmi madayaw.

Isayas 4:3

Ingarnan banal ti manga nasawad buhi sa Siun, ti nailista sa banwa Hirusalim.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Isayas 65:6

Magkun waya ti Panginuun, “Pagpatingi kamu, nisurat yi ti sintinsiya para sa kang manga nasakupan. Balaw mahimu mamatidung lang aku; bumalus aku. Balusan niku sida angay sa kanda manga kasalanan hanggan ti manga kasalanan nida kaumputan. Dahil magtuub sida manga kamangyan ag linabag aku una sa bantud hanggan sa manga tagudtud. Nakan balusan niku sida angay sa kanda binwat.”

Hirimyas 31:18

Nadnugan niku ti hirinangbitun manga taga Ipraim. Magkun sida, “Panginuun kami duy ga manga ibun baka udwaya anad sa singkaw, dapat tinudluan duy nimu kami magsunud sa kanmu. Kawu ti Panginuun nimi Diyus, nakan ibalik yi nimu duy kami sa sadili nimi daga.

Hirimyas 8:6

Pinatingihan niku mayad ti manga binagaw niyu, pat-ay balaw tutuu kanyu sinabi. Una si unu sa kanyu unman gid may nag-ampu sa kanyu kadautan. Unman may nagsabi kuntay, ‘Hintay lugud ti binuwat niku?’ Bagkus ngap, ti kada usa sa kanyu maliksi sa magbuwat kasalanan ga kabayu magpalagiw tag sa girahan.

Isikil 9:4

ag sinabihan, “Palibuta ti Hirusalim ag markahi ti bangas manga magpanruku dahil sa tanan mayagting pag pagbuwatun sa banwa.”

Danyil 12:1

Magkun waya ti ga tawu, “Sa ati pag udas, rumas-ug si Mikail, ti makapangyarihan pag takinan mag-apin sa kanmu manga kasimanwa. Makuri gid ti kahamtangan sa ati pag udas. Tunda pag kakurian udwaya nalakawan ginan sa nitindug ti nasyun Israil. Dapat iribri di sa kakurian kanmu manga kasimanwa kay ngaran nakalista sa ribru.

Danyil 7:10

Ag may magbulus apuy ginan sa kanya. Linibu ag minilyun manga anghil ti magsirbi sa kanya. Handa yi siya sa pagsintinsiya, nakan binukasan ti manga ribru.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Lukas 2:38

Pagka ati katpung sa Balay Diyus sida ni Marya ni Husi, pinmakarani si Ana, nagpasalamat siya sa Diyus, bag-u nagtultul siya tungkul sa lapsag sa tanan tawu magpatigagad sa karibrihan Hirusalim.

Binwat 1:13

Pagka rinmas-ug yi sida sa banwa Hirusalim, nagsaka sida sa kanda dinayunan pag balay sa sulud-sulud sa ikadwa pag ugpu salug. Sida ngani ni Pidru, ni Huwan, ni Santiyagu, ni Andiris hanggan sida ni Pilipi, ni Tumas, sida ni Bartulumi, ni Matiyu hanggan si Santiyagu kan Alpiyu anak, si Simun (imaw ti pagsabihun makabayan), hanggan si Hudas kan Santiyagu anak.

Binwat 10:2

Si Kurnilyu hanggan kay manga kasunu balay niabay sa surundanun manga Hudiyu, masipag sida magsamba sa Diyus. Magpakaun diman gid si Kurnilyu kuwarta sa manga Hudiyu nu may kakurian, pirmi diman siya magdarangin sa Diyus.

Binwat 2:1

Pagka udas yi Pintikustis, ti tanan magsarig nagkaminsan sa usa ka balay.

Binwat 9:31

Nakan ngani may kahusayan maan dapu ti iglisya sa buu daga Hudiya, sa Galiliya hanggan sa Samarya. Pinarig-un Ispiritu Banal ti iglisya. Nagyamu ti manga nagsarig sa kan Hisus. Mag-ugali sida maggalang sa Panginuun.

Ipisu 5:19

Pagmirinsanan kamu pagkarantahan Bagaw Diyus, manga magdayaw sa Diyus hanggan manga kanta angay sa kay udyuk Ispiritu. Pagkanta kamu ginan sa kanyu buu tagipusuun, pagdayaw kamu sa Panginuun.

1 Tisalunika 5:11

Nakan parargu kamu sa magpaalalahanan hanggan sa magpararig-unan sa usa kag sa usa parihu sa pagbuwatun yi waydi niyu taynguna.

1 Tisalunika 5:14

May sabihun waya gid kami sa kanyu, manga patar-ari. Paalalahani gid niyu ti manga bugyahin, pabisuga niyu ti manga malumuy kay sarig, sagabaya niyu ti udyi kakaya, agwantahi niyu sida tanan.

Hibriyu 10:24

Isipun nita nu kabitay pag mipulaw ti maimbung pagmahal sa usa kag sa usa, hanggan ti pagbuwat mayad.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Hibriyu 3:13

Kailangan kamu magpararig-unan sirang-sirang hanggan may udas waya masabi taynguna. Barang una si unu sa kanyu dayaun di kasalanan ag gumanit kay tagipusuun laban sa Diyus.

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”

Ipinakakit 20:12

Nakitan niku matindugan sa atubangan tukawan hari ti manga namatay, manga may kangaranan ag manga unman. Bag-u binuklad ti manga ribru. Binuklad ti usa waya ka ribru, imaw ti ribru kabuhian. Pinila ti manga matadlung ginan sa manga balaw matadlung angay sa kanda manga binwat parihu sa isinurat sa manga ribru.