Malakyas 3:13 - Hanunuu

¹³ Magkun waya sa kanda ti Panginuun, “Marasakit kanyu pinamagaw tungkul sa kangku. Dapat magpaingana waya kamu, ‘Unu lugud ti pagsabihun nimi tungkul sa kanmu?’

Malakyas 3:13 Iomraidhean Croise

Hub 15:13

hampay mangisug gid kawu sa Diyus ag magbagaw tunda pag manga baragawun daut laban sa kanya?

Hub 40:8

Kanmu aw lugud gustu patutuuhanan kuntay salan aku ag kawu ti bumaliw matadlung?

Kanta 10:11

Kanda isip unman sida pagpansinun Diyus ag unman mag-akitan kanda manga pagbuwatun.

Pag-ighit 5:2

Magkun ti hari Ihiptu, “Si unu tunda pag Panginuun hampay mamatingi aku sa kanya ag pasnuan umighit ti manga Israilita? Balaw aku magkilala sa tunda pag Panginuun, ag balaw niku paighitun ti manga Israilita.”

Isayas 3:8

Pihu yi mawayak ti Hirusalim ag Huda, dahil paglabagun nida ti Panginuun sa kanda manga bagaw ag buwat. Paglabagun nida ti kadayawan Panginuun.

Isayas 37:23

Si unu lugud kanmu pagpuyaan ag paglabagun? Si unu lugud kanmu pag paabwatan busis ag pagpayabangan? Unman aw aku, ti Banal pag Diyus Israil?

Isayas 46:12

Pagpatingi kamu sa kangku, kamu pag manga lapastangan. Balaw gid niyu malakawan ti kapanaluhan may katuwiran.

Isayas 5:19

Pagsabihun waya niyu, “Daldaliun mana Banal pag Diyus Israil buwatun ti pagsabihun niya pag parusa hampay makitan yi nimi. Pagtutuu mana kay gayak, hampay maalaman nimi inda.”

Hirimyas 44:18

Dapat pagka inmapas kami sa pagsunug kamangyan sa Rayna sa Langit ag balaw yi kami namakaun sa kanya manga handug irinmun, nagmakuri yi ngap kami ag mayamu ti namatay sa girahan ag lun-us.”

Hirimyas 8:12

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.

Isikil 18:25

“Dapat barang sumabi kamu, ‘Balaw matadlung ti palakaw Panginuun.’ Pagpatingi kamu, nasakupan Israil: Kangku aw nguna pagpalakaw ti balaw matadlung ngatay kanyu?

Isikil 35:13

Nagpadayaw diman kamu ag una wadi unu kanyu pagbagawun laban sa kangku, bag-u nasaydan diman niku inda.

Husyas 7:16

Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.

Malakyas 2:14

Magpaingana kamu nu hayga udyi niya pagpansinun kanyu manga handug. Dahil maghiling ti Panginuun nandaya kamu sa kanyu asawa, kanyu pinaminsanan katpung kan-akan waya kamu. Linabag niyu kanyu kasunduan sa kanyu asawa, balaw kamu matinupadun sa kanda.

Malakyas 2:17

Magkun waya gid si Malakyas sa manga Israilita, “Magbugya yi ti Panginuun sa kanyu manga pagbagawun. Dapat magpaingana waya kamu, ‘Hayga, unu kanmi pagbagawun nakan magbugya yi siya?’ Magbagaw kamu ti tanan magbuwat daut mayad sa magbantay Panginuun ag magbaya siya sa kanda. Magpuya waya kamu magkun, ‘Naan yi ti Diyus katadlungan?’ ”

Malakyas 3:12

Ingarnan kamu mapalad sa tanan pag nasyun, dahil mayad kanyu daga. Aku, ti Panginuun Makamaskihan, ti magbagaw inda.”

Malakyas 3:14

Magkun kamu, ‘Unman may kabuluhan ti magsirbi sa Diyus. Unu lugud kanta matanggap nu tupadun nita kay manga pag-ipabuwat sa kanta? Ag unu kanta matanggap nu manlakaw kita may karukuan sa pagpakakit sa Panginuun Makamaskihan kuntay mag-ampu kita sa kanta manga kasalanan?

Malakyas 3:8

Mamaingana waydi aku sa kanyu, mahimu aw lugud ti tawu manakaw sa kangku? Unman mahimu! Dapat kamu, pagtakawan niyu aku. Ag kainda magpaingana waya kamu, ‘Kabitay nimi kawu tinakawan?’ Pagtakawan niyu aku dahil unman kamu mag-ayaw kanyu manga ikasampulu ag manga handug.

Ruma 9:20

Dapat kawu duy tawu lang, si unu lugud kawu nakan nagsagut katida sa Diyus? Masabi aw lugud anglit sa nagpanday sa kanya magkun, “Hayga binwat nimu aku kainda?”

2 Tisalunika 2:4

Siya yi gid ti Manuglaban. Magpalabi-labi siya laban sa tanan pag-ingarnan manga tawu kuntay diyus hanggan sa tanan pag manga pagsambahun nida. Pagka dugay ipaabwat niya kay sadili, sumaka siya sa Balay Diyus, tumukaw siya ati akuun niya kuntay Diyus siya.