Malakyas 3:10 - Hanunuu

¹⁰ Kainda, subuki niyu aku, ti Panginuun Makamaskihan. Daran-a ti buu ikasampulu niyu atag sa balay haramnuan hampay may karan-unun sa kang Balay. Nu tupadun niyu inda, padaran-an niku kamu uran hanggan pakan-an niku kamu mayamu pag papalad.

Malakyas 3:10 Iomraidhean Croise

Gimpuunan 28:22

Inda duy pag batu kang ipinatindug bilang usa ka alaala pumatutuu kanmu kadayawan atay sa inda pag rugar. Ag ipakaun niku sa kanmu kang ikasampu pag bahagi sa tanan nimu ipakaun sa kangku.”

Gimpuunan 7:11

Ati katpung si Nuwi unum ka gatus ka timpu yi kay idad. Katpung sampulu may pitu pag sirang sa ikadwa pag bulan, inmuran ngani mabaskug ga nabukasan ti manga gaha langit, ag linmapaw ti tanan bulbugan.

2 Hari 7:19

Sinmagut tunda katpung ti takinan hari, “Una waya bukasan Panginuun ti manga gaha sa langit, unman yi gid mangyari inda.” Sinmagut si Ilisyu, “Makitan nimu mangyari gid inda, dapat unman kawu makakaun tunda.”

2 Hari 7:2

Magkun ti pagpiyaran hari pag takinan, “Una waya bukasan Panginuun ti manga gaha sa langit, unman yi gid mangyari inda.” Sinmagut si Ilisyu, “Makitan nimu mangyari gid inda, dapat unman kawu makakaun tunda.”

1 Krunika 26:20

Ti iba ka Libita imaw ti piniyaran sa manga haramnuan sa Balay Diyus, kaibahan yi ti manga haramnuan manga bagay ihinandug sa Diyus.

Nihimyas 12:44

Sa tunda diman pag sirang, nagpauli sida manga lalaki mangasikasu sa manga haramnuan tipunan manga pamakaun, manga un-an pag ani, hanggan ikasampulu. Sida ti manuglikum manga handug ginan sa manga katanmanan sa sangput manga banwa para sa manga manughandug hanggan sa manga Libita, angay sa Kasuguan. Dahil magbaya ti nasakupan Huda sa manga buruwatun manga manughandug hanggan manga Libita.

Nihimyas 12:47

Nakan katpung sa panahun ni Surubabil hanggan ni Nihimyas, ti tanan Israilita nagpakaun kanda manga handug para sa manga manugkanta ag manga guwardiya manga sabian Balay Diyus, hanggan diman sa manga Libita. Ginan sa manga magkatanggap nida hinurayan diman manga Libita ti manga lahi ni Aarun.

Nihimyas 13:5

nagpasnu sa kan Tubyas kuntay gamitun niya ti usa ka daka pag sulud-sulud sa Balay Diyus. Inda pag sulud-sulud paggamitun kaybi haramnuan para sa manga handug karan-unun, kamangyan, manga kagamitan sa Balay Diyus, manga handug sa manga manughandug, manga ikasampulu manga ani, irinmun ubas, hanggan lana ulibu, angay sa Kasuguan para sa manga Libita, sa manga manugkanta, ag sa manga guwardiya sabian.

Kanta 37:3

Pagsarig kawu sa Panginuun ag pagbuwat mayad. Ag mangulian kawu ribri sa kadamhakan sa inda pag daga.

Kanta 78:23

Dapat una katida, binilinan niya ti langit pagbukas,

Manugtudlu 11:3

Nu madamul ti rurum, magkauran yi. Nu naan pag magpu ti kayu, ati lang pag pumirmaminti tida.

Isikil 34:26

Papaladan niku sida hanggan ti manga rugar sa palibut niku banal pag bantud. Padarahan niku sida uran sa kang-ud pag panahun bilang papalad sa kanda.

Isikil 44:30

Ti pinakamarinu pag un-an ani niyu ag ti bukudtangi niyu pag manga pamakaun sa kangku para yi sa manga manughandug. Pakan-i diman niyu manga pinakamarinu pag arina ti manga manughandug, hampay papaladan kanyu magtal-anakan.

Husyas 2:21

Aku, ti Panginuun, magsabi sa ati pag sirang sagutun niku kanyu darangin. Pauranun niku hampay tumubu sa daga

Huwil 2:19

Bilang sagut sa kanda darangin sabihun niya sa kanda, “Pakan-an niku kamu manga ani, manga irinmun ubas, hanggan manga lana ulibu, ag mabsug yi kamu. Udyi niku pasnuan pakay-ahun kamu iba nasyun.

Huwil 2:24

Mapnu ani ti manga giriukan, ag lumapwas ti irinmun ubas hanggan ti lana ulibu sa manga pirigsan.

Libitiku 26:10

Dahil umabunda gid kanyu manga patubas, kanyu kan-un imaw waya ti nakalawuy niyu pag manga patubas tugka sa maabutan waya tunda ag matulsan manga bag-u maan pag patubas.

Libitiku 26:3

Nu sundun niyu kang manga surundanun ag manga sugu,

Libitiku 27:30

Ti ikasampulu pag bahagi tanan ani sa Panginuun di.

Hagay 2:19

Una udyi may nasawad tirigu, ag udyi ti burak manga ubas, igus, pumigranata, hanggan ulibu, dapat taynguna ginan papaladan yi kamu Panginuun.”

Bilang 18:21

“Nu tungkul sa manga Libita, bayadan niku sida sa kanda magsirbi sa Turda. Iayaw niku sa kanda ti tanan ikasampulu pag-iayaw manga Israilita bilang huray nida.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Diyuturunumiyu 12:6

Ati niyu pag darahun kanyu manga handug pagsunugun ag iba waya pag manga handug, ti manga ikasampulu niyu, ti manga ipinablag niyu pag pamakaun, ti manga itinaratu niyu ihandug, ti buluntad niyu pag manga handug, hanggan ti panganay niyu pag manga hayup.

Diyuturunumiyu 14:22

“Pasamanan niyu ti ikasampulu sa tanan niyu pag ani sa kanyu tanman kada timpu.

Diyuturunumiyu 14:29

Iayaw niyu inda sa manga Libita (unman may minana daga), sa manga balaw Israilita, sa manga ilu, hanggan sa manga buranday pag babayi mag-ulian sa kanyu manga banwa hampay makakaun waydi sida ag mabsug. Nu buwatun niyu inda, papaladan kamu Panginuun niyu Diyus sa tanan niyu pagbuwatun.

Diyuturunumiyu 28:12

Padarahan kamu Panginuun uran sa tama pag udas ginan sa taraguan niya kayamanan sa langit, ag papaladan niya ti tanan niyu pagbuwatun. Mamaudam kamu sa mayamu pag nasyun, dapat kamu bay unman mangudam.