Malakyas 3:1 - Hanunuu

¹ Pagpatingi kamu sa pagsabihun Panginuun Makamaskihan, “Ipadara niku kang manugbarita hampay ialistu kang lakawan. Bag-u ti Panginuun kanyu pag-alagdun kadaka rumas-ug sa kay Balay. Rumas-ug kanyu pagpatigagadun pag manugbarita imaw ti mamatigayun sa kang kasunduan.”

Malakyas 3:1 Iomraidhean Croise

Kanta 110:1

Magkun ti Panginuun sa kang Panginuun, “Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.”

Pag-ighit 23:20

“Taynguna, suguun niku ti anghil hampay bantayan ag giyahan kamu atag sa rugar inalistu niku para sa kanyu.

Pag-ighit 23:21

Pagpatingi kamu sa kanya ag sunda kay pagsabihun. Danga kamu maglaban sa kanya. Dahil ti tanan niya pagbuwatun, pagbuwatun niya sa kang ngaran, ag balaw niya patawadun kanyu manga kasalanan.

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hagay 1:13

Magkun si Hagay imaw ti manugbarita Panginuun sa manga taga Israilita, “Magkun ti Panginuun kaibahan niyu siya.”

Malakyas 2:4

Kailangan maalaman niyu, pagpaandaman niku kamu katida hampay pumarargu kang kasunduan sa kanyu ginurang sa kan Libi.

Malakyas 2:7

“Sa tutuu lang, kamu ti manga manughandug, katungkulan niyu ti magtudlu sa manga tawu hampay maalaman nida ti tungkul sa kangku. Ag kailangan diman magpatudlu sida sa kanyu dahil kamu kang manga manugbarita.

Malakyas 4:5

“Pagpatingi kamu! Bag-u rumas-ug ti madala gid pag sirang niku pagparusa, ipadara niku sa kanyu si Purupita Ilyas.

Matiyu 11:14

Nu gustu niyu maniwala, si Huan yi ngani pag Ilyas ti pagsarigan kuntay rumas-ug.

Lukas 1:76

Kawu duy anak, ingarnan kawu purupita Diyus Makamaskihan sa Tanan. Sapagka kawu ti un-an umuna bag-u ti Panginuun dumasun sa kanmu. Kawu nakan ti humanda dalan Panginuun.

Lukas 19:47

Nagtudlu diman gid siya sirang-sirang sa sulud Balay Diyus. Paggayakun siya matyun manga pangulu manughandug, manga manugtudlu Kasuguan hanggan manga takinan nasyun.

Lukas 2:11

Dahil inanak yi taynguna sa Banwa ni Dabid ti Manugribri niyu, imaw ti Kiristu, ti Pinili Diyus Manugribri pag Hari, ti Panginuun.

Lukas 2:38

Pagka ati katpung sa Balay Diyus sida ni Marya ni Husi, pinmakarani si Ana, nagpasalamat siya sa Diyus, bag-u nagtultul siya tungkul sa lapsag sa tanan tawu magpatigagad sa karibrihan Hirusalim.

Lukas 2:46

Sa ikatlu pag sirang, bag-u di kanda nakitan si Hisus sa Balay Diyus, matukawan sa karaw-an manga manugtudlu Kasuguan. Magpatingi siya sa kanda, magpaingana waya.

Binwat 19:4

Bag-u kay sinabi ni Pablu magkun, “Kan Huwan itinudlu pag tulbaw kay kahulugan tanda sa manga nag-ampu sa kanda manga kasalanan. Sinabi ni Huwan sa manga Israilita, kailangan sida sumarig sa rumas-ug dumasun sa kanya, kay ibug sabihun sa kan Hisus yi ngani.”

Binwat 7:38

Kaibahan diman manga Israilita si Muysis sa kanda magmirinsanan sa pangawakawaan. Siya diman ti naghampang sa anghil pagka nagbagaw ti anghil sa kanya hanggan sa kanta manga ginurang ati sa Bantud Sinai. Siya diman ti pinakan-an manga bagaw may kabuhian hampay kay maan ipadakit sa kanta.