Malakyas 2:7 - Hanunuu

⁷ “Sa tutuu lang, kamu ti manga manughandug, katungkulan niyu ti magtudlu sa manga tawu hampay maalaman nida ti tungkul sa kangku. Ag kailangan diman magpatudlu sida sa kanyu dahil kamu kang manga manugbarita.

Malakyas 2:7 Iomraidhean Croise

2 Hari 16:11

Nagbuwat si Uryas harandugan angay sa ipinadara huruwadan sa kanya ni Akas, ag natapus niya ti harandugan unman waya nakabalik si Akas.

2 Hari 16:16

Ag binuwat ngani ni Uryas ti isinugu sa kanya ni Hari Akas.

2 Krunika 30:22

Dinayaw ni Isikyas ti tanan Libita sa mayad pag buwat ipinakakit nida sa pagsirbi sa Panginuun. Nakan parargu ti pagdaus nida sa sulud pitu ka sirang. Kinaun nida kanda bahagi sa manga handug, ag nanagda sida manga handug para sa mayad pag pakiusa, ag nagdayaw sa Panginuun, ti Diyus nida manga ginurang.

2 Krunika 31:4

Sinugu diman niya ti manga tawu mag-uli sa Hirusalim kuntay iayaw sa manga manughandug ag manga Libita kanda kabahagi hampay makasirbi sida lubus sa Kasuguan Panginuun.

Isra 7:10

Inawatan siya Diyus dahil itinigana niya kay sadili sa pag-adal hanggan sa pagtupad sa Kasuguan Panginuun, ag sa pagtudlu manga surundanun hanggan manga sugu sa manga Israilita.

Isra 7:25

“Kawu, Isra, angay sa ipinakaun Diyus pag kadunungan sa kanmu, pagpili kawu manga takinan hanggan manughusay may alam sa Kasuguan nimu Diyus. Manpatigayun sida sa tanan tawu sa purubinsiya isalpan Iyupratis. Ag ti manga tawu balaw nakaalam sa Kasuguan tudluan niyu.

Kabagawan 5:2

hampay dumunung kawu magpasya sa hustu hanggan magbagaw may kadunungan.

Manugtudlu 5:5

Mas mayad waya balaw yi lang kawu mantaratu kaysa mantaratu kawu unman lang diman waydi nimu tupadun.

Isayas 42:19

Kamu kang manga manugsirbi hanggan pinili. Pagsuguun niku kamu kang manga manugbarita, dapat ud may makatupung sa kanyu magpabungul-bungulun ag magpabuta-butaun.

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Hirimyas 15:19

Nakan magkun sa kangku ti Panginuun, “Nu umampu kawu, pabalikun maan niku kawu sa arani niku hampay parargu di kawu makasirbi sa kangku. Nu mamagaw kawu manga matadlung pag bagay ag amanan ti manga bagay unman may pulus, buwatun maan niku kawu kang manugbagaw. Kailangan sida ti pumakarani sa kanmu, ag balaw kawu ti pakarani sa kanda.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Isikil 22:26

Kanda manga manughandug unman magtupad sa kang kasuguan, ag inuringan nida kang banal manga bagay. Para sa kanda, parihu lang ti banal ag ti balaw banal, ti malinis ag ti mauring, hanggan unman nida pagsundun kang manga pag-ipatupad sa manga Sirang Pamahari. Nakan unman nida aku paggalangun.

Isikil 7:26

Rumas-ug sa kanda ti sunud-sunud pag manga kadamhakan ag daut pag manga barita. Manhagad sida tultulanun sa manga purupita dapat unman sida may matanggap. Balaw sida patigayunun manga manughandug tungkul sa kasuguan, unman diman sida tamyawun manga paggurangunun.

Danyil 11:33

“Ti manga nakaintindi sa katutuuhanan manudlu sa mayamu tawu, dapat ay unu-unuhun sida sa sulud pira ka sirang. Ti iba sa kanda matyun sa baladaw ngatay sunugun, ag ti iba bihagun ngatay bul-un kanda manga kasiyunan.

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Libitiku 10:11

Ag kailangan tudluan niyu kanyu kaparihu manga Israilita sa tanan surundanun ipinakaun niku sa kanyu sa panab-anan ni Muysis.”

Sipanyas 3:4

Kanda manga purupita palabi-labihun sa kanda manga pagbuwatun ag unman makatiwalaan. Paglapastanganun nida manga manughandug ti Balay Diyus ag paglabagun nida ti Kasuguan Diyus.

Hagay 1:13

Magkun si Hagay imaw ti manugbarita Panginuun sa manga taga Israilita, “Magkun ti Panginuun kaibahan niyu siya.”

Malakyas 3:1

Pagpatingi kamu sa pagsabihun Panginuun Makamaskihan, “Ipadara niku kang manugbarita hampay ialistu kang lakawan. Bag-u ti Panginuun kanyu pag-alagdun kadaka rumas-ug sa kay Balay. Rumas-ug kanyu pagpatigagadun pag manugbarita imaw ti mamatigayun sa kang kasunduan.”

Bilang 27:21

Sa kan Iliyasar pag maalaman niya kang kagustuhan sa panab-anan paggamit ni Iliyasar Urim sa kang atubangan. Sa katida pag paraan, mapatigayunan ni Iliyasar si Huswi hanggan ti manga Israilita sa kanda buruwatun.”

Huwan 13:20

Ungud duy kang pagsabihun sa kanyu, tigtanggap sa una hintay pag tawu kang sinugu, magtanggap diman sa kangku. Tigtanggap sa kangku, kay tanggapun diman niya ti nagsugu sa kangku.”

Huwan 20:21

Sinabi maan ni Hisus sa kanda magkun, “Pagmay kahusayan duy kamu. Parihu sa kay nagsugu Ama sa kangku, katunda diman waydi pagsuguun niku kamu tabug sa manga tawu taga kalibutan.”

Binwat 16:17

Magpakadasun tunda pag babayi suruguun sa kanmi ni Pablu magpakatawag magkun, “Inda pag manga tawu ti suruguun Diyus Makamaskihan sa tanan. Magtudlu sida sa kanyu nu kabitay kamu pag makakit karibrihan.”

2 Kurintu 5:20

Nakan ngani kami kay manga sinugu ni Kiristu. Bilang ti Diyus diman gid tigpaanyu sa kanyu ginan diman sa kanmi magkun, “Sa ngaran ni Kiristu kanmi pagpaanyuan kamu pagmipausa kamu sa Diyus.”

Galasya 4:14

Unman niyu aku inunu-unu, unman diman niyu dinayu dahil dipirinsya kang bilug, madi tunda ga usa ka daka pagsubuk sa kanyu. Lalu ngap kanyu tinanggap aku ga usa ka anghil Diyus, ga kan Kiristu Hisus diman kanyu nagbaya.

Diyuturunumiyu 21:5

Kailangan sumiyun diman ti manga manughandug Balay Diyus pag manga lahi ni Libi, dahil pinili sida Panginuun niyu Diyus sumirbi ag pumakaun basbas sa ngaran Panginuun, bag-u maghusay sa tanan kasaba.

Diyuturunumiyu 24:8

“Tungkul sa dilikadu pag sakit sa lukub, sunda niyu kaayad ti manga surundanun pag-ipabuwat sa kanyu manga manughandug lahi ni Libi. Sunda gid niyu kang pag-isugu sa kanda.

1 Tisalunika 4:8

Nakan nu may tawu magpasipala sa inda pag manga paanyu, balaw tawu kay pag-ipasipala nu unman ti Diyus, imaw ti namakaun kay Ispiritu Banal sa kanyu.

1 Samwil 2:17

Tunda pag kasalanan manga anak ni Ili tutuu gid ungud daka sa kay magbantay Panginuun, dahil unman nida paggalangun ti handug para sa Panginuun.