Malakyas 2:13 - Hanunuu

¹³ “Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Malakyas 2:13 Iomraidhean Croise

Nihimyas 5:1

Nagdangup ti iba ka manga lalaki hanggan kanda manga asawa sa kanda kaparihu manga Hudiyu.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 21:27

Pagkadat-an Panginuun ti handug manga daut pag tawu, lalu waya gid nu pag-isagda nida inda may gayak daut.

Manugtudlu 4:1

Nakitan maan gid niku ti manga magpan-api sitay sa kalibutan. Nakitan niku ti manga maglumi manga pag-apihun, ag unman may namasulung ag namabisug sa kanda. Makapangyarihan ti manga magpan-api sa kanda.

Hirimyas 11:14

“Nakan Hirimyas, danga yi kawu magdarangin para sa inda pag manga tawu. Danga yi kawu magpaawa-awa sa kangku para sa kanda, dahil balaw niku sida sagtun nu manawag sida sa kangku sa udas nida kakurian.

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 6:20

Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Diyuturunumiyu 15:9

Danga kamu mag-isip daut, kuntay arani yi ti ikapitu pag timpu, ti timpu nu naan pag patawadun yi ti manga utang, balaw yi lang kamu manpautang sa kanyu kasimanwa pugri. Nu manhagad awat inda pag pugri tawu sa Panginuun dahil sa kanyu binuwat, may saragtun kamu.

Diyuturunumiyu 26:14

Balaw niku inda kinaun mintaras magpanrukuan aku; unman niku inda tinandug mintaras mauring aku; ag unman niku inda isinagda sa namatay. Ungud, Panginuun niku Diyus, sinunud niku kawu. Binwat niku ti tanan nimu pag-isugu sa kanmi.