Malakyas 2:11 - Hanunuu

¹¹ “Namudil ti manga taga Huda; namuwat sida manga mayagting pag buruwatun sa Hirusalim ag sa buu nasyun Israil. Dahil inuringan nida ti pagmahalun Panginuun pag Balay Diyus, sa panab-anan pag-asawa manga lalaki sa manga babayi magsamba sa tuhay pag manga diyus.

Malakyas 2:11 Iomraidhean Croise

Isra 10:2

Bag-u nagsabi sa kanya si Sikanyas anak ni Hiyil, linahi ni Ilam, “Unman kami nagmatinupadun sa kanta Diyus dahil nangasawa kami sa manga babayi balaw Israilita ginan sa kalibut nita pag kalamalayan. Dapat madi katida may pag-asa waya ti nasakupan Israil.

Isra 9:12

Nagsabi diman ti manga purupita sa kanmi danga gid kami mag-asawa sa kanda, danga gid kami mag-awat sa kanda agud umalwan sida, hampay kami rumig-un ag umalwan, hampay ti kaalwanan pumirmaminti inda sa manga linahi nimi hanggan aban.

Kanta 106:28

Isinagda nida kanda sadili sa diyus-diyusan si Baal imaw ti ati sa Bantud Piyur ag nagkaun sida manga handug ihinandug sa manga namatay.

Hirimyas 2:3

Kamu pag manga Israilita ipinablag para sa kangku. Ga kamu ti pinakaun-an burak ipinakaun sa kangku. Pinarusahan niku ti manga nag-unuunu sa kanyu, ag nidamhak sida. Aku, ti Panginuun, ti magsabi inda.’ ”

Hirimyas 3:10

Ag ti pinakadaut waya, balaw buluntad nagbalik sa kangku ti maradaya pag Huda. Pabalhingu lang siya kuntay magbalik sa kangku. Aku, ti Panginuun, ti magsabi inda.”

Hirimyas 7:10

Bag-u pumakarani kamu ag tumindug sa atubangan niku sitay sa Balay Diyus, nu naan pagdayawun ti ngaran niku. Sabihun niyu, “Ribri kita sitay”. Pagkatapus, pagbuwatun yi maan niyu ti mayagting pag manga buruwatun.

Isikil 18:13

Magpautang siya may patubu. Mabuhi aw nguna siya? Unman! Mamatay gid inda pag tawu dahil sa tanan mayagting pag manga bagay niya binwat. Siya ti sisihun sa kay kamatayan.

Isikil 22:11

May imaw diman mag-ulid sa asawa iba, ngatay sa kay umagad babayi, ngatay sa kay patar-ari babayi, anak sa kay ama.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Libitiku 20:26

Pagpangabuhi kamu may kabanalan dahil aku, ti Panginuun, banal. Itinalaga niku kamu ginan sa kadamlan tawu hampay sa kangku kamu.

Malakyas 1:1

Inda ti bagaw Panginuun para sa manga taga Israil sa panab-anan ni Malakyas.

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Talaghusay 3:6

Pinahintulutan manga Israilita kanda manga anak umasawa sa manga taga ati ag makiusa sa pagsirbi sa kanda manga diyus-diyusan.