Malakyas 2:10 - Hanunuu

¹⁰ Magkun si Malakyas sa manga Israilita, “Kabay kita tanan may usa lang ka ama? Unman aw usa lang ka Diyus ti naglalang sa kanta? Hayga bati nandarayaan kita sa usa kag sa usa? Sa inda pag binwat nita, pagduraun nita ti taratu Diyus sa kanta manga ginurang.

Malakyas 2:10 Iomraidhean Croise

Nihimyas 13:29

Bag-u nandarangin aku, “Diyus niku, alalahana duy nimu ti paglapastangan nida sa kanda pagkamanughandug hanggan sa kanda nagsumpa bilang manga manughandug ag manga Libita.”

Hub 31:15

Balaw aw lugud ti Diyus ti nagbuwat sa kangku imaw diman ti nagbuwat sa kang manga panawuhun?

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Pag-ighit 19:4

‘Nakitan gid niyu nu hintay kang binwat sa manga Ihipsiyu, ag nu kabitay kamu niku dinara sitay tag sa kangku, parihu sa pagdara agila sa kay manga pispis sa panab-anan niya manga pakpak.

Pag-ighit 19:5

Nu lubus niyu aku sundun ag tupadun kang kasunduan, piliun niku kamu sa tanan pag nasyun. Buwatun niku kamu kang mahalaga pag manga nasakupan. Kangku ti buu kalibutan,

Pag-ighit 24:3

Pagka itinultul ni Muysis sa manga tawu ti tanan itinudlu ag isinugu Panginuun, durunganan sida sinmagut, “Sundun nimi ti tanan sinabi Panginuun.”

Pag-ighit 24:7

Bin-ul diman niya ti Ribru Kasunduan ag binasa inda sa manga tawu. Bag-u sinmagut ti manga tawu, “Sundun nimi ti tanan sinabi Panginuun. Sundun nimi siya.”

Isayas 43:1

Dapat taynguna inda ti pagsabihun Panginuun ti naglalang sa kanmu, Ungud Israil: “Danga kawu magkadala dahil iribri niku kawu. Tinawag niku kawu sa kanmu ngaran, dahil kangku kawu.

Isayas 43:15

Aku ti Panginuun, kanyu Banal pag Diyus, ti naglalang sa Israil, kanyu Hari.

Isayas 43:7

Sida pag manga tawu kang tinawag. Linalang niku sida para sa kang kadayawan.”

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Isayas 64:7

Unman una di usa sa kanmi ti maghagad ag maghingbut makahiyaput sa kanmu. Dahil napakarayu kawu sa kanmi, ag pinabay-anan nimu kami sa kanmi manga kasalanan.

Isayas 64:8

Dapat Panginuun, kawu di gid kanmi Ama. Parihu kawu sa manugbuwat anglit, ag kami waydi parihu sa lutuk. Kawu ti nagbuwat sa kanmi tanan.

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Isikil 33:24

“Anak tawu, ti manga mag-uli ati sa daut manga banwa Israil magsabi magkun, ‘Usa lang si Abraham, bag-u ipinakaun sa kanya ti buu daga. Mayamu kita, nakan pihu apuun nita inda pag daga.’

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Malakyas 2:11

“Namudil ti manga taga Huda; namuwat sida manga mayagting pag buruwatun sa Hirusalim ag sa buu nasyun Israil. Dahil inuringan nida ti pagmahalun Panginuun pag Balay Diyus, sa panab-anan pag-asawa manga lalaki sa manga babayi magsamba sa tuhay pag manga diyus.

Malakyas 2:8

Dapat nagsimray kamu sa matadlung pag dalan. Kanyu manga tudlu imaw ti nagpaturun sa mayamu tawu sa pagbuwat kasalanan. Aku, ti Panginuun Makamaskihan, magkumun linabag niyu kang kasunduan sa kanyu ginurang sa kan Libi.

Matiyu 10:21

“Sa ati pag manga sirang, itudlu kay patar-ari tabug sa kalaban agud matyun. Katunda diman ti buwatun aban ama sa kay anak. Labanan manga anak kanda manga gurang kanda ipamatay.

Matiyu 22:16

Nakan sinugu nida kanda manga tuludluan hanggan manga napakampi sa kan Hirudis, sinabi nida sa kan Hisus, “Maisturu, alam nimi kawu matinupadun. Pag-itudlu nimu ti buu katutuuhanan hampay tupadun manga tawu ti kagustuhan Diyus. Unman kawu magkadala una sa kantapu pag tawu, dahil kawu balaw may pag-apihun.

Matiyu 3:9

Danga kamu mag-isip kuntay balaw kamu parusahan dahil kamu manga linahi ni Abraham. Dahil pagsabihun niku sa kanyu, una inda pag manga batu mahimu buwatun Diyus manga anak ni Abraham.

Lukas 1:73

Mahigpit gid kay taratu kay isinumpa sa kanta ginurang sa kan Abraham.

Lukas 3:8

Kamu pagbuwat yi mayad pag buruwatun, kanyu manga ainampu pag manga kasalanan danga yi pagsublia. Danga yi kamu magsarabihan kuntay kanyu ginurang si Abraham. Dahil pagsabihun niku sa kanyu, inda pag manga batu mahimu buwatun Diyus manga tawu itulus sa kan Abraham linahi.

Huwan 8:39

Sinabi nida sa kan Hisus magkun, “Si Abraham di kanmi ginurang.” Sinabi ni Hisus magkun, “Nu abi tutuu kamu kay linahi ni Abraham, mag-ugali mana kamu parihu sa kay ugali ni Abraham kaybi.

Huwan 8:41

Dapat kanyu ngap pagbuwatun ti buwat niyu ama.” Sinabi nida sa kanya magkun, “Balaw kami iinanak sa kalyag. Usa-usa lang gid kanmi ama, ti Diyus yi ngani.”

Huwan 8:53

Kanmi ginurang si Abraham namatay di. Balaw nguna kanmu gustu sabihun kawu mamaski man sa kan Abraham? Ti manga Purupita namatay diman waydi. Naan kanmu ipaparihu sa kanmu sadili?”

Huwan 8:56

Kanyu ginurang si Abraham nakabaya gid dahil nakitan niya ti kaudasan niku pagras-ug. Pagka nakitan ngani niya tutuu siya nakabaya.”

Binwat 17:24

Diyus ti naglalang sa daga hanggan sa tanan-tanan bagay sa babaw daga. Siya yi tig hari sa langit una sa daga, nakan unman siya nangulian sa manga balay simbahan binwat tawu kamang.

Binwat 17:25

Una siya pagsirbihan tawu, ti Diyus unman magkaibug kanda manga handug, dahil siya ngani tigpakaun kinabuhi, arup hanggan karabuhian sa tanan tawu.

Binwat 17:26

Kay linalang Diyus ti usa ka tawu hampay siya ti kinalahian tanan nasyun tawu nangulian sa babaw daga. Pagka udwaya linalang Diyus ti tawu, daan inisip Diyus ti kada tawu kay kaudasan niya buhi hanggan kay ulian pag daga.

Binwat 7:2

Bag-u nagsagut si Istiban magkun, “Kamu duy pag manga kaparihu niku Hudiyu ag manga paggurangunun sa nasyun, pagpatingi kamu. Ti Diyus makamaskihan sa tanan napakakit sa kanta ginurang sa kan Abraham kay di waya sa Misuputamya ag udwaya nangulian sa banwa Haran.

Binwat 7:26

Pagka sa usa maan ka sirang nakitan ni Muysis duwa ka Israilita mag-arawayan. Gustu niya husayun sida magkun, ‘Hayga duy kamu mag-arawayan? Parihu kabay kamu Israilita?’

Ruma 4:1

Hintay nguna ti masabi nita tungkul sa kanta ginurang sa kan Abraham? Hintay nangus kay nalakawan niya?

Ruma 9:10

Dapat balaw lang waydi tunda. Dahil kan Ribika manga anak duwa ka bilug usa-usa kanda ama si Isaak kanta ginurang kaybi.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

Ipisu 4:25

Nakan ngani ti kada usa sa kanyu pag-ampu sa kapudilan, parihu sa pagsabihun sa Banal Kasuratan magkun, “Ti kada usa kailangan pagbagaw katutuuhanan sa kay patar-ari.” Dahil kita tanan minsan kay manga gamit bilug ni Kiristu.

Ipisu 4:6

Usa lang ka Diyus imaw yi ti Ama nita tanan. Siya yi gid ti hari sa tanan, siya ti magtandug ag mag-ulian sa kanta.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.

Hibriyu 12:9

Nu kas-a ginan nu angay sa ugali tawu kita pagparig-anan diman nita manga ama nakan kailangan lalu galangun nita sida. Unman aw lalu waya kita pumasakup sa kanta Ama, sa Diyus hampay kita may buhi?

Huswi 24:3

Dapat bin-ul niku si Abraham sa ati pag rugar ag ipinaatag sa daga Kanaan, ag pinakan-an mayamu pag manga linahi. Anak niya si Isaak,