Malakyas 1:9 - Hanunuu

⁹ Magkun si Malakyas, “Taynguna, kamu pag manga manughandug, hagadun niyu sa Diyus kaawai niya kita. Dapat sa katida pag manga kalasi handug kanyu pag-isagda sa kanya, pihu gid balaw niya kamu bayaun. Imaw inda ti pagsabihun Panginuun Makamaskihan.”

Malakyas 1:9 Iomraidhean Croise

2 Krunika 30:27

Pagkatapus, nagtindug ti manga manughandug ag ti manga Libita ag pinapaladan nida ti manga tawu. Ag pinatingihan inda Diyus sa langit, sa kay banal pag-ulian.

Pag-ighit 32:11

Dapat nagpaawa-awa si Muysis sa Panginuun sa kay Diyus, “Duy Panginuun, hayga duy pag-ipasamit nimu kanmu isug sa ipinalwas nimu pag nasakupan sa Ihiptu sa panab-anan nimu makadululaw pag kamaskihan?

Hirimyas 26:19

Minatay aw siya ni Isikyas aw ngatay una si unu ati sa Huda? Unman! Bagkus ngap, nadala si Isikyas sa Panginuun ag nagpakarani siya sa kanya. Nakan balaw ipinatarus Panginuun ti pagsabihun niya pag kadamhakan laban sa kanda. Nakan nu matyun niyu si Hirimyas, kamu diman waydi ti pumarusa sa kanyu sadili.”

Hirimyas 27:18

Nu ungud manga purupita sida ag ginan sa Panginuun kanda pagsabihun, pagdarangin sida sa Panginuun Makamaskihan kuntay ti manga garamitun natayak sa Balay Diyus sa balay hari sa Huda ag sa Hirusalim danga yi darahun tag sa Babilunya.

Karukuan 2:19

Pagbangun kamu sa yabi ag paghagad awat sa Panginuun. Ipadnug ti tanan niyu kabuyatan sa kanya, ga sa magbulus kamu danum. Ipaabwat kanyu manga kamang sa darangin para sa buhi niyu manga anak magkalipung sa lun-us sa manga karsada.

Huwil 2:12

Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Huwil 2:17

Ti manga manughandug magsirbi sa Panginuun paglumi sa karaw-an harandugan hanggan sa sarakahan Balay Diyus, ag pandarangin sida kaindaay: ‘Panginuun, pagkaawa kawu sa manga tawu kanmu nasakupan. Danga nimu pahintulutan pakay-ahun sida ag aringun iba nasyun magkumun, “Naan yi kanyu Diyus?” ’ ”

Amus 5:22

Nakan una waya daran-an niyu aku tuhay-tuhay pag manga handug, una ti pinakamayad waya pag handug, balaw niku inda tanggapun.

Huwan 9:31

Alam nita ti Diyus unman magpatingi sa tawu nu siya makasalanan. Dapat nu ti tawu magsamba sa Diyus ag magtupad sa kay kagustuhan, pihu gid patingihan Diyus.

Ruma 2:11

Dahil ti Diyus balaw may pag-apihun.

1 Pidru 1:17

Unman may pagpiliun ti Diyus. Pagpihuun niya ti kada tawu nu daut nu mayad angay sa kay binwat. Nakan paggalang kamu sa Diyus hanggan kamu sitay waya sa babaw daga. Dahil siya kanyu pag-ingarnan kanyu Ama.