Malakyas 1:14 - Hanunuu

¹⁴ Saadan niku ti magdaya, madi may taratu manhandug kay mayad pag hayup dapat kay ihinandug sa kangku balaw mayad. Saadan niku siya dahil aku ti makamaskihan pag hari ag paggalangun aku manga nasyun. Aku, ti Panginuun Makamaskihan, ti magbagaw inda.”

Malakyas 1:14 Iomraidhean Croise

Gimpuunan 27:12

Barang hikapun aku ni amang ag maalaman niya paglukuhun lang niku siya ag saadan niya aku sa halip papaladan.”

2 Samwil 24:24

Dapat sinmagut si Dabid sa kanya, “Balaw mahimu niku inda tanggapun unman may bayad; bayadan niku kawu. Balaw aku manhandug sa Panginuun niku Diyus manga handug pagsunugun unman may halaga sa kangku.” Nakan binili ni Dabid ti giriukan hanggan ti manga baka sa halaga 50 ka bilug pilak.

Kanta 102:16

Dahil ibungsud maan Panginuun ti Siun; ipakakit niya kay kadayawan.

Kanta 47:2

Kagalang-galang gid ti Panginuun, ti Kaabwat-abwatan pag Diyus. Makamaskihan siya pag hari sa buu kalibutan.

Kanta 47:3

Pag-ipasirung niya sa kanta, sa manga Israilita, ti manga nasyun.

Kanta 47:8

Matukawan siya sa kay banal pag tukawan hari maghari sa manga nasyun.

Kanta 48:2

Marinu kay abwat inda ag magpakaun kasulungan sa buu kalibutan. Inda pag banal pag Bantud Siun imaw ti banwa Makamaskihan pag Hari.

Kanta 68:35

Makadululaw ti Diyus Israil habang magpaluwas siya sa kay banal pag ulian. Pagpakan-an niya kapangyarihan ag kabisugan kay nasakupan. Dayawun ti Diyus!

Kanta 76:12

Pag-ipaababa niya ti marapadayaw pag manga takinan; pagkadalaan siya manga hari sa kalibutan.

Kanta 95:3

Dahil ti Panginuun makamaskihan pag Diyus. Makamaskihan siya pag hari ag abwat sa tanan pag diyus.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Hirimyas 10:10

Dapat ti Panginuun imaw ti tutuu pag Diyus. Siya ti buhi pag Diyus ag Hari unman may katapusan. Nu magkagalit siya magkatandug ti kalibutan, unman may nasyun makapadugay sa masyadu gid pag galit niya.

Hirimyas 46:18

“Aku, ti buhi pag Hari, ti Panginuun Makamaskihan, pag-isumpa niku may imaw gumira sa Ihiptu subra man sa kanya, parihu sa Bantud Tabur sa karaw-an manga kabantudan ngatay sa Bantud Karmilu sa saruy dagat.

Hirimyas 48:10

Saadan ti tawu magpabaya sa pagbuwat sa buruwatun Panginuun laban sa Muab. Saadan ti tawu balaw manmatay sa manga taga Muab.

Hirimyas 48:15

Dapat mawayak gid ti Muab hanggan kay manga banwa inda. Matyun kanda maraisug pag kalay-awan. Aku, ti Panginuun Hari Makamaskihan, ti magsabi inda.

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Danyil 9:4

Kaindaay kang pagsabihun sa kang darangin sa Panginuun niku Diyus ag nanhagad patawad sa kang manga kasalanan hanggan sa kasalanan manga Israilita: “Panginuun, makamaskihan kawu ag makadululaw pag Diyus. Matinupadun kawu sa kanmu kasunduan mahalun nimu ti magmahal sa kanmu hanggan ti magsunud sa kanmu manga sugu.

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”

Sakaryas 14:9

Ti Panginuun ti humari sa buu kalibutan. Siya lang ti kilalan-un Diyus ag udyi may iba waya.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Malakyas 1:8

Nakan ngani maghandug kamu sa kangku manga hayup buta, pilay, ngatay may sakit. Balaw tida mayad! Subuki lang niyu ayawi kanyu gubirnadur katida pag kalasi manga hayup. Pihu gid balaw siya makabaya sa kanyu ag balaw niya kamu pakakitan kaayadan.” Inda ti pagsabihun Panginuun Makamaskihan.

Malakyas 2:1

Magkun waya ti Panginuun Makamaskihan sa manga manughandug, “Imaw inda kang pasandam sa kanyu: Nu balaw niyu patingihan ti pagsabihun niku, ag balaw niyu pahalgahan ti pagdayaw sa kangku, saadan niku kamu hanggan ti manga papalad kanyu pagtanggapun bilang manga manughandug. Sa tutuu lang, binwat yi niku inda dahil unman niyu pagpahalagahan ti pagdayaw sa kangku.

Malakyas 3:9

Imaw tunda nu hayga pagsaadan niku kanyu buu nasyun.

Matiyu 24:51

Barian yi siya sa parusa niya amu, iminsan yi sa manga magpabalhinguun. Ati sida magnguruynguyan ag mangubut kanda manga ngipun.”

Matiyu 5:35

Danga paghinangbita ti daga, dahil imaw ti tarat-an niya manga lulud. Danga waydi paghinangbita ti Hirusalim, dahil imaw ti banwa makapangyarihan pag Hari.

Markus 14:8

Binwat babayi kay nakaya. Binuhusan yi niya pamanglu kang bilug bilang ga alistu yi sa udas aban maglubung sa kangku.

Lukas 12:46

Bumalik kay amu tag sa tunda pag panawuhun sa sirang unman pag-isipun niya kuntay rumas-ug kay amu ati katpung ag sa udas unman niya naalaman. Bag-u barian yi siya sa parusa niya amu, iminsan lang siya sa unman manga masurundun.

2 Kurintu 8:12

Dahil nu buluntad naisipan tagipusuun kanyu magpakaun, tanggapun Diyus kanyu nakaya ipinakaun. Balaw siya maghingbut nu imaw lang tugka kanyu kaya ipakaun.

Diyuturunumiyu 28:58

“Nu balaw niyu sundun mayad inda tanan pag sugu masuratan sa inda pag ribru, ag balaw pag-igalang ti lilingutan ag makadululaw pag ngaran Panginuun niyu Diyus,

1 Timutiyu 6:15

Aban sa kay taning pag kaudasan mipaburayhaw Diyus kay pagras-ug ni Hisu-Kiristu. Diyus gid ti marapapalad. Siya yi lang ti makamaskihan, siya ti Hari sa tanan manga hari, siya ti Panginuun sa tanan manga panginuun.

Hibriyu 12:29

Dahil kanta Diyus ga apuy maghirut.

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”