Malakyas 1:11 - Hanunuu

¹¹ Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Malakyas 1:11 Iomraidhean Croise

1 Krunika 16:25

Dahil masarigan ti Panginuun, ag dapat gid dayawun. Dapat siya galangun abwat sa tanan pag diyus,

Kanta 111:9

Linukat niya kay nasakupan, ag nagbuwat siya kasunduan sa kanda sa unman may katapusan. Banal siya ag makadululaw kay ngaran.

Kanta 113:3

Ginan sa butlakan tugka sa isalpan ti tanan pag tawu magdayaw sa Panginuun.

Kanta 138:5

Manganta sida tungkul sa kanmu manga pagbuwatun; dahil makamaskihan gid kawu.

Kanta 141:2

Tanggapa mana nimu kang darangin ga kamangyan. Tanggapa ti pagpaabwat niku manga kamang sa magdarangin ga handug panyabi.

Kanta 45:17

Ipaalaala niku kawu sa tanan pag sinulput. Nakan dayawun kawu manga nasyun tugka aban.

Kanta 48:10

Bantug kawu ag pagdayawun manga tawu sa buu kalibutan, dahil marapanalu kawu sa panab-anan nimu kamaskihan.

Kanta 48:11

Magbaya ti manga nasakupan Siun ag ti manga mag-uli sa tuhay pag banwa sa Huda, dahil sa kanmu matadlung pag pagsintinsiya.

Kanta 50:1

Ti Panginuun, makamaskihan pag Diyus, magbagaw ag magtawag sa manga tawu una naan pag bahagi kalibutan.

Kanta 65:9

Pag-alagaan nimu ti daga ag pagpadaran-an nimu uran; binwat nimu inda abunda. Diyus, kanmu manga sapa balaw magkak-at, ag pagpakan-an nimu patubas ti manga tawu. Pag-ialistu nimu ti daga pumakaun patubas.

Kanta 67:2

agud maalaman tanan nasyun sa kalibutan kanmu nalub-anan ag karibrihan.

Kanta 86:9

Binwat nimu ti tanan nasyun, ag sumamba sida sa kanmu. Dayawun nida kanmu ngaran.

Kanta 96:8

Ipakaun sa Panginuun ti angay sa kanya pag manga pagdayaw, pagdara kamu handug sa kanyu pagsaka sa kay Balay.

Isayas 12:4

Pagras-ug ati pag sirang, manganta kamu: “Dayawa niyu ti Panginuun! Sambaha niyu siya! Tultulan niyu sa manga nasyun kay manga binuwat. Tultulan niyu siya ti kailangan dapat dayawun.

Isayas 12:5

Pagkanta kamu sa Panginuun dahil makadululaw kay manga binuwat. Itultul niyu inda sa buu kalibutan.

Isayas 19:21

Ipakilala Panginuun kay sadili sa kanda, ag sa ati pag sirang kilalan-un nida ti Panginuun. Sambahun nida siya sa panab-anan tuhay-tuhay pag manga handug. Manaratu sida sa Panginuun, ag tupadun nida tida.

Isayas 30:27

Pagpatingi kamu! Magras-ug ti Panginuun ginan sa arayu. Mag-apuy siya sa isug ati sa karaw-an maanus. Kay manga bibig pagtakigan sa isug ga maglabdab yi apuy.

Isayas 45:6

hampay maalaman nasakupan sa buu kalibutan unman may iba Diyus purya sa kangku. Aku ti Panginuun, udyi may iba waya.

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Isayas 66:18

Alam niku kanda pagbuwatun ag pag-isipun. Nakan rumas-ug aku tipunun niku kang manga nasakupan sa tanan nasyun, bag-u makitan nida kang kadayawan.

Hirimyas 10:6

Panginuun, unman duy kawu may kaparihu. Makamaskihan kawu ag may kadayawan kanmu ngaran.

Hirimyas 10:7

Si unu duy ti unman madala sa kanmu, Hari manga nasyun? Dapat lang galangun kawu. Unman duy kawu may kaparihu sa tanan matinudukun ginan sa tuhay-tuhay pag nasyun, aw ngatay sa tanan hari.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Danyil 2:45

Parihu ngani sa kanmu nakitan pag batu nagipak ginan sa bantud (dapat balaw tawu ti naggipak) ti nagrunut sa diyus-diyusan baul, galang, lutuk, pilak, hanggan gintu. “Mahal Hari, ipinasandam duy makamaskihan pag Diyus sa kanmu nu hintay ti mangyari aban sa aratubangun. Imaw tida kanmu tagin-up hanggan kay ibug sabihun. Tutuu gid ti tanan niku sinabi.”

Amus 9:12

hampay masakup manga Israilita ti nasawad daga taga Idum ag iba waya pag manga nasyun ti pagkilalan-un niku kangku. Aku, ti Panginuun, ti magsabi inda, ag buwatun niku inda pag manga bagay.”

Mikas 5:4

Dumarahan niya ti nasakupan Israil sa panab-anan kabisugan ag kamaskihan Panginuun. Parihu siya sa usa ka manug-alaga karanidu. Nakan mangabuhi sida may kahusayan dahil galangun manga tawu sa buu kalibutan kay kapangyarihan.

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”

Sipanyas 3:9

Pagkatapus, bag-uhun niku ti manga tawu, hampay magpakarani sida tanan sa kangku ag magkarausa mansirbi sa kangku.

Sakaryas 8:7

Iribri niku kang manga nasakupan dinara-bihag sa manga daga sa butlakan ag sa isalpan.

Malakyas 1:14

Saadan niku ti magdaya, madi may taratu manhandug kay mayad pag hayup dapat kay ihinandug sa kangku balaw mayad. Saadan niku siya dahil aku ti makamaskihan pag hari ag paggalangun aku manga nasyun. Aku, ti Panginuun Makamaskihan, ti magbagaw inda.”

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Matiyu 8:11

Tandai niyu mayamu waya ti rumas-ug ginan sa butlakan hanggan ginan sa isalpan hampay dumulud atag sa karan-an kasaru nida ni Abraham, ni Isaak hanggan ni Hakub sa kaharian langit.

Lukas 1:10

Sa udas sa kan Sakaryas katpung magtuub kamangyan ati nagtiripun ag nagdarangin ti kadamlan tawu sa sugkadan Balay Diyus.

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

Ruma 15:16

hampay suruguun yi aku ni Kiristu Hisus tabug sa manga balaw Hudiyu. Pag-itudlu niku sa kanyu, sa manga balaw Hudiyu, ti Mayad pag Barita hampay maihandug niku kamu sa Diyus kay kaibgan, dahil kamu ipinasaman yi Ispiritu Banal.

Pilipus 4:18

Kainda, may imaw aku tanan niku kailangan ag mag-abunda waya, dahil sa nakatanggap aku sa kan Ipapruditu manga bagay ginan sa kanyu. Kanyu awat ga usa ka mabanglu ag marinu pag handug ag pagbayaun Diyus.

2 Tisalunika 1:12

Nu katunda mapakan-an niyu kadayawan ti ngaran Panginuun Hisus, kamu diman hanggan pakan-an waydi kay kadayawan angay sa kay pangaawa Diyus hanggan nita Panginuun Hisu-Kiristu.

1 Timutiyu 2:8

Kang gustu ngani ti manga lalaki una naan pag rugar nu magdarangin kailangan ipaabwat nida kanda manga kamang tag sa Diyus, ipasakup nida lubus sa Diyus kanda naisipan, danga may galit hanggan magtalaluhan.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”

Ipinakakit 5:8

Pagka kay bin-ul, napadapa sa atubangan Anak Karanidu ti upat ka linalang may buhi hanggan ti duwapulu may upat ka gurangun. Ayaw-ayaw sida may bitbit alpa ag may pinggan gintu malukung punu kamangyan, imaw ti manga darangin manga tawu napasakup sa Diyus.