Malakyas 1:10 - Hanunuu

¹⁰ Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Malakyas 1:10 Iomraidhean Croise

2 Hari 12:6

Dapat tugka sa ika-23 pag timpu kay maghari ni Huas, unman waya gid magkahiwat manga manughandug ti Balay Diyus.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Hirimyas 14:10

Inda ti sagut Panginuun sa manga tawu: “Ungud magkaibug yi gid kamu pumakarayu sa kangku; sadili lang niyu kagustuhan kanyu pagsundun. Nakan balaw yi niku kamu tanggapun bilang kang manga nasakupan. Balaw niku malimtan kanyu manga kadautan ag parusahan niku kamu.”

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Hirimyas 6:20

Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Husyas 5:6

Mansagda kamu manga karanidu, manga kambing hanggan manga baka sa pagdangup sa kangku, dapat unman niyu malakawan kang kadayawan dahil binugyahan yi niku kamu.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Malakyas 1:13

Magkun waya kamu magsuku yi kamu sa kanyu maghandug sa kangku, ag pag-ipasipala niyu kang harandugan. Nakan maaw pagsagdahan niyu aku manga hayup may garis, pilay ngatay may sakit. Kanyu aw isip tanggapun niku tunda?

Malakyas 2:12

Mana ti magbuwat katida pag tawu balaw yi iminsan sa nasakupan Israil, kaibahan yi kay manga anak ag manga laki, una manhandug waya siya sa Panginuun Makamaskihan.

Malakyas 2:13

“Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Huwan 10:12

Tuhay ti inupahan lang, unman siya ti tutuu pag manug-alaga sa karanidu ag bukun waydi siya kay apu. Nakan nu makitan niya may simarun idu magpakarani sa manga karanidu, pabay-anan lang niya ti manga karanidu, pumalagiw yi lang siya. Pagka tinkub simarun idu ti karanidu, namululagan yi lang kay iba.

1 Kurintu 9:13

Unman aw niyu alam ti manga magsirbi ati sa Balay Diyus pagpakan-an karan-unun ginan sa Balay Diyus? Hanggan ti manga magsirbi sa handugan may kahuray waydi sa hayup ihinandug sa Diyus.

Pilipus 2:21

Dahil ti pagsipagan manga iba kanda lang sadili pangailangan, unman tungkul sa kay buruwatun ni Hisu-Kiristu.

Hibriyu 10:38

Dapat ti tawu may buhi di, nu pagkilalan-un niku siya matadlung dahil sa kay pagsarig sa kangku. Nu bay siya umurung, udyi pagbayaun niku siya.”

1 Pidru 5:2

Kang gid bilin sa kanyu alagaan niyu ti manada Diyus kay iinintirga sa kanyu. Tupada niyu kanyu buruwatun pag may maluag pag naisipan, balaw sa nalugusan kanyu kagustuhan. Dahil tunda ngani kay gustu Diyus. Tupada ngani niyu kanyu katungkulan danga magkaibug sa may pakasa, lalu ngap pag may kabayaan kanyu magsirbi.