Lukas 9:48 - Hanunuu

⁴⁸ Sinabi niya sa kanda, “Una si unu pag tawu ti magsunud sa kangku ag pakan-an niya halaga inda pag diit anak, aku di ngap kay pinakan-an halaga. Una si unu pag tawu nu pakan-an halaga niya aku, napakan-an waydi niya halaga ti nagsugu sa kangku. Dahil ti pinakaababa sa kanyu tanan imaw yi ngap ti mataas.”

Lukas 9:48 Iomraidhean Croise

Kabagawan 18:12

Ti pagpadayaw-dayaw makapadamhak, dapat ti pagpakumbaba makaparangal.

Matiyu 18:10

Sinabi ni Hisus magkun, “Ingatan niyu sa danga niyu ipasipala una lang usa sa manga dariit anak. Kang pagsabihun gid sa kanyu, ati sa langit ti manga anghil magbantay sa kanda pirmi sa atubangan niku Ama sa langit.

Matiyu 18:14

Katunda diman, balaw gustu niku Ama sa langit midamhak una lang usa sa inda pag manga mapinakumbabaun.”

Matiyu 19:28

Sinabi ni Hisus sa kanda magkun, “Ungud duy kang pagsabihun sa kanyu, nu aku, ti Anak Tawu, tumukaw yi aban sa karampatan maghari sa bag-u pag daga, kamu pag sampulu may duwa ti nagkuyug sa kangku, makatukaw diman waydi sa karampatan hampay makapihu sa sampulu may duwa ka linahi Israil nu daut nu mayad.

Matiyu 25:40

Sabihun Hari magkun, ‘Ungud duy kang pagsabihun sa kanyu, pagka binwat niyu inda sa usa sa manga patar-ari niku mapinakumbabaun, sa kangku yi ngap pag binwat niyu tunda.’

Matiyu 25:45

Kumumun ti Hari sa kanda, ‘Ungud duy kang pagsabihun sa kanyu, pagka inirangan niyu kanyu pangawat sa usa sa manga mapinakumbabaun inda, aku ngap ti kanyu pinabay-anan.’

Markus 9:37

“Una si unu pag tawu ti magsunud sa kangku ag pakan-an niya halaga ti usa sa manga kainda pag diit anak, aku di ngap kay pinakan-an halaga. Una si unu pag tawu nu pakan-an niya halaga aku, balaw lang aku kay pinakan-an halaga nu unman ti nagsugu diman ngap sa kangku.”

Lukas 10:16

Sinabi ni Hisus sa kay manga tuludluan magkun, “Ti magpatingi sa kanyu, magpatingi diman waydi sa kangku. Ti magdayu sa kanyu, magdayu diman waydi sa kangku. Ti magdayu sa kangku, magdayu diman waydi sa nagsugu sa kangku.”

Lukas 14:11

Dahil ti kada magpalabaw-labaw ipaababa ag ti mapinakumbabaun ipaabwat.”

Lukas 22:26

Dapat nu sa kanyu balaw katida. Bagkus ngap ti lalu mataas sa kanyu kailangan lalu magpakumbaba. Ti pinunu kailangan parihu sa manugsirbi.

Lukas 22:30

Nu maghari yi aban aku kamu kumaun sa kang lamak ag uminum. Kamu aban tumukaw sa manga tukawan hari, bistahun niyu ti sampulu may duwa ka linahi ni Israil.”

Lukas 7:28

Magkun si Hisus, “Kang pagsabihun sa kanyu, si Huwan lalu mahalaga man sa tanan tawu nianak sa babaw daga. Dapat ay ti pinakamababa pag tawu nu pagharian siya Diyus lalu man mahalaga sa kan Huwan.”

Huwan 13:20

Ungud duy kang pagsabihun sa kanyu, tigtanggap sa una hintay pag tawu kang sinugu, magtanggap diman sa kangku. Tigtanggap sa kangku, kay tanggapun diman niya ti nagsugu sa kangku.”

Huwan 14:21

“Una hintay pag tawu nu tinanggap niya kang manga bilin bag-u kay tupadun, tunda yi ngani pag tawu tigmahal sa kangku. Mahalun diman niku Ama una hintay pag tawu nu magmahal sa kangku. Ag ipakilala niku kang sadili sa kanya.”

1 Tisalunika 4:8

Nakan nu may tawu magpasipala sa inda pag manga paanyu, balaw tawu kay pag-ipasipala nu unman ti Diyus, imaw ti namakaun kay Ispiritu Banal sa kanyu.

1 Pidru 5:6

Nakan ngani pagpasakup kamu sa kamaskihan Diyus, hampay ipaabwat niya kamu nu rumas-ug kay taning pag udas.

Ipinakakit 21:14

Ti alad batu sa sangput banwa may sampulu may duwa ka patakinan pag batu. May surat ti kada usa ka patakinan pag batu, tigus-a ka ngaran sampulu may duwa ka apustul Anak Karanidu.

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.