Lukas 9:41 - Hanunuu

⁴¹ Nagsagut si Hisus magkun, “Kamu katna pag manga tawu unman may sarig, manga supakil. Kabitay waya kadugay kaibahan niyu aku ag magtiis waya sa kanyu? Daran-a nimu sitay tag sa kangku kanmu anak.”

Lukas 9:41 Iomraidhean Croise

2 Hari 5:8

Suruguun Diyus si Ilisyu. Pagka nabaritaan niya ti nangyari, nagpadara siya inda pag padakit sa hari: “Hayga ginisi nimu kanmu rutay? Paataytagan sa kangku tunda pag tawu, hampay maalaman niya may purupita sa Israil.”

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Pag-ighit 10:3

Nakan nag-atag sida ni Muysis ni Aarun sa hari Ihiptu bag-u sinabi sa kanya, “Inda ti pagsabihun Panginuun, ti Diyus manga Hibriyu, ‘Tugka kapira kawu magpalabaw-labaw sa kangku? Paighita yi nimu kang nasakupan hampay makasamba sida sa kangku.

Pag-ighit 16:28

Ag magkun ti Panginuun sa kan Muysis, “Tugka kapira waya inda pag nasakupan maglabag sa kang manga sugu hanggan manga tudlu?

Hirimyas 4:14

“Manga taga Hirusalim, lumpiyuha niyu ti kadautan sa kanyu tagipusuun hampay maribri kamu. Tugka kapira kamu mag-isip sa daut?

Bilang 14:11

Magkun ti Panginuun sa kan Muysis, “Tugka kapira waya magdayu inda pag manga tawu sa kangku? Tugka kapira waya sida unman magpaniwala sa kangku lang madi ti tanan makadululaw binwat niku sa kanda?

Bilang 14:27

“Tugka waya kapira magriklamu inda pag daut nasakupan sa kangku? Nasaydan niku ti manga riklamu manga marariklamu pag manga Israilita.

Matiyu 11:28

“Pagsitay tag kamu sa kangku, kamu tanan manga purus sa kanyu tarabahu hanggan sa kanyu dara mabuyat, kamu kang paalwanun.

Matiyu 12:39

Magkun si Hisus, “Daut kamu pag manga tawu unman magtupad sa Diyus. Maghanap kamu tanda dapat unman pakakitan tanda purya lang sa nangyari ati katpung sa kan Purupita Hunas.

Matiyu 12:45

Nakan mag-ati siya magtaban pitu waya maan ka labang daut man sa kanya. Magsulud sida mangulian ati. Nakan ngani makuri man masyadu balaw lang ga kaybi kay uryan pag kahamtangan tunda pag tawu kay inapuan. Katunda diman ti mangyari aban sa tunda pag daut pag lahi.”

Matiyu 16:4

Daut kamu pag manga tawu sa inda pag tinubu tawu, unman matinupadun sa Diyus. Maghanap aw kamu tanda? Dapat unman pakakitan kamu tanda purya lang sa nangyari sa kan Hunas.” Bag-u kay tinayakan yi lang sida siyun.

Matiyu 17:17

Sinabi ni Hisus magkun, “Kamu supakil pag manga tawu, manga unman may pagsarig. Kabitay kadugay kailangan aku kanyu kaibahan? Kabitay waya lugud kadugay kamu kang pagtiisan? Daraha niyu ti anak sitay tag.”

Matiyu 23:36

Ungud duy kang pagsabihun sa kanyu, ti parusa sa tanan inda mitama sa inda pag manga tinubu tawu.”

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Markus 10:14

Pagka nakitan ni Hisus, nag-isug siya. Sinabi niya sa manga tuludluan, “Pabay-ani niyu ti manga anak magpakarani sa kangku. Danga yi niyu pag-irangi. Dahil ti ga anak imaw ti pagharian Diyus.

Markus 10:49

Bag-u nagpat-ung ngani si Hisus ag sinabi niya, “Tawagi niyu siya.” Tinawagan ngani nida ti lalaki buta, magkun sida sa kanya, “Pagbaya yi kawu, pagtindug yi, dahil pagtawagan yi kawu ni Hisus.”

Markus 9:19

Nagsagut si Hisus magkun, “Kamu katna pag manga tawu unman may pagsarig. Kabitay kadugay kailangan aku kanyu kaibahan? Kabitay waya lugud kadugay kamu kang pagtiisan? Daraha niyu ti anak sitay tag.”

Lukas 8:25

Magkun siya sa kanda, “Kabitay duy lugud kanyu sarig?” Nadala sida nadulaw. Magharampangan sida magkun, “Hayga nguna katida pag tawu? Magbilin una sa bagyu una sa danum bag-u magpaniwala ti manga bagyu sa kanya.”

Lukas 9:40

Gustu mana niku ipaluwas nimu manga tuludluan ti labang dapat unman nida nakaya.”

Lukas 9:42

Pagka magpakarani ti anak sa kan Hisus itinlang waya labang rargu nangidkiriw maan ti anak masyadu. Dapat binagawan ni Hisus ti labang, pinaayad niya ti anak bag-u inuli siya sa kay ama.

Huwan 14:9

Sinabi ni Hisus sa kanya magkun, “Dugay yi aku pag kaibahan niyu. Udwaya aw lugud nakilala nimu aku, Pilipi? Ti tawu nu nakakit sa kangku, nakitan yi niya hanggan ti Ama. Hayga duy pagsabihun nimu magkun, ‘Ipakakit nimu sa kanmi ti Ama’?

Huwan 20:27

Bag-u sinabi niya sa kan Tumas magkun, “Ipad-ut nimu kanmu ituturu atay, bantayi nimu kang manga kamang. Sitay tag kanmu kamang, ikuut nimu sa kang habig. Tubay yi duy kanmu alinlangan, pagpaniwala yi gid kawu.”

Binwat 13:18

Bag-u sa sulud upatpulu ka timpu tiniis yi lang Diyus kanda magbugya magsunud sa kanya.

Binwat 2:40

Mayamu waya kay ipinaliwanag ni Pidru sa manga tawu magkun, “Pagpasaman kamu sa manga tawu magbuwat daut hampay kamu makaribri.”

Ruma 2:4

Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

Diyuturunumiyu 32:5

Dapat nagkasala kamu sa kanya, balaw yi niya kamu pagkilalan-un kay manga anak dahil sa kanyu kadautan. Manga makasalanan ag madaya pag sinulput-lahi!

Hibriyu 3:19

Nakan alam nita sida unman nakahimu nakaslud sa daga ihinanda Diyus dahil unman sida nagsarig.

Hibriyu 4:11

Hangadun nita, manga patar-ari ti makaslud makasamit sa kaariwayahan sa kay arani Diyus. Danga kita maglaban, barang kita hanggan unman diman makasamit sa kaariwayahan ga nangyari sa kanda kaybi.

Hibriyu 4:2

Dahil ti Mayad pag Barita itinultul diman sa kanta parihu ga sa kanda kaybi. Dapat unman nida napakinabangan tunda pag barita kanda nadnugan, dahil pagka nadnugan nida, unman sida nagsarig sa kanda tagipusuun.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.