Lukas 9:34 - Hanunuu

³⁴ Magbagaw waya si Pidru, rinmas-ug ti usa ka rurum hinmamuy sa kanda. Nadala sida pagka nadulman rurum.

Lukas 9:34 Iomraidhean Croise

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Danyil 10:8

Nakan aku wadi gid usa ti nasawad magbantay sa tunda pag makadululaw pag pangakakitun. Nanlapsi gid aku ag linubayan.

Lukas 9:33

Pagka magkaginan yi sida ni Muysis ni Ilyas magkun si Pidru sa kan Hisus, “Maisturu, mayad maaw kita nagsitay. Mamwat kami tulu ka payag, ayaw-ayaw kamu payag ni Muysis ni Ilyas.” (Kay tutuu, unman magkaalaman ni Pidru kay pagsabihun.)

Lukas 9:35

May nagbagaw ginan sa rurum magkun, “Inda kang Anak, kang pinili, siya ti kanyu patingihi.”

Ipinakakit 1:17

Pagka nakitan niku siya, naplid aku kadaka ga namatay yi sa kay atubangan. Dapat ay kay kinup-an aku niya sikun pag kamang bag-u kay sinabi magkun, “Danga duy kawu magkadala. Aku ti gimpuunan, aku diman ti masawad.

Talaghusay 13:22

Magkun si Manwa sa kay asawa, “Pihu gid mamatay kita dahil nakitan nita ti Diyus.”

Talaghusay 6:22

Napatunayan ni Gidyun kay nakitan anghil gid waydi Panginuun, magkun siya, “Panginuun Diyus nakitan niku kanmu anghil ag nagkaatubang gid kami.”