Lukas 9:32 - Hanunuu

³² Si Pidru hanggan kay manga kaibahan turug. Dapat pagka sida nimata yi mayad, nakitan nida kay kadayawan ni Hisus hanggan ti duwa ka lalaki nakatindug sa kay arani.

Lukas 9:32 Iomraidhean Croise

Isayas 60:19

“Balaw yi init ti rumayaw sa kanmu sa surip ag balaw yi bulan ti rumayaw sa kanmu sa yabi, dahil aku, ti Panginuun, kanmu rayaw unman may katapusan. Aku, kanmu Diyus, ti marinu pag karayawan nimu.

Danyil 10:9

Bag-u nasaydan niku nagbagaw tunda pag tawu. Habang magbagaw siya, nabul-an aku malay ag nisubsub sa daga.

Danyil 8:18

Habang maghampang siya sa kangku, nabul-an malay aku ag nisubsub sa daga. Dapat hiniyaptan niya aku ag binangun.

Markus 14:40

Nagbalik maan siya naras-ugan maan niya sida manga maturugan, dahil tinalu yi sida puyat. Unman nida alam nu hintay ti isagut sa kanya.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 17:24

“Amang, iinintirga nimu sida sa kangku. Kang gustu nu naan aku, pagsiyun diman sida sa kangku hampay makitan nida kang kadayawan kanmu ipinakaun sa kangku. Dahil pagka udwaya linalang ti kalibutan daan di kawu nagmahal sa kangku.

2 Pidru 1:16

Dahil pagka kanmi ipinakilala sa kanyu ti kamaskihan nita Panginuun Hisu-Kiristu hanggan kay pagras-ug niya aban unman gid nimi itinudlu sa kanyu ti manga pinathaw lang pag tultulanun. Nakitan ngap nimi mata kay kamaskihan.

1 Huwan 3:2

Taynguna duy, kita manga anak yi ngani Diyus. Udwaya ipinaburayhaw Diyus sa kanta nu kabitay kita aban. Dapat maalaman diman nita nu miburayhaw aban si Kiristu, kita parihu diman waydi ga kanya, dahil makitan yi gid nita siya kay histuda.