Lukas 9:3 - Hanunuu

³ Binilinan niya sida magkun, “Danga magdara una hintay sa kanyu maglakaw, una sugkud, una bay-ung, una karan-unun, una kuwarta. Danga kamu magdara kanyu ililsan.

Lukas 9:3 Iomraidhean Croise

Kanta 37:3

Pagsarig kawu sa Panginuun ag pagbuwat mayad. Ag mangulian kawu ribri sa kadamhakan sa inda pag daga.

Markus 6:7

Tinipun ni Hisus kay sampulu may duwa ka tuludluan bag-u kay sinugu niya sida tigudwa tigudwa ag pinakan-an niya sida kamaskihan laban sa manga labang.

Lukas 12:22

Sinabi ni Hisus sa kay manga tuludluan magkun, “Nakan ngani magkun aku sa kanyu, danga kamu magkaaburidu sa kanyu pangabuhi nu hintay kanyu kan-un, una sa kanyu bilug nu hintay kanyu irutay.

Lukas 12:28

Ti kugun pinasulungan Diyus ga rutay malatuy. Nu kainda ay buhi sa bantud, aldaw bay ipagba yi sa sapyaan. Unman aw lalu gid pihu kamu pakan-an niya rutay. Hayga lugud diit lang kanyu pagsarig sa Diyus?

Lukas 22:35

Sinabi ni Hisus sa kanda, “Pagka sinugu niku kamu kaybi balaw may dara sukadan kuwarta, una sukadan karan-unun, una lapak, kinurang aw kamu una hintay?” Kanda sagut, “Unman duy, unman kinurang.”

Lukas 3:11

Nagsagut si Huwan magkun, “Ti may duwa ka balukas kailangan magpakaun kay usa sa unman may imaw. Hanggan ti may karan-unun katida diman ti buwatun pumakaun sa unman may karan-unun.”

Lukas 5:29

Binulwatan siya ni Libi daka pagka karan-an sa kay balay. Mayamu pag manga manunukut buhis ag manga iba waya tawu nagkaminsan sa karan-an.

Lukas 9:4

Una naan pag balay kamu pag sumaka, siyun yi waydi kamu pag kidayun hanggan sa udwaya kamu umighit siti ginan pag banwa.

2 Timutiyu 2:4

Ti usa ka sundalu danga magpakialam sa bukun buruwatun sundalu. Lalu ngap kailangan sigasidan niya hampay makabaya kay pinunu.