Lukas 9:25 - Hanunuu

²⁵ Dahil hintay ti makinabangan tawu una maapu niya ti bilug kalibutan nu kay kinabuhi ti kabaydanan.

Lukas 9:25 Iomraidhean Croise

Matiyu 13:48

Pagka napnu kanda ginuyud tag sa saruy. Nanurukaw ti manga tawu hampay piliun ti manga isda. Ti manga mayad pag isda isinukad nida sa buyug, dapat ayinmut nida ti unman may kabuluhan.

Matiyu 13:50

Bag-u iyamut nida ti manga makasalanan sa labdaban pag apuy. Ati sida pag man-nguruynguyan ag mangubut kanda manga ngipun.”

Matiyu 16:26

Hintay lugud ti makinabangan tawu una maapu niya ti bilug kalibutan, nu kay kinabuhi ti kabaydanan? Hintay ti ibayad tawu hampay bawiun maan niya kay buhi?

Markus 8:36

Hintay ti makinabangan tawu una maapu niya ti bilug kalibutan nu kay kinabuhi ti kabaydanan?

Binwat 1:18

Kabay may binili si Hudas daga, ibinayad niya tunda ngani pag kuwarta kay tinanggap suhul sa kay binwat kadautan. Nidusmu siya ag nanluput kay tiyan nagluwang kay puna.

Binwat 1:25

hampay siya yi ti kailis sa katungkulan sa pagka-apustul kay tinayakan ni Hudas, pagka siya atag sa rugar angay niya atagan.”

1 Kurintu 9:27

Pagpakurian diman niku kang sadili bilug, pagsupilun niku kang sadili kagustuhan barang nu manudlu aku sa iba, aku ngap ti ipurya Diyus.

Hibriyu 10:34

Napadamay kamu sa manga napirisu, balaw diman waydi kamu nagruku una binul-an kamu kasiyunan, dahil alam ngani niyu lalu waya higit mahalaga ag udyi madura ti kayamanan ihinanda para sa kanyu.