Lukas 9:20 - Hanunuu

²⁰ Bag-u kay sinabi ni Hisus sa kanda magkun, “Dapat kamu duy, kabitay kanyu pag magkilala sa kangku nu si unu aku?” Kay sagut ni Pidru, “Kawu duy, ti Pinili Diyus Manugribri pag Hari.”

Lukas 9:20 Iomraidhean Croise

Matiyu 22:42

“Hintay kanyu magkaalaman tungkul sa Pinili Diyus Manugribri pag Hari? Naan ginan pag linahi siya?” Kanda sagut magkun, “Sa kan Dabid ginan.”

Matiyu 26:63

Dapat unman nag-ingay si Hisus. Bag-u magkun ti pangulu manughandug sa kan Hisus, “Sa ngaran Diyus buhi, kang pag-ibilin sa kanmu, sabiha nimu sa kanmi, nu tutuu kawu ti Pinili Diyus Manugribri pag Hari, ti Anak Diyus.”

Matiyu 5:47

Nu ti magtar-arian lang tigparaingan-an, hintay ti nabuwat niyu balaw lang ga iba? Una ti manga unman magsarig sa Diyus magbuwat diman katida.

Markus 14:61

Dapat unman nag-ingay si Hisus, unman gid siya nagsagut. Pinmaingana maan ti Pangulu Manug-asiwa Balay Diyus magkun, “Kawu aw ti Pinili Diyus Manugribri pag Hari, ti Anak makapangyarihan pag Diyus?”

Markus 8:29

Nagpaingana siya sa kanda, “Nu sa kanyu waydi, hintay kanyu isip nu si unu aku?” Sinmagut si Pidru magkun, “Kawu duy ti Pinili Diyus Manugribri pag Hari.”

Lukas 22:67

Magsabi sida sa kan Hisus, “Nu kawu yi ti Pinili Diyus Manugribri pag Hari, sabiha nimu sa kanmi.” Dapat sinabi niya sa kanda, “Nu sabihun niku sa kanyu ti katutuuhanan, unman waydi niyu paniwalaan.

Lukas 9:19

Sinabi nida, “Si Huwan Manugtulbaw kunu, dapat magsabi ti iba kawu si Ilyas, magkumun ti iba usa sa manga un-an pag purupita nabuhi uman ginan sa kay pagkamatay.”

Huwan 1:41

Susun yi hinanap ni Andiris kay patar-ari si Simun. Bag-u kan Andiris sinabi sa kanya magkun, “Nakitan duy nimi ti Pinili Diyus Manugribri pag Hari!” (Sa Giriyigu, Kiristu.)

Huwan 1:49

Magkun si Natanail, “Maisturu, kawu yi duy ti Anak Diyus, kawu yi ti Hari nasyun Israil.”

Huwan 11:27

Sinmagut si Marta magkun, “Hu ngani Panginuun, naniwala yi aku kawu ti Pinili Diyus Manugribri pag Hari, ti Anak Diyus, ti itinaratu Diyus kuntay sumitay sa kalibutan.”

Huwan 20:31

Dapat inda kang isinurat hampay kamu magpaniwala si Hisus yi ngani ti Pinili Diyus Manugribri pag Hari, ti Anak Diyus. Dahil nu katunda kanyu pagsarig, kamu may tutuu pag buhi sa kanyu magpakiusa sa kanya.

Huwan 4:29

“Atag lugud kita duy, bantayi niyu ti usa ka tawu nagsabi sa kangku sa tanan niku binwat kaybi ginan. Imaw aw nguna tunda ti Pinili Diyus Manugribri pag Hari?”

Huwan 4:42

Sinabi nida sa babayi magkun, “Magsarig kami taynguna sa kan Hisus balaw dahil sa kanmu sinabi sa kanmi. Taynguna kami magsarig dahil sa kanmi nadnugan sa kanya. Nakilala yi waydi nimi siya yi ngani ti Manugribri sa manga tawu sa kalibutan.”

Huwan 7:41

Sinabi manga iba magkun, “Siya yi ngani ti Pinili Diyus Manugribri pag Hari.” Dapat magkun maan ti manga iba, “Ti Pinili Diyus Manugribri pag Hari balaw sumitay ginan sa Galiliya.

Binwat 17:3

Ipinaliwanag niya ti pagsabihun sa Banal Kasuratan. Itinultul niya kailangan mag-agwanta ti Pinili Diyus Manugribri pag Hari bag-u buhiun maan ginan sa kamatayan. Magkun siya, “Inda pag Hisus kang pag-itudlu sa kanyu imaw yi ngani ti Pinili Diyus Manugribri pag Hari.”

Binwat 8:36

Sigi di gid kanda lakaw karusa. Pagka dugay nakaras-ug sida sa may danum. Nakan sinabi pinunu sa kan Pilipi magkun, “May danum atay. May ampara aw nguna sa kang magpatulbaw?”

Binwat 9:22

Dapat ay amat-amat lalu waya malinaw kan Saulu paliwanag. Naglingut ti manga Hudiyu nangulian sa Damasku dahil marig-un kay nagtultul tungkul sa kan Hisus siya yi ti Pinili Diyus Manugribri pag Hari.

1 Huwan 5:1

Una hintay pag tawu tigpaniwala si Hisus yi ngani ti Pinili Diyus Manugribri pag Hari, ati pag tawu nianak Diyus. Una hintay pag tawu tigmahal sa Ama, magmahal diman waydi siya sa Anak.