Lukas 9:12 - Hanunuu

¹² Pagka mag-isangday yi ti init, nagpakarani sa kan Hisus kay sampulu may duwa ka tuludluan magkun, “Paataga duy nimu ti manga kayamuan tawu hampay sida umati sa manga baryu, sa manga tawu balay sitay sa palibut. Ati sida pag magdayun, manhagad karan-unun. Dahil kita sitay sa pangawakawaan.”

Lukas 9:12 Iomraidhean Croise

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Husyas 13:5

Inalagaan niku kamu sa pangawakawaan, sa tigangan pag rugar.

Matiyu 14:13

Pagka nakadnug si Hisus kanda barita, nagsakay siya sa duunduun nag-ati siya usa-usa atag sa pangawakawaan. Pagka naalaman manga tawu, naglakaw sida ginan sa manga banwa, nag-usig sida sa kanya.

Matiyu 15:23

Dapat unman gid nagsagut si Hisus. Nagpakarani kay manga tuludluan magkun sa kanya, “Sabihi duy nimu siya danga yi siya sitay, maingay.”

Matiyu 15:32

Tinawag ni Hisus kay manga tuludluan, kay sinabi, “Magkaawa aku sa inda pag manga tawu, dahil tulu yi ka sirang taynguna tugka kaibahan niku sida. Udyi sida may makaun. Dayu niku sida pauliun magkalun-us, barang nu sa dalan magpandulum yi ti mata sa lun-us.”

Lukas 9:11

Dapat pagka naalaman kayamuan tawu, nag-usig ngap sida sa kanya. Nagbaya siya sa kayamuan pagka sida rinmas-ug bag-u kay itinudlu sa kanda magkun, “Diyus ti maghari sa tanan bagay.” Pinaayad diman niya ti kailangan bulungun.

Lukas 9:13

Dapat sinabi ni Hisus sa kanda, “Kamu yi ti pagpakaun karan-unun sa kanda.” Magkun sida, “Unman kita may karan-unun duy, nu unman lima lang ka tinapay ag duwa ka isda. Kanmu aw gustu kami umati mamili karan-unun hampay ipakaun sa tanan pag manga tawu sitay?”

Huwan 6:1

Bag-u nagdipay si Hisus sa danaw Galiliya, kay usa ka ngaran danaw Tibiryas.

Pilipus 1:19

dahil alam niku pihu di gid aku palpasan aban ginan sa pirisuhan, dahil aku kanyu pag-idarangin ag dahil sa kang-ud pag awat ginan sa Ispiritu ni Hisu-Kiristu.