Lukas 9:11 - Hanunuu

¹¹ Dapat pagka naalaman kayamuan tawu, nag-usig ngap sida sa kanya. Nagbaya siya sa kayamuan pagka sida rinmas-ug bag-u kay itinudlu sa kanda magkun, “Diyus ti maghari sa tanan bagay.” Pinaayad diman niya ti kailangan bulungun.

Lukas 9:11 Iomraidhean Croise

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Matiyu 12:15

Alam di ni Hisus ti gayak manga Parisiyu nakan nighit siya siyun ginan. Aduk pag tawu ti kinmuyug sa kanya. Kay pinaayad niya ti tanan may manga sakit.

Matiyu 14:14

Pagka dinmugsun si Hisus sa duunduun ati sa baybay, nakitan niya ti kayamuan tawu. Naawa gid siya sa kanda, pinaayad niya ti may manga sakit sa kanda.

Matiyu 21:31

Naan sa duwa ka anak ti nagtupad sa kagustuhan niya ama?” Sinabi manga manugpatingi magkun, “Ti un-an.” Sinabi ni Hisus sa kanda, “Ungud duy kang pagsabihun sa kanyu, ti manga manunukut buhis ag ti manga uragin umuna waya sa kanyu pumasakup sa kay paghari Diyus.

Matiyu 21:43

“Nakan ngani kang pagsabihun sa kanyu, bul-un ginan sa kanyu ti kaharian Diyus bag-u ipakaun sa usa ka nasyun tawu magtupad sa kagustuhan Diyus.

Lukas 1:53

Binsug niya ti manga magkalun-us sa manga mayad pag kabagayan. Tinulak niya ti manga mayaman, unman pinakan-an una lang hintay.

Lukas 5:31

Dapat si Hisus ngap ti sinmagut magkun, “Unman may kailangan sa manugbulung ti balaw may manga sakit, ti may manga sakit lang ti may kailangan.

Lukas 8:1

Pagka dugay naglakaw si Hisus naglibut sa manga kabanwa-banwahan ag sa manga baryu, kaibahan niya ti sampulu may duwa ka tuludluan niya. Itinudlu niya ti Mayad pag Barita sa manga tawu tungkul sa paghari Diyus. Kaibahan niya ti sampulu may duwa ka tuludluan.

Lukas 8:10

Magkun si Hisus, “Ipinakaun Diyus sa kanyu hampay masalman niyu ti madalum pag katutuuhanan udwaya niburayhaw tungkul sa kay paghari Diyus. Dapat sa manga iba pag-itudlu niku sa manga pahalimbawa hampay ‘Una sida magpakabantay, unman sida makasalum, ag una sida magpakapatingi, unman nida maintindihan.’”

Lukas 9:10

Pagka nuli maan kay manga apustul ni Hisus, itinultul nida sa kanya nu hintay kanda binwat. Bag-u sida iniba niya napablag tag sa usa ka banwa kay ngaran Bitsayda.

Lukas 9:12

Pagka mag-isangday yi ti init, nagpakarani sa kan Hisus kay sampulu may duwa ka tuludluan magkun, “Paataga duy nimu ti manga kayamuan tawu hampay sida umati sa manga baryu, sa manga tawu balay sitay sa palibut. Ati sida pag magdayun, manhagad karan-unun. Dahil kita sitay sa pangawakawaan.”

Lukas 9:2

Bag-u sinugu niya sida hampay kanda itudlu magkun, “Diyus ti maghari sa tanan bagay.” Ag hampay magpaayad sida sa may manga sakit.

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.

Huwan 6:37

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Binwat 28:31

Ipinaliwanag niya tungkul sa kay paghari Diyus ag itinudlu niya tungkul sa Panginuun Hisu-Kiristu. Matutum kay naisipan ni Pablu sa kay magtudlu ag unman may nag-ampara sa kanya.

Ruma 10:14

Dapat kabitay pag dumangup ti manga tawu sa kay ngaran Panginuun nu unman kanda pagsarigan siya? Kabitay sida pag sumarig nu unman waya sida may nadnugan barita tungkul sa kanya? Kabitay sida pag makadnug nu unman may magtudlu?

Ruma 10:17

Ti tawu dayu waya sumarig nu unman nakadnug siya sa Mayad pag Barita. Makadnug lang ti tawu nu may manudlu tungkul sa kan Kiristu.

Ruma 15:3

Si Kiristu unman diman nagsadili kasulungan. Bagkus ngap angay sa isinurat sa Kasuratan magkun, “Sa kanda magpuya mana sa kanmu, aku ngap ti pinuyaan nida.”

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Hibriyu 4:16

Pagpakarani kita sa Diyus sa may puun pakaun kaayadan, pagmatutum kanta naisipan, hampay kita pagkaawaan niya ag hampay nu katpung kita may kailangan sa kanya, kita awatan diman angay sa kay pangaawa.