Lukas 8:43 - Hanunuu

⁴³ May usa ka babayi sulud sampulu may duwa ka timpu kay pagsulgan. Hinirut kay panggastus sa manga manugbulung, una sitapu unman may nakapaayad sa kanya.

Lukas 8:43 Iomraidhean Croise

2 Krunika 16:12

Pagka ika-39 ka timpu kay maghari ni Asa, nag-agwanta siya sa kay karamdaman sa lulud. Una masyadu yi kay karamdaman, unman siya naghagad awat sa Panginuun nu unman sa manga manugbulung.

Hub 13:4

Dahil paghingabtun niyu aku bulungun manga kapudilan. Kamu tanan parihu sa manugbulung unman may pulus.

Kanta 108:12

Awati kami laban sa kanmi manga kalaban, dahil unman may pulus ti awat tawu.

Isayas 2:22

Danga kamu magpiyar sa tawu. Mamatay diman waydi sida. Hintay waydi ti mabuwat nida?

Markus 12:44

Dahil ti iba nagpakaun kay lang baliw udyi kailanganun nida. Dapat inda pag pugri buranday itinabu ipinakaun kay pamili.”

Markus 9:18

Kada siya pagsuldun, pagpagpuun siya labang, magbura kay bibig, magngarut kay manga ngipun ag lagat-lagat magpan-gaw gid. Sinabi niku sa kanmu manga tuludluan, ipalwas mana nida ti labang. Dapat unman nakaya nida.”

Lukas 13:11

Ati may usa ka babayi pinasakit labang kay awak dugay yi, sampulu may walu yi ka timpu. Baruktut siya unman makahunat kay awak.

Lukas 13:16

Unman aw kailangan lugud sa Sirang Pamahari lubadan inda pag babayi kan Abraham linahi? Ginapus siya ni Satanas sa sulud sampulu may walu ka timpu kay kadugay.”

Lukas 8:27

Pagka dinmugsun si Hisus ginan sa duunduun, may nagsulang sa kanya usa ka tawu taga banwa inapuan manga labang. Dugay yi pag timpu siya unman yi magrutay pag tawu, udyi mag-uli sa kay balay, siyun yi kay ulian sa kalubngan lang.

Lukas 8:42

Dahil may bugtung anak babayi siya sampulu may duwa ka timpu kay idad ag hirimugtasun yi kay arup. Dapat sa kay maglakaw ni Hisus atag sa kan Hairu balay, nandurutdutan ti kayamuan tawu sa kanya.

Lukas 8:44

Tunda pag babayi nagpakarani sa kan Hisus aday-an nag-igpil sa kay sidsid rutay. Susun ngani nap-ut kay pagsulgan.

Huwan 9:1

Sa kay maglakaw ni Hisus, may nakitan siya usa ka lalaki buta. Ginan waya sa kay pagkaanak daan buta siya.

Huwan 9:21

Dapat unman nimi alam nu kabitay pag maghiling siya taynguna. Unman diman nimi alam nu si unu pag tawu ti nagpaayad sa kay mata. Paingan-a duy niyu siya. May idad yi siya, bahala siya magsagut.”

Binwat 3:2

Pagka sida rinmas-ug sa Balay Diyus, sa pagkumnun Marinu pag Sabian, may nakitan sida usa ka lalaki lunu. Ginan sa kay inanak daan lunu tunda pag tawu. Sirang-sirang pagbab-un siya bag-u pag-ibugtang sa puun sabian Balay Diyus hampay manhagad kay pangailangan sa manga magsulud ati.

Binwat 4:22

Subra yi upatpulu ka timpu kay idad tunda pag tawu, ti binwatan tunda pag makadululaw pag tanda ag siya pinaayad sa pagkalunu.