Lukas 8:38 - Hanunuu

³⁸ Dapat nagpakihampang sa kanya ti tawu pinalwasan labang magkun, “Aku duy mana kumuyug sa kanmu.” Dapat siya pinauli ni Hisus magkun,

Lukas 8:38 Iomraidhean Croise

Kanta 116:12

Unu lugud ti maibalus niku sa Panginuun sa tanan niya pag kaayadan sa kangku?

Kanta 116:16

Panginuun, tutuu pag manugsirbi nimu aku. Irinibri nimu aku sa pagkabihag.

Kanta 27:4

Usa ka bagay kang paghagadun sa Panginuun, inda kang gid pagkaibgan: ti makaulian aku sa kay Balay habang buhi aku, agud makitan niku kay kadayawan, ag hilingun sa kanya giyahan niya aku.

Kanta 32:7

Kawu kang palalan-iban; alagaan nimu aku sa udas kakurian, ag sangputun nimu aku manga tawu maghuruyawan sa kabayaan dahil sa kanmu pagribri sa kangku.

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Lukas 8:28

Pagka nakakit sa kan Hisus naghuyaw siya napadapa sa kay sarangwan kay irininggit daka magkun, “Hisus duy, hintay kang labut sa kanmu? Kawu ti Anak Diyus makapangyarihan sa tanan. Manuyu aku sa kanmu danga pakurian nimu aku.”

Lukas 8:37

Bag-u ti tanan tawu mag-uli sa daga manga Girasinu nagsabi sa kan Hisus, “Danga yi mana kawu sitay sa kanmi.” Dahil kinulbaan sida, daka kanda kadalaan. Nagsakay si Hisus sa duunduun, nuli yi siya.

Lukas 8:39

“Pag-uli yi lang kawu duy tag sa kam balay. Itultul nimu nu kabitay kay kadaka ti kaayadan kay binwat Diyus sa kanmu.” Nuli yi ngani siya, itinultul niya sa tanan tawu nu kabitay kay kadaka ti binwat ni Hisus sa kanya.

Pilipus 1:23

Aku napil-it yi sa duwa ka bagay. Kang gustu aku mamatay hampay kaibahan yi ni Kiristu, dahil pihu gid imaw ti pinakamayad.