Lukas 8:32 - Hanunuu

³² Ati sa bantud may maglingaun kadamlan babuy. Nanuyu ti manga labang sa kan Hisus, pahintuluti sida sumulud sa babuy. Pinasnuan ngani niya sida.

Lukas 8:32 Iomraidhean Croise

1 Hari 22:22

Sinmagut siya, ‘Atabug aku ag pabagawun niku kapudilan kay manga purupita ni Akab.’ Magkun ti Panginuun, ‘Paglakaw kawu ag buwata inda. Manalu kawu sa pagtaban sa kanya.’ ”

Hub 1:10

Pag-alagaan nimu siya hanggan kay magtal-anakan, kaibahan yi ti tanan niya manga kasiyunan. Pagpapaladan nimu una hintay kay pagbuwatun niya. Nakan lalu di gid mag-amat magyamu kay manga hayup sa buu daga.

Hub 1:12

Magkun ti Panginuun sa kan Satanas, “Ta, bul-a nimu ti tanan sa kanya, dapat danga lang nimu siya pagsakti.” Nakan ginminan ngani si Satanas sa atubangan Panginuun.

Hub 2:6

Magkun ti Panginuun sa kan Satanas, “Malu, buwata nimu kanmu pagkaibgan buwatun sa kanya, dapat ay danga lang nimu siya pagmatya.”

Kanta 62:11

Balaw lang kas-a nasaydan niku magkun ti Diyus sa kanya ti kapangyarihan ag ti pagmahal.

Isayas 65:4

Magtukaw sida nu yabi sa manga kalubngan ag sa manga lihim pag rugar hampay manhampang sa karadwa manga namatay. Magkaun sida taguban babuy ag tuhay waya pag manga pag-ibawal kan-un pag karan-unun.

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Matiyu 7:6

“Danga niyu ipakaun sa manga idu ti manga bagay ibinukud para sa Diyus. Danga waydi niyu iyamut tag sa manga babuy kanyu manga bulawan, dahil tatatataan lang nida bag-u pabalikan kamu banahutun sa kagat.”

Lukas 8:31

Bag-u ti manga labang nanuyu sa kan Hisus danga sida pagsugua tag sa kaabasad-basadan.

Lukas 8:33

Nagluwas ti manga labang sa tawu bag-u sa manga babuy pag sinmulud. Bag-u nangras sa palagiw ti kagadhan babuy naglinuksu sa yangpas danaw, nagkalalimus sida sa danum.

Huwan 19:11

Sinmagut si Hisus magkun, “Nakan lang kawu may karampatan magbuwat katida sa kangku, dahil Diyus ti may pahintulut tunda sa kanmu. Nakan mabuyat man ti kasalanan tunda pag tawu ti nag-intirga sa kangku sa kanmu kamang.”

1 Huwan 4:4

Manga anak, kamu duy sa Diyus, dinaug yi niyu ti manga pudilun pag purupita, dahil una makapangyarihan ti sa kalibutan, lalu man mamaski ti Ispiritu Banal, imaw ti nangulian sa kanyu.

Ipinakakit 20:7

Nu makalawuy ti usa ka libu ka timpu, palpasan maan si Satanas ginan sa kay pirisuhan.