Lukas 8:27 - Hanunuu

²⁷ Pagka dinmugsun si Hisus ginan sa duunduun, may nagsulang sa kanya usa ka tawu taga banwa inapuan manga labang. Dugay yi pag timpu siya unman yi magrutay pag tawu, udyi mag-uli sa kay balay, siyun yi kay ulian sa kalubngan lang.

Lukas 8:27 Iomraidhean Croise

Isayas 65:4

Magtukaw sida nu yabi sa manga kalubngan ag sa manga lihim pag rugar hampay manhampang sa karadwa manga namatay. Magkaun sida taguban babuy ag tuhay waya pag manga pag-ibawal kan-un pag karan-unun.

Bilang 19:16

“Kilalan-un diman mayagting sa sulud pitu ka sirang una si unu ti asan sa luwas kampu ti nakahiyaput sa bangkay minatay ngatay namatay lang sa kapaladun pag karamatayun. Katida diman sa nakahiyaput sa but-ul tawu ngatay nid-ut sa kalubngan.

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Markus 5:15

Pagka nagpakarani sida sa kan Hisus, nakitan nida ti tawu pinalwasan labang. Matukawan siya, may rutay yi, mahusay yi kay naisipan, madi inapuan siya kayamuan labang sa kabag-u. Nakan nadala ti manga tawu.

Lukas 8:26

Nagras-ug sida sa daga manga Girasinu, sa katpungan daga Galiliya.

Lukas 8:28

Pagka nakakit sa kan Hisus naghuyaw siya napadapa sa kay sarangwan kay irininggit daka magkun, “Hisus duy, hintay kang labut sa kanmu? Kawu ti Anak Diyus makapangyarihan sa tanan. Manuyu aku sa kanmu danga pakurian nimu aku.”

1 Samwil 19:24

Pagka ati yi siya, inuba niya kay rutay ag nagtultul Bagaw Diyus sa atubangan ni Samwil. Napahuway siya uba-uba sa buu sirang hanggan yabi. Inda kay dahilan nu hayga magpaingana ti manga tawu magkun, “Purupita yi aw waydi si Saul?”