Lukas 8:24 - Hanunuu

²⁴ Sida nagpakarani sa kan Hisus, bag-u kanda pinulaw magkun, “Maisturu, Maisturu, kita inda mamatay yi ay.” Pagka nag-imata siya tinamyaw niya ti bagyu hanggan ti mabisug pag humbak. Pagka tinamyaw nagpat-ung yi ag nagkalma.

Lukas 8:24 Iomraidhean Croise

Kanta 65:7

Pagpakalmahun nimu ti paywas manga humbak sa dagat hanggan ti kaguluhan manga tawu.

Isayas 50:2

Hayga balaw niyu aku binati katpung sa kang pagras-ug? Hayga balaw kamu nagsagut katpung pagtawagan niku kamu? Balaw aw lugud niku kamu kaya iribri? Kaya ngani niku pak-atun ti dagat sa usa lang ka bagaw. Kaya diman niku buwatun tigangan ti sapa hampay mamatay ti manga isda.

Hirimyas 5:22

Aku, ti Panginuun magsabi: Unman aw kamu may dala sa kangku? Hayga unman kamu pagtakigan sa atubangan niku? Aku ti nagbuwat baras sa baybay dagat hampay bumaliw katugkaan dagat. Inda kay katugkaan balaw malapawan. Paghampakun manga humbak dapat unman nida masagpawan.

Nahum 1:4

Sa kay lang bagaw magkak-at ti manga dagat una ti manga sapa, ag magkarubay ti manga pananum sa Basan, hanggan sa Bantud Karmilu ag sa Libanun.

Matiyu 14:30

Dapat pagka nakitan niya mabisug ti bagyu, nadala siya. Pagka siya mag-italnud yi sa danum, nagtawag siya magkun, “Panginuun, bawia nimu aku.”

Matiyu 8:25

Nagpakarani sida sa kan Hisus bag-u kanda pinulaw magkun, “Panginuun, iribri nimu kami, malunud yi ay duy kita.”

Markus 4:39

Nagbangun si Hisus, tinamyaw niya ti bagyu ag sinabi niya sa danaw magkun, “Paghubung yi, danga yi magpaywas pag danum.” Naghubung yi ngani ti untug, ag kinmalma ti danaw.

Lukas 4:35

Bag-u sinabi ni Hisus sa kanya magkun, “Danga mag-ingay, pagluwas yi kawu sa kanya ginan!” Ilinusgu waya ti inapuan labang sa atubangan kadamlan tawu bag-u nagluwas yi ti labang, dapat unman naunu ti tawu.

Lukas 4:39

Dinulud ni Hisus ti babayi, sinungyaw niya ti ramig, rargu nahumpawan yi siya ramig. Pagka nahumpawan yi kay ramig, nagbangun siya, rargu nangapuy kanda karan-unun.

Lukas 5:5

Nagsagut si Simun magkun, “Maisturu, usa ka yabi kanmi pabudlay unman may nablay kami. Dapat dahil sa kanmu bagaw ilagpak niku ti manga sarap.”

Lukas 8:25

Magkun siya sa kanda, “Kabitay duy lugud kanyu sarig?” Nadala sida nadulaw. Magharampangan sida magkun, “Hayga nguna katida pag tawu? Magbilin una sa bagyu una sa danum bag-u magpaniwala ti manga bagyu sa kanya.”