Lukas 8:2 - Hanunuu

² May manga babayi diman nagkuyug sa kan Hisus. Sida pinalwasan labang ag pinaayad kanda manga sakit. Hanggan si Marya kay bansag Magdalina pagka pinalwasan siya pitu ka labang nagkuyug diman sa kan Hisus.

Lukas 8:2 Iomraidhean Croise

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Markus 16:1

Pagka lawuy yi ti Sirang Pamahari, sida ni Marya Magdalina, ni Marya kay ina ni Santiyagu hanggan si Salumi namili manga pamanglu hampay kanda ihaplas sa bangkay ni Hisus.

Markus 16:9

Surip surip sirang Duminggu, pagka nabuhi uman si Hisus, un-an sa tanan napakakit siya sa kan Marya Magdalina. Kaybi may ipinaluwas si Hisus pitu ka labang ginan sa tunda pag babayi.

Lukas 23:27

Nagkuyug sa kan Hisus ti kadamlan tawu ginan sa banwa hanggan manga babayi maglulumian magwarawawan dahil sa kanya.

Lukas 23:49

Tanan manga kakilala ni Hisus hanggan ti manga babayi kay kaibahan ginan sa Galiliya, nagtindug ginan sa arayu namantay sa nangyari sa kan Hisus.

Lukas 23:55

Ti manga babayi ti nagkuyug sa kan Hisus ginan sa Galiliya, nagkuyug sa kan Husi nanduaw sa tinaguktukan batu, nu kabitay pag ipinauli ti bangkay.

Lukas 8:30

Nagpaingana si Hisus sa kanya, “Hintay kanmu ngaran?” Kay sagut niya, “Kadamlan.” Dahil aduk pag labang ti nagsulud sa tunda pag tawu.

Huwan 19:25

Siyun diman arani sa kay kurus ni Hisus may matindugan manga babayi. Kay ina ngani ni Hisus hanggan ti patar-ari babayi niya ina hanggan si Marya kan Kulupas asawa hanggan si Marya Magdalina.

Binwat 1:14

Pirmi sida tanan magtiripun sa darangin. Una manga babayi napaminsan sa kanda hanggan si Marya kay ina ni Hisus hanggan kay manga patar-ari lalaki ni Hisus.