Lukas 8:15 - Hanunuu

¹⁵ Ti sa mayad pag daga, tunda imaw ti manga mayad pag itinuduk sa kay tagipusuun, inalagaan nida ti Bagaw Diyus kanda nadnugan. Nakan magburak mayamu, balaw mag-urung una makuri.”

Lukas 8:15 Iomraidhean Croise

Kanta 119:11

Pag-alagaan niku kanmu bagaw sa kang tagipusuun hampay balaw aku magkasala sa kanmu.

Kanta 51:10

Diyus, buwata malumpiyu kang tagipusuun, ag ayawi maan aku may matutum pag ispiritu.

Kabagawan 3:1

Anak, danga gid pagkalimti ti itinudlu niku sa kanmu; dahani sa kanmu tagipusuun kang manga pag-isugu sa kanmu,

Hirimyas 15:16

Katpung nagbagaw kawu sa kangku, pinatingihan duy niku kawu. Kanmu manga bagaw kang kabayaan, ag aku sa kanmu, Panginuun Diyus Makamaskihan.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Matiyu 24:13

Dapat tigpakarig-un hanggan tugka sa katapusan imaw ti maribri.

Lukas 11:28

Dapat sinabi ni Hisus, “Lalu waya papaladan Diyus ti manga tawu nu magpatingi sa kay bagaw bag-u kanda pagtupadun.”

Lukas 6:45

Ti mayad pag tawu magbulwat mayad pag naisipan ginan sa kay hinamnu kaayadan sa kay tagipusuun. Dapat ti daut pag tawu magbulwat daut pag naisipan ginan sa kay hinamnu kadautan sa kay tagipusuun. Dahil nu hintay ti pagbagawun bibig, imaw kay sukad sa kay tagipusuun.”

Lukas 8:14

Ti nalagpak sa dugihan tunda imaw ti manga nakadnug, dapat amat-amat pagkisutun sida sa kaaburiduhan naisipan hanggan sa kayamanan hanggan sa daut pag kagustuhan sitay sa babaw daga. Nakan unman magkamhan kay burak.

Lukas 8:16

Sinabi ni Hisus magkun, “Una hintay pag tawu tigsulu kay duag, unman pagtakluban niya anglit, unman diman pag-itagu niya sirung laming, nu unman pag-ibugtang sa kay bugtangan hampay makitan manga manugsaka kay rayaw.

Huwan 14:15

Sinabi ni Hisus magkun, “Nu pagmahalun gid niyu aku, tupadun waydi niyu kang manga ibinilin sa kanyu.

Huwan 15:10

Nu tupadun niyu kang manga bilin, balaw yi kamu miblag sa kang pagmahal sa kanyu. Parihu diman ga kang magtupad sa manga bilin niku Ama, unman diman aku miblag sa kay pagmahal sa kangku.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

Ruma 6:22

Dapat taynguna kamu pinaribri yi ginan sa kasalanan, kamu manga panawuhun yi Diyus bag-u gamitun kamu Diyus sa kay turunu tungkul sa buhi unman may katapusan.

Ruma 7:18

Alam diman niku unman may mayad nangulian sa kangku, kang ibug sabihun sa kang makasadili pag naisipan. Kaya niku mataw-an maggayak mayad, dayu lang mabwat niku kang gayak mayad.

Ruma 7:4

Katunda diman manga patar-ari, nu para sa Kasuguan ni Muysis kamu namatay yi dahil kamu nakapaminsan yi sa kay bilug ni Kiristu hampay kamu ribri yi sa Kasuguan ag makapaminsan waydi sa kan Kiristu sa kay pagkabuhi uman hampay magamit kita Diyus kay yi manga suruguun.

Ruma 8:25

Dapat nu mag-asa kita sa udwaya nita mag-akitan, pihu kita manga matiniisun.

1 Kurintu 7:19

Unman may hintay ngarana una turi una bukun turi. Ti mahalaga ti pagsunud sa manga bilin Diyus.

Ipisu 2:8

Dahil lang sa mayad nabubut-un Diyus naribri kamu pagka kamu nagsarig sa kan Kiristu. Inda pag karibrihan kay ipinakaun Diyus sa kanyu, balaw kanyu sadili buwat.

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.

Pilipus 1:11

Nu katunda kamu, mag-akitan sa kanyu buhi ti lunsay marinu gid pag ugali dahil sa kay mayad buwat ni Hisu-Kiristu sa kanyu, sa lubus ikadayaw sa Diyus.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 1:6

Inda pag Mayad pag Barita linmantap sa buu kalibutan ag magdara papalad parihu diman sa nangyari sa kanyu pagka nadnugan niyu ag nasalman niyu ti katutuuhanan tungkul sa kay mayad pag nabubut-un Diyus.

Hibriyu 10:36

Kailangan kamu pagmatiniisun, hampay matupad niyu ti kagustuhan Diyus, agud matanggap niyu kay itinaratu.

Hibriyu 2:1

Nakan kailangan intindihun gid nita ti manga bagay kanta nadnugan, hampay balaw kita tumalang sa katutuuhanan.

Santiyagu 1:4

Kailangan ngani kamu pagpakarig-un hanggan sa katapusan hampay kamu kang-ud yi gid udyi may kakurangan.

1 Huwan 2:3

Nu tupadun nita kay manga sugu, pihu masabi nita siya kanta pagkilalan-un.