Lukas 8:13 - Hanunuu

¹³ Tunda sa mabatu, imaw ti manga nakadnug lang nagtanggap yi sida magbaya sa Bagaw Diyus. Dapat unman ngap inmaba kay gamut. Sida ngap ud nadugay kanda sarig. Pagka rinmas-ug ti tuksu nagbul-iw sida sa Diyus.

Lukas 8:13 Iomraidhean Croise

Hub 19:28

“Nu iparargu niyu ti pagbangdan sa kangku kuntay mag-agwanta aku dahil sa kang kasalanan,

Kabagawan 12:12

Ti pirmi pagkaibgan buwatun daut pag tawu imaw ti balaw mayad, nakan balaw mayad kanda kahamtangan, dapat ti matadlung mapag-un parihu sa kayu abasad kay gamut.

Kabagawan 12:3

Ti magbuwat kadautan unman gid may karig-unan, dapat ti matadlung pag tawu may karig-unan parihu sa kayu abasad kay gamut.

Isayas 58:2

Magpakarani sida sa kangku sirang-sirang, gustu nida maalaman kang manga palakaw. Nu pagbantayan, bilang sida usa ka nasyun matadlung unman maglabag sa sugu niku. Pag-ipakakit nida ga magkaibug sida pumakarani sa kangku ag manhagad matadlung pag pasya.

Isikil 33:32

Para sa kanda, parihu lang kawu sa usa ka manugkanta may marinu pag busis, magkanta karantahun tungkul sa pagmahal ag mayad magpatunug manga pamatunug. Magpatingi lang sida sa kanmu tultulanun, dapat unman nida inda pagtupadun.

Husyas 6:4

Dapat magkun ti Panginuun, “Israil hanggan Huda, hintay kang buwatun sa kanyu? Kanyu pagmahal sa kangku madali lang magkadura parihu sa anitay ngatay tun-ug sa surip.

Markus 6:20

Dahil magkadala si Hirudis sa kan Huwan. Alam yi waydi niya si Huwan lalaki matadlung ag lubus sakup sa Diyus. Nakan pinabantayan niya si Huwan. Magbaya magpatingi si Hirudis sa manga bagaw ni Huwan una magkatalinduwa kay isip.

Lukas 8:12

Tunda yi ngani manga sa saruy dalan imaw ti manga manugpatingi. Bag-u magras-ug ti diyablu, pagpalimutun niya ti Bagaw Diyus ginan sa kanda naisipan hampay sida balaw sumarig sa Diyus ag dayu diman maribri.

Lukas 8:14

Ti nalagpak sa dugihan tunda imaw ti manga nakadnug, dapat amat-amat pagkisutun sida sa kaaburiduhan naisipan hanggan sa kayamanan hanggan sa daut pag kagustuhan sitay sa babaw daga. Nakan unman magkamhan kay burak.

Huwan 15:2

Nu may manga sanga sa kangku unman magburak, kay pungpungun niya. Ti kada sanga magburak puldan niya kay baliw hampay lalu mamurak.

Huwan 15:6

Nu ti tawu napablag yi sa kangku, iyamut siya malayung bag-u parihu diman ga manga sanga tipunun siya, bag-u isawug sa apuy hampay sunugun.

Huwan 5:35

Sa kay magtudlu si Huwan parihu ga sulu nasul-an rinmayaw. Naibug diman kamu nakabaya ngalay-ngalay sa kay pag-itudlu ga sa marayaw.

1 Kurintu 13:2

Una pinakan-an yi aku Panginuun hampay makapurupita ag una maalaman niku ti tanan katutuuhanan unman ipinaburayhaw sa tawu, hanggan ti tanan kaalamanan, una abi pinakan-an aku Panginuun buu pagsarig hampay ipakababa niku ti manga bantud, bag-u unman aku may pagmahal, unman diman aku may pulus.

1 Kurintu 15:2

Sa inda ginan pag Mayad pag Barita ribri kamu, nu asintadu kamu sa kang itinudlu sa kanyu, ag nu ituduk niyu sa kanyu tagipusuun kanyu pagsarig.

Galasya 3:1

Hayga nguna kamu pag manga taga Galasya, patalang-talang? Si unu lugud ti nagpaumang sa kanyu? Marayaw yi apinaliwanag niku sa kanyu tungkul sa kamatayan ni Kiristu sa kurus.

Galasya 3:4

Udyi aw may pulus sa kanyu ti kanyu linakawan kaybi? Siguru balaw diman unman.

Ipisu 3:17

hampay mangulian si Kiristu sa kanyu tagipusuun dahil sa kanyu magsarig sa kanya. Pag-idarangin diman niku kamu hampay manggamut ag rumig-un sa pagmahal,

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 2:7

Pagga may gamut tulusan kamu sa kanya ag isarig niyu kanyu buhi sa kanya. Pagpakarig-un kamu sa kanyu pagsarig angay sa itinudlu sa kanyu. Pagpirmi yi gid kamu pagpasalamat sa Diyus.

1 Tisalunika 3:5

Nakan ngani pagka udyi aku makaagwanta, sinugu niku si Timutiyu hampay makaalam barita tungkul sa kahamtangan taynguna niyu pagsarig sa Panginuun. Nag-isip aku barang natuksu kamu diyablu. Nu abi katida ti nangyari, nabul-an yi lang halaga kanmi nagpangabudlay.

1 Timutiyu 1:19

Pangungud yi lang gid kawu sa kanmu pagsarig ag danga may pag-alalahanun kasalanan sa kanmu tagipusuun. Dahil may manga tawu unman pagpahalagaan nida kanda malumpiyu tagipusuun, nakan rinangga yi kanda pagsarig.

Hibriyu 10:39

Dapat kita balaw ay ga tunda pag manga mag-urung bag-u ipadamhak. Kita ga tunda ngap pag manga magsarig hampay iribri.

Santiyagu 2:26

Tigbak ti bilug nu udyi may arup. Katunda diman waydi ga tigbak ti pagsarig nu unman may patapil manga buwat.

2 Pidru 2:20

Nakaiwas yi sa kadautan kalibutan ti manga tawu nakakilala sa kan Hisu-Kiristu sa kanda Panginuun Manugribri. Dapat ay nu maraibgun maan sida sa daan pag ugali daut bag-u nu rargu napatalu, lalu man makuri kanda kahamtangan balaw lang ga sa kabag-u.

2 Pidru 2:22

Nu katida mitama sa kanda ti pagsabihun magkun, “Ga ugali yi waydi idu magbalik yi maan sa kay suka. Una ti babuy madi pinarigus yi, magbalik yi maan sa kay lubganan.”

1 Huwan 2:19

Tunda pag manga tawu ginan diman waydi sa kanta karaw-an dapat daan balaw tutuu minsan sa kanta. Nu abi sida ungud minsan sa kanta, unman gid napablag sida sa kanta. Nakan sida napablag, hampay makilala sida tanan balaw tutuu gid minsan sa kanta.

Hudas 1:12

Daka gid pag kakay-ahan niyu, pagbul-an yi halaga kamu sa kanda magpaminsan sa kanyu karan-an magtar-arian, dahil aranghadu sida sa magkaun. Unman sida may pag-isipun nu unman kanda lang sadili. Sida ga manga rurum pagdarahun durus dapat unman waydi may ipakaun uran. Sida ga manga puun kayu unman magburak una mana kay udas mamurak, naayit una gamut, ungud namatay yi.