Lukas 8:12 - Hanunuu

¹² Tunda yi ngani manga sa saruy dalan imaw ti manga manugpatingi. Bag-u magras-ug ti diyablu, pagpalimutun niya ti Bagaw Diyus ginan sa kanda naisipan hampay sida balaw sumarig sa Diyus ag dayu diman maribri.

Lukas 8:12 Iomraidhean Croise

Kabagawan 1:29

Dahil magbugya kamu pagtudluan ag pinili niyu ti balaw paggalang sa Panginuun.

Kabagawan 4:5

Sipagi nimu magkaimaw kawu kadunungan ag intindi. Danga pagkalimti ti manga pagsabihun niku sa kanmu, danga kawu magpablag sa inda.

Isayas 65:11

Dapat pakurianan niku kamu pag manga nagbugya sa kangku hanggan balaw nagpahalaga sa banal pag bantud niku. Nansagda kamu sa pagpaniwalaan niyu pag manga diyus-diyusan imaw tig pakaun papalad sa kanyu ag mayad pag kapaladun.

Matiyu 13:19

Ti manga magpatingi sa tudlu tungkul sa kay paghari Diyus bag-u unman diman kanda naintindihan parihu sida sa binhi sinmamad sa saruy dalan. Pagka rinmas-ug si Satanas pag-agawun niya ti ipinamgas ginan sa kanda tagipusuun.

Matiyu 13:4

Sa kay magpamgas may binhi sinmamad sa saruy dalan. Linmuwang ti manga manuk tinabu tininduk nida tunda pag binhi sinmamad sa saruy dalan.

Markus 4:15

Tunda yi ngani manga sa saruy dalan imaw ti manga manugpatingi. Pagka ipinamgas ti Bagaw sa kanda manga tagipusuun ag kanda napatingihan, kadaka nagras-ug si Satanas, pagpalimutun niya ti Bagaw Diyus ipinamgas sa kanda manga tagipusuun.

Lukas 8:11

Magkun si Hisus, “Inda yi ngani kay kahulugan pag pahalimbawa. Ti binhi imaw ti Bagaw Diyus.

Lukas 8:13

Tunda sa mabatu, imaw ti manga nakadnug lang nagtanggap yi sida magbaya sa Bagaw Diyus. Dapat unman ngap inmaba kay gamut. Sida ngap ud nadugay kanda sarig. Pagka rinmas-ug ti tuksu nagbul-iw sida sa Diyus.

Lukas 8:5

“May usa ka manugtanman linmakaw hampay mamamgas. Sa kay magpamgas may binhi sinmamad sa saruy dalan, natat-an manga tawu bag-u tininduk manga manuk.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.