Lukas 8:1 - Hanunuu

¹ Pagka dugay naglakaw si Hisus naglibut sa manga kabanwa-banwahan ag sa manga baryu, kaibahan niya ti sampulu may duwa ka tuludluan niya. Itinudlu niya ti Mayad pag Barita sa manga tawu tungkul sa paghari Diyus. Kaibahan niya ti sampulu may duwa ka tuludluan.

Lukas 8:1 Iomraidhean Croise

Matiyu 11:1

Pagka nakatapus tudlu si Hisus sa kay sampulu may duwa ka tuludluan, nighit siya sa tunda ginan pag rugar ag nag-ati sa sangput pag manga banwa agud manudlu hanggan magbarita sa manga tawu.

Matiyu 13:19

Ti manga magpatingi sa tudlu tungkul sa kay paghari Diyus bag-u unman diman kanda naintindihan parihu sida sa binhi sinmamad sa saruy dalan. Pagka rinmas-ug si Satanas pag-agawun niya ti ipinamgas ginan sa kanda tagipusuun.

Matiyu 4:23

Pinalibut ni Hisus ti buu daga Galiliya, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Matiyu 9:35

Pinalibut ni Hisus ti manga banwa hanggan ti manga baryu, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Markus 1:39

Nag-ati si Hisus sa tanan rugar sa kabuuhan daga Galiliya, nanudlu siya sa manga tawu sa simbahanan manga Hudiyu, ag ipinalwas niya ti manga labang.

Lukas 1:80

Dinmaka ti anak, ag nagbisug kay tagipusuun. Sa pangawakawaan manga tawu kay ulian hanggan sa udwaya napakakit siya magtudlu sa manga taga Israil.

Lukas 20:1

Nanudlu maan si Hisus ag ipinaliwanag niya ti Mayad pag Barita sa manga tawu sa sulud Balay Diyus. Bag-u nagpakarani ti manga pangulu manughandug, ti manga manugtudlu Kasuguan hanggan ti manga paggurangunun manga Hudiyu,

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Lukas 9:6

Pagka nakatapus yi kan Hisus bilin sa kay manga tuludluan, linmakaw yi sida. Nag-ati sida sa manga rugar, itinudlu nida ti Mayad pag Barita ag nagpaayad sida sa may manga sakit.

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Binwat 13:32

Nakan kami nagsitay hampay itultul sa kanyu ti Mayad pag Barita magkun, ti manga itinaratu Diyus kaybi sa ginurang manga Hudiyu, tinupad yi niya taynguna para sa kanta, una sa kanda manga linahi una sa manga balaw Hudiyu, dahil binuhi niya maan si Hisus. Parihu sa isinurat sa ikadwa pag Kanta magkun, ‘Kawu kang anak, taynguna aku kanmu yi Ama.’

Ruma 10:15

Kabitay pag makatudlu una si unu nu unman siya pagsuguun? Angay sa nisurat magkun, “Anung, pag mangarinu pag lulud ti magdara Mayad pag Barita.”