Lukas 7:8 - Hanunuu

⁸ Dahil aku usa ka tawu sa sirung makapangyarihan. May manga sundalu waydi sa sirung niku kapangyarihan. Pagka sumabi aku sa usa, “Pag-ati kawu,” umati siya. Magkun aku sa usa, “Abala”, ag pumakarani yi ngani siya. Magkun aku sa kang suruguun, “Buwatun nimu inda,” binwat yi ngani niya.’ ”

Lukas 7:8 Iomraidhean Croise

Lukas 7:7

Unman diman waydi may karampatan aku mag-atubang sa kanmu. Dapat bagawa lang nimu bag-u umayad yi kang suruguun.

Lukas 7:9

Pagka nadnugan ni Hisus inda, naglingut siya sa kapitan. Napasrangu siya tabug sa kay uryan sa kayamuan tawu magkuyug sa kanya magkun siya, “Pagsabihun niku sa kanyu una sa Israil unman aku may nakitan kainda pagsarig ga kapitan kay kadaka.”

Binwat 23:17

Tinawag ni Pablu ti usa ka kapitan bag-u kay sinabi sa kanya magkun, “Ibahi duy nimu inda pag kan-akan tag sa kumandir, may itultul siya sa kumandir.”

Binwat 23:23

Tinawag kumandir kay duwa ka kapitan bag-u kay sinabi sa kanda magkun, “Paghanda kamu duwa ka gatus sundalu, may pitumpulu waya ka sundalu lunsay masakyan sa manga kabayu ag may duwa waya ga gatus sundalu may bangkaw. Pag-alistu yi kamu hampay umatag sa Sisariya sab yabi pagka nakalawuy yapun.

Binwat 23:26

“Aku si Kalaudyu Lisyas ti may surat tabug sa kanmu duy, kagalang-galang Gubirnadur Pilik.

Binwat 23:31

Nakan bin-ul ngani manga sundalu si Pablu angay sa isinugu kumandir sa kanda bag-u pagka yabi yi kanda dinara siya sa banwa Antipatris.

Binwat 24:23

Bag-u sinabihan niya kay kapitan magkun, “Guwardiyahi nimu si Pablu sa pirisuhan, dapat danga paghigpiti nimu. Danga pag-irangi kay manga manug-awat magsabang sa kanya.”

Binwat 25:26

Unman lang niku alam nu hintay kang ibugtang sa kang surat tabug sa Pangulu Hari tungkul sa inda pag tawu. Nakan ngani kang ipinaatubang siya sa kanyu, lalu sa kanmu duy, Hari Agripa, hampay nu masuyasid nita siya maalaman niku nu hintay kang isurat.

Kulusas 3:22

Kamu pag manga panawuhun, pagpirmi pagsunud sa kanyu amu sitay sa babaw daga. Una may maghiling, una unman, pagtarabahu kamu balaw kuntay sa bayaun manga tawu, bagkus ngap pagtarabahu kamu dahil matinupadun kamu sa kanyu maggalang sa Panginuun.