Lukas 7:6 - Hanunuu

⁶ Kinmuyug yi si Hisus sa kanda. Pagka balaw yi masyadu arayu siya sa balay, pinmasugu yi maan ti kapitan sa kay manga mahal pag kakilala magkun, “Sabiha niyu, ‘Panginuun, danga yi lang duy kawu magpakibudlay, dahil unman aku may karampatan magpasaka sa kanmu sa kang balay.

Lukas 7:6 Iomraidhean Croise

Gimpuunan 32:10

Balaw duy aku karapat-dapat mantanggap tanan kaayadan ag katapatan kanmu ipinakakit sa kangku, sa kanmu manugsirbi. Dahil katpung nandipay aku sa Hurdan, unman duy aku may iba dara nu unman sugkud lang, dapat taynguna may duwa ka gurupu yi duy aku ka kaibahan.

Kabagawan 29:23

Ti kayabangan tawu makapakaun sa kanya kakay-ahan, dapat ti pagpakumbaba tawu makapakaun sa kanya kadayawan.

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 3:11

Tutuu kamu kang pag-itulbaw sa danum tanda sa kanyu nag-ampu sa kasalanan. Dapat ay may dumasun sa kang uryan lalu man makamaskihan sa kangku. Unman aku may karampatan magdara kay lapak. Siya di ti tumulbaw sa kanyu sa Ispiritu Banal hanggan sa apuy.

Markus 5:24

Kinmuyug ngani si Hisus, hanggan ti kayamuan tawu kinmuyug waydi, sirit-an yi sa kay sangput ni Hisus.

Lukas 5:8

Pagka nakitan ni Simun Pidru ti nangyari, nagluhud siya sa atubangan ni Hisus ag magkun, “Pagpakarayu duy kawu Panginuun sa kangku ginan, dahil makasalanan aku.”

Lukas 7:4

Pagka nagras-ug sida sa kan Hisus, hinampang nida mayad si Hisus magkun, “Awati duy inda pag kapitan, dahil mayad gid siya pag tawu.

Lukas 7:5

Inda duy pag kapitan magmayad siya sa kanta nasyun, nagpabuwat siya kanta simbahan.”

Lukas 7:7

Unman diman waydi may karampatan aku mag-atubang sa kanmu. Dapat bagawa lang nimu bag-u umayad yi kang suruguun.

Lukas 8:49

Pagka magbagaw waya si Hisus, rinmas-ug yi ti usa ka lalaki ginan sa ulian pangulu Balay Diyus, nagsabi sa kanya, “Udyi duy kanmu anak babayi, danga yi duy magbalag sa Maisturu.”

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Santiyagu 4:10

Pagpakumbaba kamu sa atubangan Panginuun, bag-u kamu paabwatun niya.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”