Lukas 7:50 - Hanunuu

⁵⁰ Sinabi ni Hisus sa babayi, “Ribri yi kawu dahil sa kanmu pagsarig. Danga yi magkaaburidu, pag-uli yi kawu.”

Lukas 7:50 Iomraidhean Croise

Manugtudlu 9:7

Sigi, pagkaun kawu ag pag-inum intus pag may kabayaan, dahil ipinahintulut yi Diyus kaybi di waya inda kanmu buwatun.

Habakuk 2:4

Kaindaay kanmu isurat: “Bantayi ti manga tawu palabi-labihun! Manga daut sida pag tawu. Dapat ti matadlung pag manga tawu mangabuhi dahil sa kanda pagsarig.

Matiyu 9:22

Napalisud si Hisus. Pagka nakakit sa babayi magkun siya, “Pagmatutum kam naisipan duy, pinaayad yi kawu nimu sarig.” Susun nag-ayad yi ngani ti babayi.

Markus 10:52

Sinabi ni Hisus sa kanya, “Pag-atag yi duy kawu. Pinaayad yi kawu dahil kawu nagsarig sa kangku.” Susun maghiling yi ngani siya bag-u nagkuyug siya sa kan Hisus sa dalan.

Markus 5:34

Bag-u sinabi ni Hisus sa kanya, “Kawu duy pinaayad yi dahil sa kanmu magsarig. Pag-uli yi duy kawu, danga yi magkaaburidu, mayad yi kawu, udyi kanmu kakurian.”

Lukas 17:19

Magkun si Hisus sa kanya, “Pagtindug duy kawu, pag-uli yi. Naribri kawu dahil sa kanmu pagsarig.”

Lukas 18:42

Sinabi ni Hisus sa kanya, “Makakit yi kawu, pinaayad kawu dahil kawu nagsarig sa kangku.”

Lukas 7:9

Pagka nadnugan ni Hisus inda, naglingut siya sa kapitan. Napasrangu siya tabug sa kay uryan sa kayamuan tawu magkuyug sa kanya magkun siya, “Pagsabihun niku sa kanyu una sa Israil unman aku may nakitan kainda pagsarig ga kapitan kay kadaka.”

Lukas 8:18

“Isipa niyu nu kabitay kanyu magpatingi. Dahil una hintay pag tawu ti may imaw dugangan waya. Una hintay pag tawu ti unman may imaw, una ti pagsarigan mana niya bul-un diman gid aban ginan sa kanya.”

Lukas 8:42

Dahil may bugtung anak babayi siya sampulu may duwa ka timpu kay idad ag hirimugtasun yi kay arup. Dapat sa kay maglakaw ni Hisus atag sa kan Hairu balay, nandurutdutan ti kayamuan tawu sa kanya.

Lukas 8:48

Magkun si Hisus sa kanya, “Kawu duy pinaayad yi dahil sa kanmu pagsarig. Pag-uli yi duy kawu, danga yi magkaaburidu.”

1 Samwil 1:17

Magkun si Ili, “Nu katida, pag-uli yi kawu, danga magkaarimputu. Mana ipakaun Diyus Israil kanmu paghagadun sa kanya.”