Lukas 7:28 - Hanunuu

²⁸ Magkun si Hisus, “Kang pagsabihun sa kanyu, si Huwan lalu mahalaga man sa tanan tawu nianak sa babaw daga. Dapat ay ti pinakamababa pag tawu nu pagharian siya Diyus lalu man mahalaga sa kan Huwan.”

Lukas 7:28 Iomraidhean Croise

Matiyu 11:11

Ungud duy kang pagsabihun sa kanyu, sa tanan nianak unman waya may linmuwang lalu waya mahalaga sa kan Huwan Manugtulbaw. Dapat sa kaharian langit ti pinakaababa pag tawu mataas man sa kan Huwan Manugtulbaw.

Matiyu 3:1

Ati katpung pag manga sirang nagras-ug si Huwan Manugtulbaw sa pangawakawaan sa Hudiya. Nanudlu siya magkun,

Lukas 3:16

Dapat sinabi ni Huwan sa kanda tanan magkun, “Ungud ngani kamu kang pag-itulbaw sa danum. Dapat may rumas-ug makamaskihan man sa kangku. Unman may karampatan aku maglubad panhigut niya manga lapak. Itulbaw niya kamu aban sa Ispiritu Banal hanggan sa apuy.

Lukas 7:27

Dahil may nisurat sa Banal Kasuratan tungkul sa kanya magkun, ‘Inda yi kang sinugu ipinauna sa kanmu, ialistu niya kanmu lakawan.’”

Lukas 7:29

Ti kayamuan tawu una manga manunukut buhis namatingi gid sa kan Hisus adal. Tinupad waydi nida ti kagustuhan Diyus pagka sida napatulbaw sa kan Huwan.

Lukas 9:48

Sinabi niya sa kanda, “Una si unu pag tawu ti magsunud sa kangku ag pakan-an niya halaga inda pag diit anak, aku di ngap kay pinakan-an halaga. Una si unu pag tawu nu pakan-an halaga niya aku, napakan-an waydi niya halaga ti nagsugu sa kangku. Dahil ti pinakaababa sa kanyu tanan imaw yi ngap ti mataas.”