Lukas 7:27 - Hanunuu

²⁷ Dahil may nisurat sa Banal Kasuratan tungkul sa kanya magkun, ‘Inda yi kang sinugu ipinauna sa kanmu, ialistu niya kanmu lakawan.’”

Lukas 7:27 Iomraidhean Croise

Isayas 40:3

May manugbarita maghuyaw magtudlu sa manga tawu, “Ialistu niyu ti dalan sa pangawakawaan para sa Panginuun. Tadlunga ti dalan lakawan nita Diyus.

Malakyas 3:1

Pagpatingi kamu sa pagsabihun Panginuun Makamaskihan, “Ipadara niku kang manugbarita hampay ialistu kang lakawan. Bag-u ti Panginuun kanyu pag-alagdun kadaka rumas-ug sa kay Balay. Rumas-ug kanyu pagpatigagadun pag manugbarita imaw ti mamatigayun sa kang kasunduan.”

Matiyu 11:10

Dahil may sinabi sa Banal Kasuratan tungkul sa kan Huwan magkun, ‘Inda yi kang sinugu ipinauna sa kanmu. Ialistu niya kanmu lakawan.’”

Markus 1:2

Isinurat sa ribru ni Purupita Isayas magkun, “Inda yi kang suruguun kang ipauna sa kanmu, Siya yi tig-alistu kanmu dalan.

Lukas 1:76

Kawu duy anak, ingarnan kawu purupita Diyus Makamaskihan sa Tanan. Sapagka kawu ti un-an umuna bag-u ti Panginuun dumasun sa kanmu. Kawu nakan ti humanda dalan Panginuun.

Lukas 7:26

Kanyu ngani nag-ati hintay kanyu hinanap? Purupita aw? Hu ngani duy. Dapat kang pagsabihun sa kanyu, balaw lang purupita siya.

Lukas 7:28

Magkun si Hisus, “Kang pagsabihun sa kanyu, si Huwan lalu mahalaga man sa tanan tawu nianak sa babaw daga. Dapat ay ti pinakamababa pag tawu nu pagharian siya Diyus lalu man mahalaga sa kan Huwan.”

Huwan 1:23

Sa kay nagsagut ginamit ni Huwan ti manga isinurat ni Purupita Isayas. Magkun si Huwan, “Aku duy ‘ti busis usa ka magtawag sa pangawakawaan magkun, tadlunga niyu ti dalan kay lakawan Panginuun.’ ”