Lukas 7:22 - Hanunuu

²² Nagsagut si Hisus sa manga sinugu ni Huwan magkun, “Pag-uli yi kamu, sabiha niyu sa kan Huwan kanyu nakitan ag nadnugan. Maghiling yi ti manga buta, maglakaw yi ti manga pilay, naayadan yi ti may manga dilikadu pag sakit sa lukub, magdungug yi ti manga bungul, nabuhi maan ti manga namatay, pag-iadal sa manga pugri ti Mayad pag Barita.”

Lukas 7:22 Iomraidhean Croise

Hub 29:15

Nagbaliw aku mata tawu buta ag lulud tawu pilay.

Kanta 146:8

pagpaayadun niya ti manga buta hampay makakit, pagpabisugun niya ti manga magpanlumuy, pagmahalun niya ti manga matadlung,

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Isayas 43:8

Magkun waya ti Panginuun, “Tawaga nimu kang manga nasakupan may manga mata, dapat unman makakit; may manga tuli dapat unman magdungug.

Hirimyas 31:8

Magkun diman ti Panginuun, “Pagpatingi kamu! Aku ti bum-ul sa kanda, tipunun niku sida ginan sa kanaway una naan ginan pag bahagi kalibutan. Kaibahan ti manga buta, ti manga lunu, katida diman ti manga magbuduy hanggan ti manga arani yi manganak. Daka pag gurupu ti muli.

Sipanyas 3:12

Dapat may sawadan aku sa Hirusalim manga tawu pugri ag makuri. Manhagad sida awat sa kangku.

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 21:14

Nagpakarani sa kan Hisus sa Balay Diyus ti manga buta hanggan pilay bag-u sida kay pinaayad.

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Lukas 7:21

Ati katpung nagpaayad si Hisus sa mayamu may makuri pag sakit, sa manga pinakurian labang. Pinaayad diman niya hanggan ti kayamuan manga buta.

Lukas 7:23

Magkun si Hisus, “Papaladan Diyus ti tawu nu unman mag-alinlangan siya sa kangku.”

Huwan 1:46

Nagpaingana si Natanail magkun, “May lumuwang aw lugud kaayadan ginan sa Nasarit?” Sinmagut si Pilipi magkun, “Atag lugud kita, bantayi nimu.”

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Binwat 8:7

Dahil nagluwas namagrit daka ti manga labang ginan sa mayamu tawu kanda inapuan. Mayamu diman pag manga tawu lunu una pilay pinaayad waydi.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.