Lukas 7:21 - Hanunuu

²¹ Ati katpung nagpaayad si Hisus sa mayamu may makuri pag sakit, sa manga pinakurian labang. Pinaayad diman niya hanggan ti kayamuan manga buta.

Lukas 7:21 Iomraidhean Croise

1 Hari 8:37

“Nu may rumas-ug lun-us sa daga nimu nasakupan, ngatay kadilikaduhan, ngatay mainit pag durus, ngatay sarut sa manga tanum hanggan yi ti manga apan ag ti manga basul, ngatay sangputun sida nida manga kalaban una naan sa kanda manga banwa, ngatay rumas-ug sa kanda ti una hintay pag manga sakit,

Libitiku 14:48

Dapat nu balaw yi binmalik ti kalmu sa paghimalad manughandug sa balay igu pinakputan pamalitis ti bahagi manga lingub kinalmu, ipaalam manughandug kuntay malumpiyu yi ti balay dahil nadura yi kay kalmu.

Matiyu 4:23

Pinalibut ni Hisus ti buu daga Galiliya, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Markus 3:10

Dahil magpaayad siya sa mayamu tawu, nakan magdurutdutan ti tanan manga may dahilan hampay siya maigpilan nida.

Markus 5:29

Susun ngani nap-ut kay pagsulgan ag naasaydan niya sa kay bilug naayadan yi siya sa kay kakurian.

Markus 5:34

Bag-u sinabi ni Hisus sa kanya, “Kawu duy pinaayad yi dahil sa kanmu magsarig. Pag-uli yi duy kawu, danga yi magkaaburidu, mayad yi kawu, udyi kanmu kakurian.”

Lukas 7:20

Pagka nagras-ug yi sa kan Hisus ti manga sinugu ni Huwan sinabi nida, “Si Huwan Manugtulbaw ti nagsugu sa kanmi tag sa kanmu hampay kami mamaingana sa kanmu nu kawu aw ngani ti pagsabihun manga purupita kuntay sumitay, aw ngatay mag-alagad waya kami sa iba?”

Hibriyu 12:6

Dahil ti manga pagmahalun Panginuun imaw lang kay pagparig-anan. Pagbakulun diman niya ti kada anak kay tinanggap.”