Lukas 7:19 - Hanunuu

¹⁹ bag-u kay sinugu sida atag sa Panginuun magkun, “Sabiha niyu sa kan Hisus, ‘Kawu aw ngani ti pagsabihun manga purupita kuntay sumitay, aw ngatay mag-alagad waya kami sa iba?’ ”

Lukas 7:19 Iomraidhean Croise

Gimpuunan 22:18

Ag sa panab-anan nimu linahi, papaladan niku ti tanan nasyun sa kalibutan, dahil nagsunud kawu sa kangku.”

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Isayas 11:1

Ti makahari pag linahi ni Dabid ga puun pinlud. Dapat nu kabitay ti tuud magsalingsing, rumas-ug diman ti usa ka bag-u pag hari ginan sa linahi ni Dabid.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Hagay 2:7

Tandugun niku ti tanan nasyun hampay daran-un nida kanda manga kasiyunan sa kang Balay. Nakan mapnu inda pag Balay niku manga mahalaga pag bagay.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Markus 6:7

Tinipun ni Hisus kay sampulu may duwa ka tuludluan bag-u kay sinugu niya sida tigudwa tigudwa ag pinakan-an niya sida kamaskihan laban sa manga labang.

Lukas 10:1

Bag-u nagpili waya ti Panginuun pitumpulu may duwa ka tawu. Sinugu niya sida tigudwa tigudwa hampay mag-una sa kanya atag sa kada banwa hanggan kada pinuru tawu kay gayak diman atihan.

Lukas 11:1

Pagka dugay nandarangin si Hisus sa usa ka rugar. Pagka nakatapus kay darangin magkun ti usa ka tuludluan sa kanya, “Panginuun, tudlui nimu kami darangin parihu sa kan Huwan nanudlu sa kay manga tuludluan.”

Lukas 11:39

Sinabi Panginuun sa kanya, “Kamu pag manga Parisiyu kanyu pag-ugasan ti habig lang taya manga ungut. Dapat sa kanyu sulud bilug maramuun kamu ag lunsay kadautan.

Lukas 12:42

Sinmagut ti Panginuun magkun, “Ti panawuhun nu matinupadun ag mapininsaran imaw ti pagpiyaran niya amu hampay pakan-an niya karan-unun kay kaparihu manga panawuhun may bahaw may yabas may yapun.

Lukas 13:15

Dapat sinabi ngap Panginuun sa kanya magkun, “Kamu katna manga magpabalhinguun lang. Nu Sirang Pamahari unman aw ti kada usa sa kanyu maglubad kanyu manga higut baka una nangus asnu ginan sa kurumpayan hampay kanyu pagguyudun ipagpaslup sa danum?

Lukas 17:5

Sinabi manga apustul sa Panginuun magkun, “Dagdagan duy nimu kanmi sarig.”

Lukas 17:6

Sinabi maan Panginuun, “Nu kamu may sarig yi una di ga butir mutsasa kay kadaka, mahimu kamu magsabi sa inda pag puun kayu, ‘Ayita nimu kanmu gamut sa daga bag-u pagpahalin tag sa dagat.’ Pihu gid ti puun kayu pumaniwala sa kanyu bilin.”

Lukas 18:6

Magkun ti Panginuun, “Malu, nakitan niyu ti binwat talaghusay balaw ngani matadlung?

Lukas 19:8

Tinmindug si Sakiyu sinmabi sa Panginuun, “Panginuun, kay katunga niku kasiyunan kang ipakaun sa manga pugri. Nu nakasukut aku nagdaya una sa kantapu pag tawu, iuli maan niku durugan upat.”

Lukas 22:61

Bag-u nag-aliwliw ti Panginuun, tinurun niya si Pidru. Bag-u naisipan ni Pidru kay bagaw Panginuun nu kabitay kay sinabi sa kanya magkun, “Udwaya tumarauk ti manuk itanggi yi nimu aku katlu ginan.”

Lukas 24:34

Nagtultul sida magkun, “Tutuu ungud nabuhi uman kanta Panginuun, napakakit sa kan Simun.”

Lukas 7:13

Pagka nakitan siya Panginuun, kinaawan niya ti babayi. Magkun si Hisus, “Danga maglumi duy kawu.”

Lukas 7:20

Pagka nagras-ug yi sa kan Hisus ti manga sinugu ni Huwan sinabi nida, “Si Huwan Manugtulbaw ti nagsugu sa kanmi tag sa kanmu hampay kami mamaingana sa kanmu nu kawu aw ngani ti pagsabihun manga purupita kuntay sumitay, aw ngatay mag-alagad waya kami sa iba?”

Huwan 11:2

Imaw yi ngani pag Marya ti nagbuhus pamanglu sa kay manga lulud Panginuun bag-u kay pinayid niya buhuk. Kan Marya patar-ari pag Lasaru ti may sakit.

Huwan 4:1

Nabaritaan manga Parisiyu mayamu man pag manga tawu ti magsunud ag itinulbaw ni Hisus balaw lang ga kan Huwan.

Huwan 4:25

Bag-u sinabi babayi sa kan Hisus magkun, “Alam niku duy sumitay ti Pinili Diyus Manugribri pag Hari. Sa kay magsitay aban itudlu niya sa kanmi ti tanan-tanan bagay.”

Huwan 6:23

Dapat may manga duunduun rinmas-ug ginan sa Tibiryas sa arani nida kinan-an tinapay pag rugar sa katpung nagpasalamat ti Panginuun.

Huswi 2:1

Taynguna, lihim nanugu si Huswi duwa ka tawu ginan sa kampu manga Israilita atabug sa Sitim hampay maniid sa daga Kanaan, lalu yi gid sa banwa Hiriku. Pagka nakaras-ug ti duwa ka manugtiid sa Hiriku, ati pag dinmayun sida sa balay ni Rahab, usa ka babayi baraydan.

Ipinakakit 11:3

Dapat suguun niku ti duwa ka manugpadakit nakasulung rutay pustal. Bag-u itudlu nida ti Bagaw Diyus sa sulud usa ka libu may duwa ka gatus may unumpulu ka sirang kay kadugay.”