Lukas 7:16 - Hanunuu

¹⁶ Nadala gid sida tanan. Dinayaw nida ti Diyus magkun, “Nagsitay sa kanta karaw-an ti mamaski pag purupita. Nagsitay ti Diyus hampay iribri niya kay nasyun.”

Lukas 7:16 Iomraidhean Croise

Kanta 65:9

Pag-alagaan nimu ti daga ag pagpadaran-an nimu uran; binwat nimu inda abunda. Diyus, kanmu manga sapa balaw magkak-at, ag pagpakan-an nimu patubas ti manga tawu. Pag-ialistu nimu ti daga pumakaun patubas.

Pag-ighit 4:31

ag naniwala gid sida. Pagka naalaman nida magdumdum di maaw ti Panginuun sa kanda ag mag-akitan diman niya kanda manga kakurian, linmuhud sida ag sinmamba sa Panginuun.

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Matiyu 15:31

Nadulaw gid ti manga tawu, pagka nakitan nida magbagaw ti manga buyun, naayadan yi ti manga pingkaw, maglakaw yi una ti manga pilay, maghiling yi ti manga buta. Nakan nagdayaw sida sa Diyus manga taga Israil.

Matiyu 21:11

Sinabi kayamuan, “Inda yi ti purupita si Hisus taga Nasarit sa daga Galiliya.”

Matiyu 28:8

Ginminan ti manga babayi madali gid sa tinaguktukan batu may kadalaan may daka waydi pag kabayaan. Nagpalalagiwan sida hampay kanda itultul sa kay manga tuludluan.

Matiyu 9:8

Pagka nakitan manga tawu tunda, nadala sida ag nagdayaw sa Diyus sa nagpakaun katunda pag karampatan sa manga tawu.

Lukas 1:65

Sinindakan dala ti tanan tawu mag-uli sa kanda kalibut. Ti barita tungkul tanan manga nangyari sa kanda ni Sakaryas ikinalat sa tanan bantud daga Hudiya.

Lukas 1:68

“Dayawun nita ti Panginuun ti Diyus Israil, dahil kay inawatan ag linkat niya kay nasyun.

Lukas 19:44

Wasakun gid nida kawu ag lipulun nida ti manga tawu mag-uli sulud nimu alad batu. Unman nida sawadan una di usa ka batu sa kaparihu babaw batu, dahil unman nimu nakilala kay kaudasan pagka nagluwang ti Diyus hampay kawu mana kay iribri.”

Lukas 2:20

Nuli maan ti manga manug-alaga karanidu. Pagdayawun nida lubus ti Diyus dahil sa tanan bagay kanda nadnugan ag nakitan angay gid sa kay sinabi anghil sa kanda.

Lukas 24:19

Magkun si Hisus sa kanda, “Hintay duy pag nangyari?” Sinabi nida sa kanya, “Ti nangyari kabay sa kan Hisus taga Nasarit. Usa ka purupita makapangyarihan sa buwat hanggan sa bagaw, sa atubangan Diyus hanggan tanan manga tawu.

Lukas 5:26

Nadulaw gid masyadu ti manga tawu. Nadala sida, nagdayaw gid sa Diyus magkun, “Taynguna nakitan gid nimi ti makadululaw pag manga buwat.”

Lukas 5:8

Pagka nakitan ni Simun Pidru ti nangyari, nagluhud siya sa atubangan ni Hisus ag magkun, “Pagpakarayu duy kawu Panginuun sa kangku ginan, dahil makasalanan aku.”

Lukas 7:15

Tinmukaw yi ngani ti namatay, magbagaw yi maan. Bag-u ipinakaun maan siya ni Hisus sa kay ina.

Lukas 7:39

Siyun diman ti Parisiyu ti nagbuul sa kan Hisus. Pagka nakitan niya ti binwat babayi, inisip niya, “Nu tutuu purupita inda pag tawu, alam gid mana niya nu si unu ag nu hintay pag kalasi babayi siya tigpayid sa kay lulud, dahil makasalanan pag babayi siya.”

Lukas 8:37

Bag-u ti tanan tawu mag-uli sa daga manga Girasinu nagsabi sa kan Hisus, “Danga yi mana kawu sitay sa kanmi.” Dahil kinulbaan sida, daka kanda kadalaan. Nagsakay si Hisus sa duunduun, nuli yi siya.

Lukas 9:19

Sinabi nida, “Si Huwan Manugtulbaw kunu, dapat magsabi ti iba kawu si Ilyas, magkumun ti iba usa sa manga un-an pag purupita nabuhi uman ginan sa kay pagkamatay.”

Huwan 1:21

Pinmaingana maan sida magkun, “Nu katunda, si unu ngani kawu? Kawu yi aw si Ilyas?” Sinagut ni Huwan magkun, “Bukun duy, balaw aku si Ilyas.” Magkun sida, “Kawu aw ti Purupita, ti pag-alagdun nimi?” Sinmagut si Huwan magkun, “Balaw aku.”

Huwan 1:25

Bag-u nagpaingana maan sida sa kan Huwan magkun, “Hayga kawu magtulbaw nu unman kawu ti Pinili Diyus Manugribri pag Hari, bukun diman kawu si Ilyas ag nu unman diman waydi kawu ti Purupita?”

Huwan 4:19

Sinabi babayi sa kan Hisus magkun, “Purupita maaw duy kawu.

Huwan 6:14

Pagka nakitan manga tawu tunda pag tanda kay binwat ni Hisus, sinabi nida magkun, “Inda yi ngani ti Purupita ti itinaratu kaybi ti sumitay.”

Huwan 9:17

Nakan namaingana maan ti manga Parisiyu sa tawu buta kaybi magkun, “Kanmu sabi siya ti nagpaayad sa kanmu mata. Kabitay kanmu magkilala sa kanya?” Sinmagut ti tawu magkun, “Purupita duy siya.”

Binwat 5:5

Pagka nakadnug si Ananiyas sa kan Pidru sinabi, naplid lang siya rargu naugtas kay arup. Masyadu yi lang gid nadala ti tanan tawu nakadnug sa nangyari ati.

Binwat 7:37

“Si Muysis diman waydi ti nagsabi sa manga Israilita magkun, ‘Aban ipakaun Panginuun Diyus sa kanyu ti usa ka purupita kanyu diman kalahi, parihu diman ga kangku sinugu Panginuun.’

Galasya 1:24

Nakan ngani nagdayaw sida sa Diyus dahil sa kay binwat sa kangku.

Diyuturunumiyu 18:15

Bagkus ngap, pumadara sa kanyu ti Panginuun niyu Diyus usa ka purupita parihu sa kangku, kadugu niyu. Kailangan patingihan niyu siya.