Lukas 7:12 - Hanunuu

¹² Pagka arani yi siya sa sanggaan banwa, nasulang niya ti babayi buranday manlubung sa kay usa-usa lang ka anak lalaki namatay. Mayamu ti nagkuyug manuglubung.

Lukas 7:12 Iomraidhean Croise

Gimpuunan 22:12

Magkun ti anghil, “Danga duy pagmatya kanmu anak! Taynguna, napatutuuhanan yi niku may dala kawu sa Diyus dahil balaw nimu inirangan kanmu bugtung pag anak.”

Gimpuunan 22:2

Bag-u magkun ti Diyus, “Daran-a kanmu bugtung ag pagmahalun pag anak si Isaak bag-u pag-atag kamu sa daga Muriya. Pagdayik kamu sa itudlu niku pag bantud sa kanmu bag-u ati nimu pag ihandug sa kangku kanmu anak si Isaak, bilang handug pagsunugun.”

2 Samwil 14:7

Inatag aku tanan niku katawuhan ag sinabihan, ‘Pakan-an sa kanmi kanmu anak, ag matyun nimi siya dahil minatay niya kay patar-ari. Balaw dapat siya ti manmana manga kasiyunan niya ama.’ Nu buwatun nida tunda, madura diman kang usa ka anak. Siya wadi ngani kang pagsarigan mangawat sa kangku, ag madura yi waydi hanggan ti ngaran niku asawa sitay sa kalibutan.”

1 Hari 17:12

Magkun ti buranday, “Magsabi duy aku sa urungdan sa atubangan buhi pag Panginuun nimu Diyus, unman yi aku may tinapay. Ti nasawad lang usa ka akup arina sa malukung ag diit pag lana ulibu sa tapayan. Magbuul ngani duy aku pira ka bilug kayu atay hampay darahun sa balay ag tamaun ti magkasawad pag arina para sa kangku ag sa anak niku, nu matabu yi nimi inda, mamatay yi kami sa lun-us.”

1 Hari 17:18

Magkun ti babayi sa kan Ilyas, “Unu duy ti pag-ikagalit nimu sa kangku, manugsirbi Diyus? Nangataytag aw duy kawu sitay hampay matyun kang anak bilang parusa sa kang manga kasalanan?”

1 Hari 17:23

Bag-u dinara ni Ilyas ti anak sa sirung ag ipinakaun sa kay ina. Magkun si Ilyas, “Bantayi duy kanmu anak, buhi siya!”

1 Hari 17:9

“Pag-atag kawu sa Saripta sa Sidun, ati kawu pag mangulian. May usa ka buranday ati sinugu niku mamakaun sa kanmu.”

2 Hari 4:16

Magkun si Ilisyu, “Sa sunud pag timpu, sa kainda diman pag udas may salilyun yi kawu anak lalaki.” Sinmagut ti babayi, “Danga duy kawu magpudil sa kangku. Suruguun kawu Diyus.”

2 Hari 4:20

Nakan dinara ngani panawuhun ti anak sa kay ina, bag-u sinapupu niya ina tugka sa karaw-an sirang ag namatay ti anak.

Hub 29:13

Pagpapaladan aku hirimatyanun pag manga tawu ti kang inawatan ag magbaya gid ti manga buranday babayi ti kang inawatan diman.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Lukas 7:11

Udyi dugay, linmakaw si Hisus tag sa Nain pag banwa. Nagkuyug sa kanya kay manga tuludluan hanggan ti lalu mayamu pag manga tawu.

Lukas 7:13

Pagka nakitan siya Panginuun, kinaawan niya ti babayi. Magkun si Hisus, “Danga maglumi duy kawu.”

Lukas 8:42

Dahil may bugtung anak babayi siya sampulu may duwa ka timpu kay idad ag hirimugtasun yi kay arup. Dapat sa kay maglakaw ni Hisus atag sa kan Hairu balay, nandurutdutan ti kayamuan tawu sa kanya.

Lukas 8:52

Nanlulumian ti tanan tawu nagkarabayngan dahil sa anak babayi. Dapat ay sinabi ni Hisus, “Danga yi kamu maglumi, dahil siya balaw tigbak, maturugan lang siya.”

Huwan 11:19

Mayamu pag manga Hudiyu nagsabang sa kanda ni Marta ni Marya hampay magpasaya sa kanda karukuan tungkul sa kanda patar-ari.

Binwat 9:39

Nagkuyug ngani si Pidru sa kanda. Pagka rinmas-ug siya sa Lida, dinara nida siya atag sa sulud-sulud sa ikadwa pag ugpu salug. Nagpakarani diman sa kan Pidru ti tanan manga babayi buranday, ipinakakit nida sa kanya ti rutay kay ipinaalu ni Durkas sa kanda kay di waya buhi.

Binwat 9:41

Hiniyaptan ni Pidru kay kamang bag-u kay inawatan si Tabita kay ipinatindug. Bag-u tinawag niya ti manga patar-ari lalu hanggan ti manga babayi buranday, ipinakakit niya sa kanda si Durkas nabuhi yi maan.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.